قورئانا پیرۆز › سورەتا المؤمنون › ئایەتا ٥١
سورەتا المؤمنون · ئایەتا ٥١ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَقَدۡ ءَاتَيۡنَا مُوسَى ٱلۡكِتَٰبَ لَعَلَّهُمۡ يَهۡتَدُونَ ﴿٤٩﴾
و ب ڕاستى مه ته‌ورات دابوو مووساى؛ دا ملله‌تێ وى پێ بێنه سه‌ر ڕێكێ.
وَجَعَلۡنَا ٱبۡنَ مَرۡيَمَ وَأُمَّهُۥٓ ءَايَةٗ وَءَاوَيۡنَٰهُمَآ إِلَىٰ رَبۡوَةٖ ذَاتِ قَرَارٖ وَمَعِينٖ ﴿٥٠﴾
ومه عيسايێ كوڕێ مه‌ريه‌مێ وده‌یكا وى بۆ شيانا خۆ كرنه نيشان؛ چونكى مه ئه‌و بێ باب ئافراند بوو، ومه جهه‌كێ بلند ل عه‌ردى كره جهێ حه‌واندنا وان، ئه‌و جهـ يێ ڕاست بوو دا ئه‌و لێ ئاكنجى ببن، وكانییێن ئاڤێ لێ هه‌بوون.
يَـٰٓأَيُّهَا ٱلرُّسُلُ كُلُواْ مِنَ ٱلطَّيِّبَٰتِ وَٱعۡمَلُواْ صَٰلِحًاۖ إِنِّي بِمَا تَعۡمَلُونَ عَلِيمٞ ﴿٥١﴾
ئه‌ى گه‌لی پێغه‌مبه‌ران، هوين ژ ڕزقێ پاقژ وحه‌لال بخۆن، وكريارێن چاك بكن، هندى ئه‌زم ئه‌ز ب وى تشتێ هوين دكه‌ن يێ پڕزانامه، تشته‌ك ژ كارێ هه‌وه ل به‌ر من به‌رزه نابت.
وَإِنَّ هَٰذِهِۦٓ أُمَّتُكُمۡ أُمَّةٗ وَٰحِدَةٗ وَأَنَا۠ رَبُّكُمۡ فَٱتَّقُونِ ﴿٥٢﴾
وهندى دينێ هه‌وه‌يه ئێك دينه كو ئيسلامه، وئه‌ز خودايێ هه‌وه مه ڤێجا هوين ته‌قوایا من بكه‌ن، وگوهدارییا فه‌رمان وپاشڤه‌برنێن من بكه‌ن.
فَتَقَطَّعُوٓاْ أَمۡرَهُم بَيۡنَهُمۡ زُبُرٗاۖ كُلُّ حِزۡبِۭ بِمَا لَدَيۡهِمۡ فَرِحُونَ ﴿٥٣﴾
به‌لێ دويكه‌فتى د دينێ خۆ دا ل سه‌ر گه‌له‌ك پارت وده‌سته‌كان ژێك جودا بوون، وپشتى فه‌رمان ل وان هاتییه‌كرن كو ئه‌و ئێك بن وان دينێ خۆ پارچه پارچه كر، هه‌ر پارت وحزبه‌كێ كه‌يف ب بۆچوونا خۆ دئێت، وهزر دكه‌ت ئه‌و يا ڕاسته وخه‌لكێ دى يێ خه‌له‌ته. وئه‌ڤ ئايه‌ته مه ژ هندێ پاشڤه دبه‌ت كو ئه‌م دينێ خۆ پارچه پارچه بكه‌ين وببينه حزب وده‌سته‌كێن جودا جودا.