قورئانا پیرۆز › سورەتا القصص › ئایەتا ٧٠
سورەتا القصص · ئایەتا ٧٠ ب تەفسیرا کوردی
Al-Qasas
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَرَبُّكَ يَخۡلُقُ مَا يَشَآءُ وَيَخۡتَارُۗ مَا كَانَ لَهُمُ ٱلۡخِيَرَةُۚ سُبۡحَٰنَ ٱللَّهِ وَتَعَٰلَىٰ عَمَّا يُشۡرِكُونَ ﴿٦٨﴾
وخودايێ ته وى تشتى دئافرينت يێ وى بڤێت، ووى ژ به‌نییێن خۆ هل دبژێرت يێ وى بڤێت، وكه‌سێ چو كار وهلبژارتن د ده‌ستى دا نينه، به‌لكى هه‌ما ئه‌و چه‌نده ب خودێ ب تنێیه، يێ پاك وپيرۆز بت ژ شركا وان.
وَرَبُّكَ يَعۡلَمُ مَا تُكِنُّ صُدُورُهُمۡ وَمَا يُعۡلِنُونَ ﴿٦٩﴾
وخودايێ ته دزانت كانێ چ د سنگێن به‌نییێن وى دايه وكانێ ئه‌و چ ئاشكه‌را دكه‌ن.
وَهُوَ ٱللَّهُ لَآ إِلَٰهَ إِلَّا هُوَۖ لَهُ ٱلۡحَمۡدُ فِي ٱلۡأُولَىٰ وَٱلۡأٓخِرَةِۖ وَلَهُ ٱلۡحُكۡمُ وَإِلَيۡهِ تُرۡجَعُونَ ﴿٧٠﴾
وئه‌وه ئه‌للاهـ يێ ژ وى پێڤه‌تر چو خودايێن ڕاست نينن په‌رستن بۆ بێته‌كرن، حه‌مد وشوكرا جوان د دنيايێ وئاخره‌تێ دا بۆ وییه، وحوكمدارییا د ناڤبه‌را خه‌لكى دا يا وییه، وهوين پشتى مرنا خۆ بۆ حسێب وجزايى دێ زڤڕنه نك وى.
قُلۡ أَرَءَيۡتُمۡ إِن جَعَلَ ٱللَّهُ عَلَيۡكُمُ ٱلَّيۡلَ سَرۡمَدًا إِلَىٰ يَوۡمِ ٱلۡقِيَٰمَةِ مَنۡ إِلَٰهٌ غَيۡرُ ٱللَّهِ يَأۡتِيكُم بِضِيَآءٍۚ أَفَلَا تَسۡمَعُونَ ﴿٧١﴾
تو -ئه‌ى پێغه‌مبه‌ر- بێژه: هوين -ئه‌ى گه‌لی مرۆڤان- بێژنه من ئه‌گه‌ر خودێ شه‌ڤێ ل سه‌ر هه‌وه به‌رده‌وام بهێلت حه‌تا ڕوژا قيامه‌تێ، ژبلی خودێ كى هه‌يه ڕۆناهییه‌كێ بده‌ته هه‌وه؟ ئه‌رێ ما هه‌وه باش گوهـ لێ نابت؟
قُلۡ أَرَءَيۡتُمۡ إِن جَعَلَ ٱللَّهُ عَلَيۡكُمُ ٱلنَّهَارَ سَرۡمَدًا إِلَىٰ يَوۡمِ ٱلۡقِيَٰمَةِ مَنۡ إِلَٰهٌ غَيۡرُ ٱللَّهِ يَأۡتِيكُم بِلَيۡلٖ تَسۡكُنُونَ فِيهِۚ أَفَلَا تُبۡصِرُونَ ﴿٧٢﴾
تو بێژه وان: بێژنه من ئه‌گه‌ر خودێ ڕۆژێ ل سه‌ر هه‌وه به‌رده‌وام بهێلت حه‌تا ڕۆژا قيامه‌تێ، ژبلی خودێ كى هه‌يه شه‌ڤه‌كێ بۆ هه‌وه بينت هوين تێدا ڤه‌حه‌ويێن وته‌نا ببن؟ ئه‌رێ ما هوين ب چاڤێن خۆ جودابوونا ڕۆژێ وشه‌ڤێ نابينن؟