قورئانا پیرۆز › سورەتا آل عمران › ئایەتا ١٢٩
سورەتا آل عمران · ئایەتا ١٢٩ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لِيَقۡطَعَ طَرَفٗا مِّنَ ٱلَّذِينَ كَفَرُوٓاْ أَوۡ يَكۡبِتَهُمۡ فَيَنقَلِبُواْ خَآئِبِينَ ﴿١٢٧﴾
وسه‌ركه‌فتنا هه‌وه ل (به‌درێ) بۆ هندێ بوو دا هنده‌ك كافر ب كوشتنێ تێ بچن، ودا ئه‌وێن ژ كوشتنێ قورتال بووين ژى ب خه‌م وكۆڤان ڤه بزڤڕن وبێن ته‌نگ ببن، وسه‌رشۆڕى وشه‌رمزارییا وان ئاشكه‌را ببت.
لَيۡسَ لَكَ مِنَ ٱلۡأَمۡرِ شَيۡءٌ أَوۡ يَتُوبَ عَلَيۡهِمۡ أَوۡ يُعَذِّبَهُمۡ فَإِنَّهُمۡ ظَٰلِمُونَ ﴿١٢٨﴾
ئه‌ى پێغه‌مبه‌ر د كارێ به‌نییان دا چو تشته‌ك د ده‌ستێ ته دا نينه، وبه‌لكى هنده‌ك ژ ڤان يێن شه‌ڕێ ته كرى دلێ وان بۆ ئيسلامێ ڤه‌ببت وموسلمان ببن، ڤێجا خودێ تۆبێ بدانته سه‌ر وان. وئه‌وی عه‌زاب بده‌ت یێ بمينته ل سه‌ر كوفرا خۆ.
وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۚ يَغۡفِرُ لِمَن يَشَآءُ وَيُعَذِّبُ مَن يَشَآءُۚ وَٱللَّهُ غَفُورٞ رَّحِيمٞ ﴿١٢٩﴾
وهه‌ر تشته‌كێ ل عه‌سمانان وهه‌ر تشته‌كێ ل عه‌ردى يێ خودێ ب تنێیه، يێ وى بڤێت ئه‌و گونه‌هێن وى بۆ ژێ دبه‌ت، ويێ وى بڤێت ئه‌و وى عه‌زاب دده‌ت. وخودێ گونه‌هـ ژێبرێ به‌نییێن خۆیه، یێ دلۆڤانكاره ب وان.
يَـٰٓأَيُّهَا ٱلَّذِينَ ءَامَنُواْ لَا تَأۡكُلُواْ ٱلرِّبَوٰٓاْ أَضۡعَٰفٗا مُّضَٰعَفَةٗۖ وَٱتَّقُواْ ٱللَّهَ لَعَلَّكُمۡ تُفۡلِحُونَ ﴿١٣٠﴾
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شریعه‌تێ وى كرى، خۆ ژ هه‌مى ڕه‌نگێن ربايێ بده‌نه پاش، وده‌مێ هوين قه‌ره‌كى دده‌ن زێده‌يیێ ل سه‌ر سه‌رمالێ خۆ وه‌رنه‌گرن ئه‌گه‌ر خۆ يا كێم ژى بت، ڤێجا پا چاوا ئه‌گه‌ر ئه‌و زێده‌يى ل ده‌مێ زڤڕاندنا قه‌رى هندى دى پتر بت؟ وهوين ته‌قوایا خودێ بكه‌ن؛ دا به‌لكى هوين ب سه‌ركه‌ڤن.
وَٱتَّقُواْ ٱلنَّارَ ٱلَّتِيٓ أُعِدَّتۡ لِلۡكَٰفِرِينَ ﴿١٣١﴾
وهوين په‌رژانه‌كى بۆ خۆ د ناڤبه‌را خۆ ووى ئاگرى دا بدانن يێ كو بۆ كافران هاتییه ئاماده‌كرن.