قورئانا پیرۆز › سورەتا آل عمران › ئایەتا ١٧٢
سورەتا آل عمران · ئایەتا ١٧٢ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَرِحِينَ بِمَآ ءَاتَىٰهُمُ ٱللَّهُ مِن فَضۡلِهِۦ وَيَسۡتَبۡشِرُونَ بِٱلَّذِينَ لَمۡ يَلۡحَقُواْ بِهِم مِّنۡ خَلۡفِهِمۡ أَلَّا خَوۡفٌ عَلَيۡهِمۡ وَلَا هُمۡ يَحۡزَنُونَ ﴿١٧٠﴾
ئه‌و دكه‌يفخۆشن ب وێ منه‌تا خودێ ل وان كرى، ووى ژ قه‌نجییا خۆ يا مه‌زن وكه‌ره‌ما خۆ يا به‌رفره‌هـ دايێ، ووان كه‌يف ب برايێن خۆ يێن موجاهد دئێت ئه‌وێن وان ل پشت خۆ هێلاينه ل دنيايێ؛ دا ئه‌و ژى ب وێ سه‌ركه‌فتنێ ب سه‌ركه‌ڤن يا ئه‌و پێ سه‌ركه‌فتين، ژ به‌ر كو ئه‌و دزانن هندى ئه‌ون ئه‌و ژى دێ گه‌هنه وێ خێرێ يا ئه‌و گه‌هشتينێ، ئه‌گه‌ر ئه‌و ژى د ڕێكا خودێ دا هاتنه كوشتن، وكو چو ترس ل سه‌ر وان د وى تشتى دا يێ ل ئاخره‌تێ دئێته ڕێكا وان نينه، وئه‌و ب خه‌م ناكه‌ڤن ل سه‌ر وێ بارا نه‌گه‌هشتییه وان ژ دنيايێ.
۞يَسۡتَبۡشِرُونَ بِنِعۡمَةٖ مِّنَ ٱللَّهِ وَفَضۡلٖ وَأَنَّ ٱللَّهَ لَا يُضِيعُ أَجۡرَ ٱلۡمُؤۡمِنِينَ ﴿١٧١﴾
وئه‌و د كه‌يفه‌كا مه‌زن دانه ژ به‌ر وان قه‌نجییێن خودێ يێن بۆ وان هاتينه‌دان، وكو خودێ خێرا وان يێن باوه‌رى ب وى ئيناى به‌رزه ناكه‌ت، به‌لكى ژ قه‌نجییا خۆ ئه‌و وێ بۆ وان ب خودان دكه‌ت ومه‌زن دكه‌ت.
ٱلَّذِينَ ٱسۡتَجَابُواْ لِلَّهِ وَٱلرَّسُولِ مِنۢ بَعۡدِ مَآ أَصَابَهُمُ ٱلۡقَرۡحُۚ لِلَّذِينَ أَحۡسَنُواْ مِنۡهُمۡ وَٱتَّقَوۡاْ أَجۡرٌ عَظِيمٌ ﴿١٧٢﴾
ئه‌وێن د گازییا خودێ و پێغه‌مبه‌رێ وى هاتين، و ل دويڤ بوتپه‌رێسان ده‌ركه‌فتينه وى جهێ دبێژنێ: (حمراء الأسد)، پشتى ئه‌و ل شه‌ڕێ (ئوحودێ) شكه‌ستين د گه‌ل كو ئێش وبرين كه‌فتبوونه له‌شێ وان، ویا ژ وان هاتى وان كر، وپێگیرى ب فه‌رمانا پێغه‌مبه‌رێ خۆ كر، بۆ ئه‌وێن قه‌نجى كرى ژ وان وته‌قواداران خێره‌كا مه‌زن هه‌يه.
ٱلَّذِينَ قَالَ لَهُمُ ٱلنَّاسُ إِنَّ ٱلنَّاسَ قَدۡ جَمَعُواْ لَكُمۡ فَٱخۡشَوۡهُمۡ فَزَادَهُمۡ إِيمَٰنٗا وَقَالُواْ حَسۡبُنَا ٱللَّهُ وَنِعۡمَ ٱلۡوَكِيلُ ﴿١٧٣﴾
وئه‌و ئه‌ون يێن هنده‌ك موشركان گۆتییێ: ئه‌بوو سفيان وئه‌وێن د گه‌ل دا يێن كۆم بووينه‌ڤه وڤێ جارێ دێ ئێن هه‌وه برينن، ڤێجا هوين ژ وان بترسن، چونكى هوین نه‌شێنه وان، به‌لێ ڤێ ترساندنێ باوه‌رییا وان ب سۆزا خودێ پتر لێ كر، وڤێ چه‌ندێ ئه‌و سست نه‌كرن، وئه‌و چوونه وى جهێ خودێ حه‌زكرى، وگۆتن: خودێ تێرا مه هه‌يه وئه‌و چێترين وه‌كيله.
فَٱنقَلَبُواْ بِنِعۡمَةٖ مِّنَ ٱللَّهِ وَفَضۡلٖ لَّمۡ يَمۡسَسۡهُمۡ سُوٓءٞ وَٱتَّبَعُواْ رِضۡوَٰنَ ٱللَّهِۗ وَٱللَّهُ ذُو فَضۡلٍ عَظِيمٍ ﴿١٧٤﴾
ئينا ئه‌و ب قه‌نجى وخێره‌كا مه‌زن ڤه ژ (حمراء الأسد) زڤڕينه (مه‌دينێ)، وخودێ مه‌رته‌به‌یه‌كا بلند دا وان، وباوه‌رییا وان زێده‌تر وپتر لێ هات، ووان دوژمنێن خودێ ڕه‌زيل كرن، وئه‌و ژ كوشتنێ وشه‌ڕى هاتنه پاراستن، ووان ب گوهدارییا خودێ وپێغه‌مبه‌رێ وى دويكه‌فتنا ڕازيبوونا خودێ كر. وخودێ خودانێ قه‌نجى ودانه‌كا مه‌زن وبه‌رفره‌هه ل سه‌ر وان و ل سه‌ر خه‌لكێ دى.