قورئانا پیرۆز › سورەتا المؤمنون › ئایەتا ٩٠
سورەتا المؤمنون · ئایەتا ٩٠ ب تەفسیرا کوردی
Al-Mu'minun
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ مَنۢ بِيَدِهِۦ مَلَكُوتُ كُلِّ شَيۡءٖ وَهُوَ يُجِيرُ وَلَا يُجَارُ عَلَيۡهِ إِن كُنتُمۡ تَعۡلَمُونَ ﴿٨٨﴾
بێژه: كییه خودانێ هه‌ر تشته‌كى يێ خزينه‌يێن هه‌مى تشتان د ده‌ستێ وى دا، وئه‌و د هاوارا وى دچت يێ هاوارێن خۆ بگه‌هينتێ، وكه‌س نينه بشێت د هه‌وارا وى بچت يێ وى بڤێت ئه‌و تێ ببه‌ت، يان وێ خرابییێ ژێ بده‌ته پاش يا وى بۆ نڤيسى، ئه‌گه‌ر هوين وێ چه‌ندێ دزانن؟
سَيَقُولُونَ لِلَّهِۚ قُلۡ فَأَنَّىٰ تُسۡحَرُونَ ﴿٨٩﴾
ئه‌و دێ به‌رسڤێ ده‌ن وبێژن: ئه‌و هه‌مى يێن خودێنه، تو بێژه وان: چاوا عه‌قلێ هه‌وه ژ هه‌وه هاتییه ستاندن وهوين هاتينه خاپاندن، ڤێجا هوين به‌رێ خۆ ژ ته‌وحيدێ وباوه‌رى ئينانا ب ڕابوونا پشتى مرنێ نائينن؟
بَلۡ أَتَيۡنَٰهُم بِٱلۡحَقِّ وَإِنَّهُمۡ لَكَٰذِبُونَ ﴿٩٠﴾
به‌لكى ب وێ يا مه موحه‌ممه‌د -سلاڤ لێ بن- پێ هنارتى مه حه‌قى بۆ كافران ئينايه، وهندى ئه‌ون ئه‌و ب شرك ونه‌باوه‌رى ئينانا ب قيامه‌تێ ددره‌وينن.
مَا ٱتَّخَذَ ٱللَّهُ مِن وَلَدٖ وَمَا كَانَ مَعَهُۥ مِنۡ إِلَٰهٍۚ إِذٗا لَّذَهَبَ كُلُّ إِلَٰهِۭ بِمَا خَلَقَ وَلَعَلَا بَعۡضُهُمۡ عَلَىٰ بَعۡضٖۚ سُبۡحَٰنَ ٱللَّهِ عَمَّا يَصِفُونَ ﴿٩١﴾
خودێ چو زارۆ بۆ خۆ چێ نه‌كرينه، وچو خودايێن دى د گه‌ل وى نه‌بووينه؛ چونكى ئه‌گه‌ر پتر ژ خوادیه‌كى هه‌بان دا هه‌ر ئێك ژ وان چێكرییێن خۆ به‌ت، ووه‌كى مه‌زنێن دنيايێ هه‌ڤڕكى دا د ناڤبه‌را وان دا په‌يدا بت، ڤێجا گه‌ردوون دا تێكچت، خودێ يێ پاك وبلند بت ژ وى سالۆخه‌تێ ئه‌و بۆ وى دبێژن كو وى شريك يان زارۆك هه‌نه.
عَٰلِمِ ٱلۡغَيۡبِ وَٱلشَّهَٰدَةِ فَتَعَٰلَىٰ عَمَّا يُشۡرِكُونَ ﴿٩٢﴾
ئه‌و ب تنێ وى تشتى دزانت يێ كو نه ل به‌رچاڤێ به‌نییێن وى بت يان ل به‌رچاڤێن وان بت، ڤێجا خودێ يێ پاك وبلند بت ژ وێ شركا ئه‌و ب وى دكه‌ن.