قورئانا پیرۆز › سورەتا القصص › ئایەتا ٥٣
سورەتا القصص · ئایەتا ٥٣ ب تەفسیرا کوردی
Al-Qasas
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞وَلَقَدۡ وَصَّلۡنَا لَهُمُ ٱلۡقَوۡلَ لَعَلَّهُمۡ يَتَذَكَّرُونَ ﴿٥١﴾
و ب ڕاستى مه ژ دلۆڤانى قورئان بۆ ملله‌تێ ته يا به‌رفره‌هـ وئاشكه‌راكرى؛ دا به‌لكى ئه‌و بيرا خۆ لێ بيننه‌ڤه، وعيبره‌تێ بۆ خۆ ژێ وه‌ربگرن.
ٱلَّذِينَ ءَاتَيۡنَٰهُمُ ٱلۡكِتَٰبَ مِن قَبۡلِهِۦ هُم بِهِۦ يُؤۡمِنُونَ ﴿٥٢﴾
ئه‌وێن به‌رى قورئانێ مه كيتاب دايێ -كو ئه‌و جوهى وفه‌له‌نه يێن گوهاڕتن نه‌كرى- باوه‌رییێ ب قورئانێ وموحه‌ممه‌دى سلاڤ لێ بن دئينن.
وَإِذَا يُتۡلَىٰ عَلَيۡهِمۡ قَالُوٓاْ ءَامَنَّا بِهِۦٓ إِنَّهُ ٱلۡحَقُّ مِن رَّبِّنَآ إِنَّا كُنَّا مِن قَبۡلِهِۦ مُسۡلِمِينَ ﴿٥٣﴾
وئه‌گه‌ر ئه‌ڤ قورئانه بۆ وان يێن مه كيتاب دايێ بێته خواندن، ئه‌و دێ بێژن: مه باوه‌رى پێ ئينا، وكار ب وى تشتى كر یێ تێدا هه‌ى، هندى ئه‌وه ئه‌و حه‌قییه ژ خواديێ مه، هندى ئه‌مين ئه‌م به‌رى هاتنه خوارا وێ دموسلمان وخودێناس بووين؛ چونكى دينێ خودێ ئێكه، كو ئيسلامه.
أُوْلَـٰٓئِكَ يُؤۡتَوۡنَ أَجۡرَهُم مَّرَّتَيۡنِ بِمَا صَبَرُواْ وَيَدۡرَءُونَ بِٱلۡحَسَنَةِ ٱلسَّيِّئَةَ وَمِمَّا رَزَقۡنَٰهُمۡ يُنفِقُونَ ﴿٥٤﴾
ئه‌وێن هه يێن سالۆخه‌تێن وان بۆرين خێرا كارێ وان دوجاركى بۆ وان دئێته‌دان: ژ به‌ر باوه‌رى ئينانا وان ب كيتابێن وان ب خۆ، و ژ به‌ر باوه‌رى ئينانا وان ب قورئانێ ژى ووێ صه‌برا وان كێشاى، و ژ سالۆخه‌تێن وانه ئه‌و ب باشییێ خرابییێ پاشدا دبه‌ن، و ژ وى ڕزقێ مه دايێ ئه‌و مالی د ڕێكا خێرێ وباشییێ دا خه‌رج دكه‌ن.
وَإِذَا سَمِعُواْ ٱللَّغۡوَ أَعۡرَضُواْ عَنۡهُ وَقَالُواْ لَنَآ أَعۡمَٰلُنَا وَلَكُمۡ أَعۡمَٰلُكُمۡ سَلَٰمٌ عَلَيۡكُمۡ لَا نَبۡتَغِي ٱلۡجَٰهِلِينَ ﴿٥٥﴾
وئه‌گه‌ر ڤان گوهـ ل گۆتنه‌كا نه‌حه‌ق ببت ئه‌و گوهێ خۆ ناده‌نێ، ودبێژن: كريارێن مه يێن مه‌نه ئه‌م به‌رێ خۆ ژێ وه‌رناگێڕين، وكريارێن هه‌وه يێن هه‌وه‌نه وگونه‌ها هه‌وه ل سه‌ر هه‌وه‌يه، وئه‌م خۆ ب ڕه‌ددا هه‌وه‌ڤه موژيل ناكه‌ين، و ژ خێرێ پێڤه‌تر هه‌وه ژ مه گوهـ ل چو نابت، وئه‌م ل دويڤ نه‌زانينا هه‌وه هه‌وه نائاخێڤين؛ چونكى مه ڕێكا نه‌زانان نه‌ڤێت وئه‌م حه‌ز ژێ ناكه‌ين. وئه‌ڤه باشترين گۆتنه گازيكه‌رێن ڕێكا خودێ بكه‌ن.