قورئانا پیرۆز › سورەتا القصص › ئایەتا ٧٦
سورەتا القصص · ئایەتا ٧٦ ب تەفسیرا کوردی
Al-Qasas
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَيَوۡمَ يُنَادِيهِمۡ فَيَقُولُ أَيۡنَ شُرَكَآءِيَ ٱلَّذِينَ كُنتُمۡ تَزۡعُمُونَ ﴿٧٤﴾
وڕۆژا خودێ گازى ڤان بوتپه‌رێسان دكه‌ت، ودبێژت: كانێ هه‌ڤپشكێن من يێن هه‌وه د دنيايێ دا ژ دره‌و دگۆت ئه‌و شريكێن منن؟
وَنَزَعۡنَا مِن كُلِّ أُمَّةٖ شَهِيدٗا فَقُلۡنَا هَاتُواْ بُرۡهَٰنَكُمۡ فَعَلِمُوٓاْ أَنَّ ٱلۡحَقَّ لِلَّهِ وَضَلَّ عَنۡهُم مَّا كَانُواْ يَفۡتَرُونَ ﴿٧٥﴾
و ژ ناڤ هه‌ر ملله‌ته‌كى ژ وان ملله‌تێن دره‌وپێكه‌ر مه شاهده‌ك ئيناده‌ر؛ دا شاهده‌يێ ل سه‌ر وێ شركا وان بده‌ت يا وان د دنيايێ دا كرى ووێ ده‌روين ده‌رێخستنا وان د گه‌ل پێغه‌مبه‌رێن خۆ كرى، ڤێجا مه گۆته وان ملله‌تان يێن ده‌رو ب وێ كرى يا پێغه‌مبه‌رێن وان پێ ژ نك خودێ هاتين: كانێ هێجه‌تا خۆ ل سه‌ر وێ شركێ بينن يا هوين دكه‌ن، ڤێجا وان هنگى زانى كو هێجه‌تا ڕاست يا خودێیه ل سه‌ر وان، وكو حه‌قى بۆ خودێیه، وتشتێ وان دره‌و پێ ل خودايێ خۆ دكر چوو، وچو مفا نه‌گه‌هانده وان، به‌لكى زيان گه‌هانده وان وئه‌و برنه ئاگرێ جه‌هنه‌مێ.
۞إِنَّ قَٰرُونَ كَانَ مِن قَوۡمِ مُوسَىٰ فَبَغَىٰ عَلَيۡهِمۡۖ وَءَاتَيۡنَٰهُ مِنَ ٱلۡكُنُوزِ مَآ إِنَّ مَفَاتِحَهُۥ لَتَنُوٓأُ بِٱلۡعُصۡبَةِ أُوْلِي ٱلۡقُوَّةِ إِذۡ قَالَ لَهُۥ قَوۡمُهُۥ لَا تَفۡرَحۡۖ إِنَّ ٱللَّهَ لَا يُحِبُّ ٱلۡفَرِحِينَ ﴿٧٦﴾
هندى قاروونه ئه‌و ژ ملله‌تێ مووساى بوو -سلاڤ لێ بن- ڤێجا ئه‌و د سه‌ر پییێ خۆ دا چوو، ووى خۆ ل سه‌ر وان مه‌زن كر، و مه ژ گه‌نجينه‌يێن مالی تشته‌كێ مه‌زن دابوو وى، حه‌تا وێ ده‌ره‌جێ هژماره‌كا مرۆڤێن ب هێز نه‌دشيان به‌س كليلێن گه‌نجينه‌يێن وى هلگرن، ده‌مێ ملله‌تێ وى گۆتییه وى: كه‌يفا خۆ ب وى مالی نه‌ئينه يێ ته هه‌ى، هندى خودێیه حه‌ز ژ وان ناكه‌ت يێن به‌تران دبن وشوكرا وى نه‌كه‌ن سه‌را قه‌نجییێن وى.
وَٱبۡتَغِ فِيمَآ ءَاتَىٰكَ ٱللَّهُ ٱلدَّارَ ٱلۡأٓخِرَةَۖ وَلَا تَنسَ نَصِيبَكَ مِنَ ٱلدُّنۡيَاۖ وَأَحۡسِن كَمَآ أَحۡسَنَ ٱللَّهُ إِلَيۡكَۖ وَلَا تَبۡغِ ٱلۡفَسَادَ فِي ٱلۡأَرۡضِۖ إِنَّ ٱللَّهَ لَا يُحِبُّ ٱلۡمُفۡسِدِينَ ﴿٧٧﴾
وتو ب وى مالێ خودێ دايه ته خێرا ئاخره‌تێ بۆ خۆ بخوازه، كو د دنيايێ دا گوهدارییا خودێ بكه، وتو بارا خۆ ژ دنيايێ ژى ژ بير نه‌كه، كو خۆشییێ ب تشتێ حه‌لال ببه‌ى بێ زێده‌گاڤى، وتو ب دانا خێران قه‌نجییێ د گه‌ل خه‌لكى بكه، هه‌ر وه‌كى خودێ ب ڤى هه‌مى مالی قه‌نجى د گه‌ل ته كرى، ووى تشتێ خودێ ل سه‌ر ته حه‌رامكرى ژ ته‌عدايییا ل سه‌ر خه‌لكى تو نه‌كه، هندى خودێیه حه‌ز ژ خرابكاران ناكه‌ت.
قَالَ إِنَّمَآ أُوتِيتُهُۥ عَلَىٰ عِلۡمٍ عِندِيٓۚ أَوَلَمۡ يَعۡلَمۡ أَنَّ ٱللَّهَ قَدۡ أَهۡلَكَ مِن قَبۡلِهِۦ مِنَ ٱلۡقُرُونِ مَنۡ هُوَ أَشَدُّ مِنۡهُ قُوَّةٗ وَأَكۡثَرُ جَمۡعٗاۚ وَلَا يُسۡـَٔلُ عَن ذُنُوبِهِمُ ٱلۡمُجۡرِمُونَ ﴿٧٨﴾
قاروونى گۆته وان مرۆڤان يێن شيره‌ت لێ كرى ژ ملله‌تێ وى: هه‌ما ژ به‌ر وێ زانين وشيانا من هه‌ى ئه‌ڤ هه‌مى گه‌نجينه يێن بۆ من هاتينه‌دان، ئه‌رێ وما قاروونى نه‌زانيبوو كو خودێ ژ ملله‌تێن به‌رى وى هنده‌كێن ژ وى ب هێزتر ومالدارتر تێبربوون؟ وپسيارا تاوانباران ژ گونه‌هێن وان نائێته‌كرن؛ چونكى خودێ يێ پێ زانايه، به‌لكى هه‌ما بۆ گه‌ف وپاشڤه‌برن پسيار ژ وان دئێته‌كرن، وخودێ ل دويڤ زانينا خۆ دێ وان عه‌زاب ده‌ت.