قورئانا پیرۆز › سورەتا المؤمنون › ئایەتا ٨٠
سورەتا المؤمنون · ئایەتا ٨٠ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَهُوَ ٱلَّذِيٓ أَنشَأَ لَكُمُ ٱلسَّمۡعَ وَٱلۡأَبۡصَٰرَ وَٱلۡأَفۡـِٔدَةَۚ قَلِيلٗا مَّا تَشۡكُرُونَ ﴿٧٨﴾
وخودێیه يێ گوهـ داينه هه‌وه دا هه‌وه پێ گوهـ ل تشتان ببت، وچاڤ داينه هه‌وه دا هوين تشتان پێ ببينن، ودل دا هوين پێ د تشتان بگه‌هن، و د گه‌ل هندێ ژى سوپاسییا هه‌وه بۆ ڤان قه‌نجییێن ل دويڤ ئێك گه‌له‌ك يا كێمه.
وَهُوَ ٱلَّذِي ذَرَأَكُمۡ فِي ٱلۡأَرۡضِ وَإِلَيۡهِ تُحۡشَرُونَ ﴿٧٩﴾
وئه‌وه يێ هه‌مى مرۆڤ ل عه‌ردى ئافراندين، وهوين پشتى مرنا خۆ دێ كۆم بنه نك وى، ڤێجا ئه‌و دێ هه‌وه سه‌را باشى وخرابییێن هه‌وه جزا ده‌ت.
وَهُوَ ٱلَّذِي يُحۡيِۦ وَيُمِيتُ وَلَهُ ٱخۡتِلَٰفُ ٱلَّيۡلِ وَٱلنَّهَارِۚ أَفَلَا تَعۡقِلُونَ ﴿٨٠﴾
وئه‌و ب تنێیه يێ زێنديكرنێ ژ چونه‌يێ دده‌ت، وپشتى زێنديبوونێ مرنێ دده‌ت، وجودابوون و ل دويڤێك هاتنا شه‌ڤ وڕۆژان ب وییه، ئه‌رێ ما هوين د شيان وته‌وحيدا وى ناگه‌هن؟
بَلۡ قَالُواْ مِثۡلَ مَا قَالَ ٱلۡأَوَّلُونَ ﴿٨١﴾
به‌لێ كافران باوه‌رى ب ڕابوونا پشتى مرنێ نه‌ئينا، ووان گۆتنا پێشییێن خۆ يێن كافر ڤه‌گێڕا.
قَالُوٓاْ أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ ﴿٨٢﴾
وان گۆت: ئه‌رێ ئه‌گه‌ر ئه‌م مرين وهه‌ستى وله‌شێ مه حه‌ليا وئه‌م بووينه ئاخ، ئه‌رێ ئه‌م دێ زێندى بينه‌ڤه؟ ئه‌ڤه نه‌يا به‌رعه‌قله ونابت.