قورئانا پیرۆز › سورەتا المؤمنون › ئایەتا ٧٥
سورەتا المؤمنون · ئایەتا ٧٥ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِنَّكَ لَتَدۡعُوهُمۡ إِلَىٰ صِرَٰطٖ مُّسۡتَقِيمٖ ﴿٧٣﴾
وهندى تويى تو به‌رێ ملله‌تێ خۆ وبه‌رێ خه‌لكێ دى ژى دده‌يه ڕاستترين ڕێك، كو دينێ ئيسلامێيه.
وَإِنَّ ٱلَّذِينَ لَا يُؤۡمِنُونَ بِٱلۡأٓخِرَةِ عَنِ ٱلصِّرَٰطِ لَنَٰكِبُونَ ﴿٧٤﴾
وهندى ئه‌ون يێن باوه‌رییێ ب ڕابوونا پشتى مرنێ وحيسابێ نائينن، وكارى بۆ ناكه‌ن، ئه‌وان خۆ ژ ڕێكا ڕاست لادايه.
۞وَلَوۡ رَحِمۡنَٰهُمۡ وَكَشَفۡنَا مَا بِهِم مِّن ضُرّٖ لَّلَجُّواْ فِي طُغۡيَٰنِهِمۡ يَعۡمَهُونَ ﴿٧٥﴾
وئه‌گه‌ر مه دلۆڤانى ب وان بربا وئه‌و برس وگرانى ژ سه‌ر وان ڕاكربا يا ئه‌و تێدا ئه‌و دا به‌رده‌وامییێ ده‌نه كوفر وهه‌ڤڕكییێ، ودا حێبه‌تى وكۆره مينن.
وَلَقَدۡ أَخَذۡنَٰهُم بِٱلۡعَذَابِ فَمَا ٱسۡتَكَانُواْ لِرَبِّهِمۡ وَمَا يَتَضَرَّعُونَ ﴿٧٦﴾
و ب ڕاستى مه ئه‌و ب گه‌له‌ك ڕه‌نگێن عه‌زابێ جه‌ڕباندن به‌لێ وان خۆ بۆ خودايێ خۆ نه‌شكاند، و ل ده‌مێ هاتنا عه‌زابێ وان ب ترس ڤه دوعا ژ وى نه‌كرن.
حَتَّىٰٓ إِذَا فَتَحۡنَا عَلَيۡهِم بَابٗا ذَا عَذَابٖ شَدِيدٍ إِذَا هُمۡ فِيهِ مُبۡلِسُونَ ﴿٧٧﴾
حه‌تا كو مه ده‌رگه‌هێ عه‌زابه‌كا دژوار ل سه‌ر وان ڤه‌كرى، هنگى ئه‌و ژ هه‌ر خێره‌كێ بێ هيڤى دبن، وحێبه‌تى دمينن نزانن دێ چ كه‌ن.