قورئانا پیرۆز › سورەتا القصص › ئایەتا ٣٤
سورەتا القصص · ئایەتا ٣٤ ب تەفسیرا کوردی
Al-Qasas
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱسۡلُكۡ يَدَكَ فِي جَيۡبِكَ تَخۡرُجۡ بَيۡضَآءَ مِنۡ غَيۡرِ سُوٓءٖ وَٱضۡمُمۡ إِلَيۡكَ جَنَاحَكَ مِنَ ٱلرَّهۡبِۖ فَذَٰنِكَ بُرۡهَٰنَانِ مِن رَّبِّكَ إِلَىٰ فِرۡعَوۡنَ وَمَلَإِيْهِۦٓۚ إِنَّهُمۡ كَانُواْ قَوۡمٗا فَٰسِقِينَ ﴿٣٢﴾
تو ده‌ستێ خۆ بكه د به‌ريكا كراسێ خۆ دا وده‌ربێخه دێ ده‌ركه‌ڤت سپى وه‌كى به‌فرێ، بێى چو ئێش ونه‌خۆشى لێ بن، وتو ده‌ستێ خۆ ب ته‌نشتا خۆ ڤه‌نه دا ژ ترسێ يێ ته‌نا بى، ئه‌ڤ هه‌ردو تشتێن من نيشا ته داين ئه‌ى مووسا: ژ گوهۆڕينا گۆپالی بۆ مارى، وسپيكرنا ده‌ستى بێى نساخییه‌ك لێ بت، دو نيشانن ژ خودايێ ته بۆ فيرعه‌ونى ومه‌زنێن ملله‌تێ وى. هندى فيرعه‌ون ومه‌زنێن ملله‌تێ وى بوون ئه‌و ملله‌ته‌كێ كافر بوون.
قَالَ رَبِّ إِنِّي قَتَلۡتُ مِنۡهُمۡ نَفۡسٗا فَأَخَافُ أَن يَقۡتُلُونِ ﴿٣٣﴾
مووساى گۆت: خودايێ من هندى ئه‌زم من مرۆڤه‌ك ژ ملله‌تێ فيرعه‌ونى يێ كوشتى ڤێجا ئه‌ز دترسم ئه‌و ژى من بكوژن.
وَأَخِي هَٰرُونُ هُوَ أَفۡصَحُ مِنِّي لِسَانٗا فَأَرۡسِلۡهُ مَعِيَ رِدۡءٗا يُصَدِّقُنِيٓۖ إِنِّيٓ أَخَافُ أَن يُكَذِّبُونِ ﴿٣٤﴾
وبرايێ من هاروون ئه‌و ژ من ئه‌زمان ڕه‌هوانتره، ڤێجا تو وى ژى د گه‌ل من بهنێره دا ئه‌و من ڕاست ده‌ربێخت، ودا ئه‌و پێش من ڤه وى تشتى بێژت يێ من دڤێت بۆ وان ئاشكه‌را بكه‌م، هندى ئه‌زم ئه‌ز دترسم ئه‌و من دره‌وين ده‌ربێخن ده‌مێ ئه‌ز دبێژمێ: ئه‌ز پێغه‌مبه‌ره‌كم بۆ هه‌وه هاتيمه هنارتن.
قَالَ سَنَشُدُّ عَضُدَكَ بِأَخِيكَ وَنَجۡعَلُ لَكُمَا سُلۡطَٰنٗا فَلَا يَصِلُونَ إِلَيۡكُمَا بِـَٔايَٰتِنَآۚ أَنتُمَا وَمَنِ ٱتَّبَعَكُمَا ٱلۡغَٰلِبُونَ ﴿٣٥﴾
خودێ گۆته مووساى: ئه‌م دێ ته ب برايێ ته ب هێز ئێخين، ودێ هێجه‌ته‌كێ ل سه‌ر فيرعه‌ونى وملله‌تێ وى ده‌ينه هه‌وه ڤێجا ئه‌و نه‌شێن چو خرابییێ بگه‌هيننه هه‌وه. هوين هه‌ردو -ئه‌ى مووسا وهاروون- وهه‌چییێ باوه‌رى ب هه‌وه ئيناى دێ يێن سه‌ركه‌فتى بن ل سه‌ر فيرعه‌ونى وملله‌تێ وى؛ ژ به‌ر ئايه‌تێن مه وئه‌و حه‌قییا د گه‌ل هه‌وه دا.
فَلَمَّا جَآءَهُم مُّوسَىٰ بِـَٔايَٰتِنَا بَيِّنَٰتٖ قَالُواْ مَا هَٰذَآ إِلَّا سِحۡرٞ مُّفۡتَرٗى وَمَا سَمِعۡنَا بِهَٰذَا فِيٓ ءَابَآئِنَا ٱلۡأَوَّلِينَ ﴿٣٦﴾
ڤێجا ده‌مێ مووسا بۆ فيرعه‌ونى وملله‌تێ وى ب وان ئايه‌تێن مه يێن ئاشكه‌را هاتى يێن ڕاستییا پێغه‌مبه‌رينییا وى ئاشكه‌را دكه‌ن، وان گۆته مووساى: ئه‌ڤا تو بۆ مه پێ هاتى هه‌ما ب تنێ سێره‌به‌ندییه‌كه ژ دره‌و ونه‌حه‌قى ته يا ژ نك خۆ چێكرى، وئه‌ڤا تو به‌رێ مه دده‌يێ، مه ژ پێشییێن خۆ يێن به‌رى مه بۆرين گوهـ لێ نه‌بوويه.