قورئانا پیرۆز › سورەتا آل عمران › ئایەتا ١٦٣
سورەتا آل عمران · ئایەتا ١٦٣ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَمَا كَانَ لِنَبِيٍّ أَن يَغُلَّۚ وَمَن يَغۡلُلۡ يَأۡتِ بِمَا غَلَّ يَوۡمَ ٱلۡقِيَٰمَةِۚ ثُمَّ تُوَفَّىٰ كُلُّ نَفۡسٖ مَّا كَسَبَتۡ وَهُمۡ لَا يُظۡلَمُونَ ﴿١٦١﴾
ونه‌بوويه بۆ پێغه‌مبه‌ره‌كى كو خيانه‌تێ ل هه‌ڤالێن خۆ بكه‌ت وتشته‌كى ژ ده‌سكه‌فتییان ژ بلى وى یێ خودێ بۆ دانایى بۆ خۆ ببه‌ت، وهه‌چییێ ژ هه‌وه وێ چه‌ندێ بكه‌ت، ل ڕۆژا قيامه‌تێ ئه‌و دێ ئێت وى تشتى هلگرت يێ وى برى؛ دا ل پێش چاڤ شه‌رما وى پێ بچت، پاشى هه‌ر ئێكى جزايێ وى ب تمامى وبێ كێمكرن وزۆردارى دێ بۆ ئێته‌دان.
أَفَمَنِ ٱتَّبَعَ رِضۡوَٰنَ ٱللَّهِ كَمَنۢ بَآءَ بِسَخَطٖ مِّنَ ٱللَّهِ وَمَأۡوَىٰهُ جَهَنَّمُۖ وَبِئۡسَ ٱلۡمَصِيرُ ﴿١٦٢﴾
ئه‌وێ مه‌خسه‌دا وى ڕازيبوونا خودێ بت وه‌كى وى نابت يێ هه‌ر گونه‌هان دكه‌ت، وخودايێ خۆ عێجز دكه‌ت، ڤێجا ژ به‌ر وێ چه‌ندێ خۆ هێژایى ئاكنجيبوونا ل جه‌هنه‌مێ بكه‌ت، وئه‌و چ نه‌خۆش جهێ لێ زڤڕينییه!
هُمۡ دَرَجَٰتٌ عِندَ ٱللَّهِۗ وَٱللَّهُ بَصِيرُۢ بِمَا يَعۡمَلُونَ ﴿١٦٣﴾
خه‌لكێ به‌حه‌شتێ ئه‌وێن دویكه‌فتنا وى تشتى دكه‌ن یێ خودێ پێ خۆش بت ده‌ره‌جێن وان د وه‌كى ئێك نينن، وخه‌لكێ جه‌هنه‌مێ ژى ئه‌وێن دویكه‌فتنا وى تشتى دكه‌ن یێ خودێ پێ نه‌خۆش بت د جهى دا وه‌كى ئێك نینن. وخودێ ب كريارێن وان يێ بينه‌ره چو ل به‌ر وى به‌رزه نابت.
لَقَدۡ مَنَّ ٱللَّهُ عَلَى ٱلۡمُؤۡمِنِينَ إِذۡ بَعَثَ فِيهِمۡ رَسُولٗا مِّنۡ أَنفُسِهِمۡ يَتۡلُواْ عَلَيۡهِمۡ ءَايَٰتِهِۦ وَيُزَكِّيهِمۡ وَيُعَلِّمُهُمُ ٱلۡكِتَٰبَ وَٱلۡحِكۡمَةَ وَإِن كَانُواْ مِن قَبۡلُ لَفِي ضَلَٰلٖ مُّبِينٍ ﴿١٦٤﴾
ب ڕاستى خودێ مننه‌ت ل خودان باوه‌رێن عه‌ره‌ب كر؛ ده‌مێ پێغه‌مبه‌ره‌ك ژ وان ب خۆ د ناڤ وان دا هنارتى، دا ئايه‌تێن قورئانێ بۆ وان بخوينت، ووان ژ بوتپه‌رێسییێ وڕه‌وشتێن خراب پاقژ بكه‌ت، وقورئانێ وسوننه‌تێ نيشا وان بده‌ت، ئه‌گه‌ر چ ئه‌و به‌رى ڤى پێغه‌مبه‌رى د به‌رزه‌بوون و د بێ فامییه‌كا ئاشكه‌را دا بوون.
أَوَلَمَّآ أَصَٰبَتۡكُم مُّصِيبَةٞ قَدۡ أَصَبۡتُم مِّثۡلَيۡهَا قُلۡتُمۡ أَنَّىٰ هَٰذَاۖ قُلۡ هُوَ مِنۡ عِندِ أَنفُسِكُمۡۗ إِنَّ ٱللَّهَ عَلَىٰ كُلِّ شَيۡءٖ قَدِيرٞ ﴿١٦٥﴾
ئه‌رێ ده‌مێ به‌لایه‌ك ب سه‌ر هه‌وه دا هات گه‌لى خودان باوه‌ران، ومه‌خسه‌د پێ ئه‌و گرفتارییه یا ل ڕۆژا (ئوحودێ) گه‌هشتییه هه‌وه، وئه‌و ب خۆ هه‌وه به‌لایه‌كا دوجاركى وه‌كى وێ ل ڕۆژا (به‌درێ) ب سه‌رێ بوتپه‌رێسان ئينابوو، هوين ژ مه‌نده‌هۆشى ڤه دێ بێژن: ئه‌ڤه چاوا چێ دبت وئه‌م موسلمانين وپێغه‌مبه‌رێ خودێ سلاڤ لێ بن د ناڤ مه دایه وئه‌وێن هه بوتپه‌رێسن؟ تو -ئه‌ى پێغه‌مبه‌ر- بێژه وان: ئه‌وا هاتییه سه‌رێ هه‌وه ئه‌گه‌ر هوین ب خۆنه، ئه‌و ژ ئه‌گه‌را نه‌گوهدارییا هه‌وه‌يه بۆ فه‌رمانا پێغه‌مبه‌رێ هه‌وه، وچوونا هه‌وه بۆ كۆمكرنا ده‌سكه‌فتییان هاته سه‌رێ هه‌وه. هندى خودێیه وێ دكه‌ت يا وى دڤێت، وئه‌و وى حوكمى دگێڕت يێ ئه‌و حه‌ز بكه‌ت، كه‌س حوكمێ وى ناگوهۆرت.