قورئانا پیرۆز › سورەتا القصص › ئایەتا ٤٨
سورەتا القصص · ئایەتا ٤٨ ب تەفسیرا کوردی
Al-Qasas
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَا كُنتَ بِجَانِبِ ٱلطُّورِ إِذۡ نَادَيۡنَا وَلَٰكِن رَّحۡمَةٗ مِّن رَّبِّكَ لِتُنذِرَ قَوۡمٗا مَّآ أَتَىٰهُم مِّن نَّذِيرٖ مِّن قَبۡلِكَ لَعَلَّهُمۡ يَتَذَكَّرُونَ ﴿٤٦﴾
وتو -ئه‌ى پێغه‌مبه‌ر- ب ڕه‌خ چيايێ طوورى ڤه نه‌بووى ده‌مێ مه گازى مووساى كرى، وته تشته‌ك ژ وێ چه‌ندێ نه‌ديتبوو دا بزانى، به‌لێ مه تو هنارتى دلۆڤانییه‌ك ژ نك خودايێ ته؛ دا تو وى ملله‌تى بترسينى يێ به‌رى ته چو پێغه‌مبه‌ر بۆ نه‌هاتين وان بترسينن، دا به‌لكى ئه‌و وێ خێرێ ل بيرا خۆ بينن يا تو بۆ وان پێ هاتى وكارى پێ بكه‌ن، ووێ خرابییێ يا تو وان ژێ پاشڤه دبه‌ى ئه‌و خۆ ژێ دوير بكه‌ن.
وَلَوۡلَآ أَن تُصِيبَهُم مُّصِيبَةُۢ بِمَا قَدَّمَتۡ أَيۡدِيهِمۡ فَيَقُولُواْ رَبَّنَا لَوۡلَآ أَرۡسَلۡتَ إِلَيۡنَا رَسُولٗا فَنَتَّبِعَ ءَايَٰتِكَ وَنَكُونَ مِنَ ٱلۡمُؤۡمِنِينَ ﴿٤٧﴾
وئه‌گه‌ر ژ به‌ر كوفرا ڤان كافران ب خودايێ وان عه‌زابه‌ك بگه‌هته وان، ئه‌و دێ بێژن: خودايێ مه بلا ته به‌رى هنگى پێغه‌مبه‌ره‌ك بۆ مه هنارتبا، ئه‌م دا دويكه‌فتنا وان ئايه‌تان كه‌ين يێن ته د كيتابا خۆ دا ئيناينه خوارێ، ودا ژ وان بين يێن باوه‌رى ب ته ئيناى.
فَلَمَّا جَآءَهُمُ ٱلۡحَقُّ مِنۡ عِندِنَا قَالُواْ لَوۡلَآ أُوتِيَ مِثۡلَ مَآ أُوتِيَ مُوسَىٰٓۚ أَوَلَمۡ يَكۡفُرُواْ بِمَآ أُوتِيَ مُوسَىٰ مِن قَبۡلُۖ قَالُواْ سِحۡرَانِ تَظَٰهَرَا وَقَالُوٓاْ إِنَّا بِكُلّٖ كَٰفِرُونَ ﴿٤٨﴾
ڤێجا ده‌مێ موحه‌ممه‌د بۆ ڤى ملله‌تى هاتى دا وان بترسينت، وان گۆت: بلا ئه‌ڤى ژى يێ بۆ مه هاتییه هنارتن هنده‌ك موعجزه‌يێن به‌رچاڤ د گه‌ل دا هه‌بان، وه‌كى كا چاوا د گه‌ل مووساى هه‌بوون، وكيتابه‌كا ب جاره‌كێ بێته خوارێ بلا د گه‌ل وى با! تو -ئه‌ى پێغه‌مبه‌ر- بێژه وان: ئه‌رێ ما جوهییان كوفر ب وێ نه‌كر يا مووسا به‌رێ پێ هاتى؟ ووان د ده‌ر حه‌قا ته‌وراتێ وقورئانێ دا گۆت: ئه‌و دو سێره‌به‌ندينه پشته‌ڤانییا ئێك ودو دكه‌ن، ووان گۆت: ئه‌م ب وان هه‌ردووان دكافرين.
قُلۡ فَأۡتُواْ بِكِتَٰبٖ مِّنۡ عِندِ ٱللَّهِ هُوَ أَهۡدَىٰ مِنۡهُمَآ أَتَّبِعۡهُ إِن كُنتُمۡ صَٰدِقِينَ ﴿٤٩﴾
تو -ئه‌ى پێغه‌مبه‌ر- بێژه ڤان: پا دێ هوين كيتابه‌كێ ژ نك خودێ بينن ئه‌و ژ ته‌وراتێ وقورئانێ باشتر بت ئه‌ز دێ دويچوونا وێ كه‌م، ئه‌گه‌ر هوين د گۆتنا خۆ دا دڕاستگۆ بن.
فَإِن لَّمۡ يَسۡتَجِيبُواْ لَكَ فَٱعۡلَمۡ أَنَّمَا يَتَّبِعُونَ أَهۡوَآءَهُمۡۚ وَمَنۡ أَضَلُّ مِمَّنِ ٱتَّبَعَ هَوَىٰهُ بِغَيۡرِ هُدٗى مِّنَ ٱللَّهِۚ إِنَّ ٱللَّهَ لَا يَهۡدِي ٱلۡقَوۡمَ ٱلظَّـٰلِمِينَ ﴿٥٠﴾
ڤێجا ئه‌گه‌ر وان به‌رسڤا ته نه‌دا وكيتاب نه‌ئينا، ووان چو هێجه‌ت نه‌مان، تو بزانه كو هه‌ما ئه‌و دويكه‌فتنا دلچوونێن خۆ دكه‌ن، وكه‌س ژ وى به‌رزه‌تر نينه يێ دويكه‌فتنا دلچوونێن خۆ بكه‌ت بێى وى هيدايه‌ته‌ك ژ نك خودێ هه‌بت. هندى خودێیه به‌رێ وى ملله‌تێ زۆردار ناده‌ته حه‌قییێ يێ بێ ئه‌مرییا خودێ بكه‌ت، وپێ ل توخويبێن وى بدانت.