قورئانا پیرۆز › سورەتا آل عمران › ئایەتا ١٣٨
سورەتا آل عمران · ئایەتا ١٣٨ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أُوْلَـٰٓئِكَ جَزَآؤُهُم مَّغۡفِرَةٞ مِّن رَّبِّهِمۡ وَجَنَّـٰتٞ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَنِعۡمَ أَجۡرُ ٱلۡعَٰمِلِينَ ﴿١٣٦﴾
خودانێن ڤان سالۆخه‌تێن مه‌زن جزايێ وان ئه‌وه خودێ گونه‌هێن وان ڤه‌شێرت، وبه‌حه‌شتێن ئاڤێن شرين د بن داروبار وقه‌سرێن وان دا دچن بۆ وان هه‌نه، هه‌ر وهه‌ر ئه‌و دێ تێدا مينن وژێ ده‌رناكه‌ڤن. وبه‌حه‌شت ولێبۆرينا گونه‌هان چ خۆش جزايه بۆ كاركه‌ران.
قَدۡ خَلَتۡ مِن قَبۡلِكُمۡ سُنَنٞ فَسِيرُواْ فِي ٱلۡأَرۡضِ فَٱنظُرُواْ كَيۡفَ كَانَ عَٰقِبَةُ ٱلۡمُكَذِّبِينَ ﴿١٣٧﴾
خودێ گۆتنێ ئاراسته‌ى خودان باوه‌ران دكه‌ت؛ دا ئه‌و دله‌ى دله‌ى وان بده‌ت ژ به‌ر وێ یا ل ڕۆژا (ئوحودێ) ب سه‌رێ وان هاتى، كو ئه‌وا ب سه‌رێ وان هاتى به‌رى هه‌وه ب سه‌ر چه‌ند ملله‌تێن دى ژى ڕا بۆريیه، خودان باوه‌رێن وان ملله‌تان ب شه‌ڕێ كافران هاتنه جه‌رباندن ودويماهى بۆ وان بوو، ڤێجا هوين ل عه‌ردى بگه‌ڕیێن وبه‌رێ خۆ بده‌نێ كانێ دويماهییا ئه‌وان يێن دره‌و ب خودێ وپێغه‌مبه‌ران كرى چاوا بوويه.
هَٰذَا بَيَانٞ لِّلنَّاسِ وَهُدٗى وَمَوۡعِظَةٞ لِّلۡمُتَّقِينَ ﴿١٣٨﴾
ئه‌ڤ قورئانه نيشادانه‌كا ئاشكه‌رايه بۆ ڕێكا حه‌ق، وبيرئينانه‌كه دلێن ته‌قواداران ئه‌وێن ژ خودێ دترسن پێ نه‌رم دبن، وبه‌حسێ ته‌قواداران ب تايبه‌تى هاته‌كرن؛ چونكى ئه‌ون د ناڤ خه‌لكى دا يێن مفاى بۆ خۆ ژێ دبينن.
وَلَا تَهِنُواْ وَلَا تَحۡزَنُواْ وَأَنتُمُ ٱلۡأَعۡلَوۡنَ إِن كُنتُم مُّؤۡمِنِينَ ﴿١٣٩﴾
وهوين -گه‌لى خودان باوه‌ران- ژ شه‌ڕێ دوژمنێ خۆ لاواز نه‌بن، و ژ به‌ر ئه‌وا ل (ئوحودێ) ب سه‌رێ هه‌وه هاتى ب خه‌م نه‌كه‌ڤن، وهوينن يێن سه‌ركه‌فتى ودويماهى بۆ هه‌وه‌يه، ئه‌گه‌ر هه‌وه باوه‌رى ب خودێ وپێغه‌مبه‌رێ وى هه‌يه.
إِن يَمۡسَسۡكُمۡ قَرۡحٞ فَقَدۡ مَسَّ ٱلۡقَوۡمَ قَرۡحٞ مِّثۡلُهُۥۚ وَتِلۡكَ ٱلۡأَيَّامُ نُدَاوِلُهَا بَيۡنَ ٱلنَّاسِ وَلِيَعۡلَمَ ٱللَّهُ ٱلَّذِينَ ءَامَنُواْ وَيَتَّخِذَ مِنكُمۡ شُهَدَآءَۗ وَٱللَّهُ لَا يُحِبُّ ٱلظَّـٰلِمِينَ ﴿١٤٠﴾
ئه‌گه‌ر ل (ئوحودێ) برينه‌ك يان كوشتنه‌ك گه‌هشتبته هه‌وه -گه‌لى خودان باوه‌ران- ڤێجا ژ به‌ر هندێ هوين ب خه‌م كه‌فتبن، پانێ برينه‌ك وكوشتنه‌كا وه‌كى وێ ل (به‌درێ) گه‌هشتبوو بوتپه‌رێسان ژى. وخودێ وان ڕۆژان د ناڤبه‌را مرۆڤان دا دزڤڕينت، جاره‌كێ سه‌ركه‌فتن وجاره‌كا دى شكه‌ستن، ژ به‌ر وێ حكمه‌تا وى د وێ چه‌ندێ دا هه‌ى، دا خودێ وى تشتى یێ وى د ئه‌زه‌ل دا زانى ئاشكه‌را بكه‌ت، كو خودان باوه‌رێ ڕاستگۆ ژ يێ دى جودا بكه‌ت، و هنده‌كان ژ هه‌وه ب شه‌هيدبوونێ ب قه‌در بێخت. وخودێ حه‌ز ژ وان ناكه‌ت يێن زۆردارى ل خۆ كرى، وخۆ ژ شه‌ڕێ د ڕێكا وى دا دايه پاش.