قورئانا پیرۆز › سورەتا القصص › ئایەتا ٨
سورەتا القصص · ئایەتا ٨ ب تەفسیرا کوردی
Al-Qasas
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَنُمَكِّنَ لَهُمۡ فِي ٱلۡأَرۡضِ وَنُرِيَ فِرۡعَوۡنَ وَهَٰمَٰنَ وَجُنُودَهُمَا مِنۡهُم مَّا كَانُواْ يَحۡذَرُونَ ﴿٦﴾
ودا ئه‌م ده‌سهه‌لاتا وان د عه‌ردى دا موكم بكه‌ين، وئه‌م وێ ژ ڤێ ده‌سته‌كا لاواز نيشا فيرعه‌ون وهامان و له‌شكه‌رێ وان بده‌ين يا ئه‌و ژێ دترسیان ژ تێبرن ونه‌ما ده‌سهه‌لاتدارییێ، وده‌رێخستنا وان ژ وارێ وان ب ده‌ستێ وى زارۆكى يێ د ناڤ ئسرائيلییان دا په‌يدا بووى.
وَأَوۡحَيۡنَآ إِلَىٰٓ أُمِّ مُوسَىٰٓ أَنۡ أَرۡضِعِيهِۖ فَإِذَا خِفۡتِ عَلَيۡهِ فَأَلۡقِيهِ فِي ٱلۡيَمِّ وَلَا تَخَافِي وَلَا تَحۡزَنِيٓۖ إِنَّا رَآدُّوهُ إِلَيۡكِ وَجَاعِلُوهُ مِنَ ٱلۡمُرۡسَلِينَ ﴿٧﴾
ومه ئێخسته سه‌ر دلێ ده‌یكا مووساى ده‌مێ وێ مووسا بووى وترسیاى فيرعه‌ون وى ژى وه‌كى كوڕكێن دى يێن ئسرائيلییان ڤه‌كوژت: كو تو ب پشتڕاستى شيرى بده‌يێ، وئه‌گه‌ر تو ترسیاى مه‌سه‌لا وى ئاشكه‌را ببت، تو وى بكه د سندۆقه‌كێ دا وبهاڤێژه د نيلی دا، بێى تو بترسى كو فيرعه‌ون وملله‌تێ وى وى بكوژن، و ل سه‌ر دويركه‌فتنا وى تو ب خه‌م نه‌كه‌ڤه، هندى ئه‌مين ئه‌م دێ كوڕێ ته زڤڕينينه نك ته، ودێ وى كه‌ينه پێغه‌مبه‌ر.
فَٱلۡتَقَطَهُۥٓ ءَالُ فِرۡعَوۡنَ لِيَكُونَ لَهُمۡ عَدُوّٗا وَحَزَنًاۗ إِنَّ فِرۡعَوۡنَ وَهَٰمَٰنَ وَجُنُودَهُمَا كَانُواْ خَٰطِـِٔينَ ﴿٨﴾
ئينا وێ ئه‌و كره د سندۆقه‌كێ دا وهاڤێته د نيلی دا، ڤێجا زه‌لامێن فيرعه‌ونى ب سه‌ر وى هلبوون وئه‌و بر، ودويماهییا وى ئه‌و بۆ وان بوو دوژمن وكۆڤان، وتێچوونا وان ل سه‌ر ده‌ستێ وى بوو. هندى فيرعه‌ون وهامان وله‌شكه‌رێ وانه ئه‌و دگونه‌هكار وموشرك بوون.
وَقَالَتِ ٱمۡرَأَتُ فِرۡعَوۡنَ قُرَّتُ عَيۡنٖ لِّي وَلَكَۖ لَا تَقۡتُلُوهُ عَسَىٰٓ أَن يَنفَعَنَآ أَوۡ نَتَّخِذَهُۥ وَلَدٗا وَهُمۡ لَا يَشۡعُرُونَ ﴿٩﴾
وژنا فيرعه‌ونى گۆته وى: ئه‌ڤ زارۆكه بۆ من وبۆ ته دێ بته جهێ دلخۆشییێ، هوين وى نه‌كوژن؛ به‌لكى خێره‌ك ژ وى بگه‌هته مه يان ئه‌م وى بكه‌ينه كوڕ بۆ خۆ، وفيرعه‌ونى وبنه‌مالا وى نه‌دزانى كو دويماهییا وان دێ ل سه‌ر ده‌ستێ وى بت.
وَأَصۡبَحَ فُؤَادُ أُمِّ مُوسَىٰ فَٰرِغًاۖ إِن كَادَتۡ لَتُبۡدِي بِهِۦ لَوۡلَآ أَن رَّبَطۡنَا عَلَىٰ قَلۡبِهَا لِتَكُونَ مِنَ ٱلۡمُؤۡمِنِينَ ﴿١٠﴾
ودلێ ده‌یكا مووساى وه لێ هات ژبلی خه‌ما مووساى وبه‌حسێ وى ژ هه‌ر تشته‌كێ دى يێ هه‌بت ڤالا بوو، ونێزيك بوو ئه‌و ئاشكه‌را بكه‌ت كو ئه‌و كوڕێ وێیه ئه‌گه‌ر مه دلێ وێ موكم نه‌كربا، ڤێجا وێ صه‌بركێشا وئاشكه‌را نه‌كر؛ دا ئه‌و ببته ژ خودان باوه‌ران يێن باوه‌ر ژ سۆزا خودێ دكه‌ن.