قورئانا پیرۆز › سورەتا آل عمران › ئایەتا ١٧٨
سورەتا آل عمران · ئایەتا ١٧٨ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَا يَحۡزُنكَ ٱلَّذِينَ يُسَٰرِعُونَ فِي ٱلۡكُفۡرِۚ إِنَّهُمۡ لَن يَضُرُّواْ ٱللَّهَ شَيۡـٔٗاۚ يُرِيدُ ٱللَّهُ أَلَّا يَجۡعَلَ لَهُمۡ حَظّٗا فِي ٱلۡأٓخِرَةِۖ وَلَهُمۡ عَذَابٌ عَظِيمٌ ﴿١٧٦﴾
وئه‌و كافرێن هه ب له‌زكرنا خۆ د كافری وسه‌رداچوونێ دا بلا ته -ئه‌ى پێغه‌مبه‌ر- ب خه‌م نه‌ئێخن، هندى ئه‌ون ئه‌و ب وێ چه‌ندێ چو زيانێ ناگه‌هيننه خودێ، به‌لكى ئه‌و زیانێ دگه‌هیننه خۆ ده‌مێ شرینى وخێرا مه‌زن یا باوه‌رێ ژ ده‌ست دده‌ن، خودێ دڤێت چو خێرێ ل ئاخره‌تێ نه‌ده‌ته وان؛ چونكى وان پشت دابوو گازییا ڕاست، وعه‌زابه‌كا دژوار بۆ وان هه‌يه.
إِنَّ ٱلَّذِينَ ٱشۡتَرَوُاْ ٱلۡكُفۡرَ بِٱلۡإِيمَٰنِ لَن يَضُرُّواْ ٱللَّهَ شَيۡـٔٗاۖ وَلَهُمۡ عَذَابٌ أَلِيمٞ ﴿١٧٧﴾
هندى ئه‌ون يێن باوه‌رى ب كوفرێ گوهارتى ئه‌و ب تشته‌كى زيانێ ناگه‌هيننه هه‌وه، به‌لكى زيانا كارێ وان بۆ وان ب خۆ دزڤڕت، وعه‌زابه‌كا ب ئێش بۆ وان ل ئاخره‌تێ هه‌يه.
وَلَا يَحۡسَبَنَّ ٱلَّذِينَ كَفَرُوٓاْ أَنَّمَا نُمۡلِي لَهُمۡ خَيۡرٞ لِّأَنفُسِهِمۡۚ إِنَّمَا نُمۡلِي لَهُمۡ لِيَزۡدَادُوٓاْ إِثۡمٗاۖ وَلَهُمۡ عَذَابٞ مُّهِينٞ ﴿١٧٨﴾
وكافر بلا هزر نه‌كه‌ن ئه‌گه‌ر مه عه‌مرێ وان درێژ كر، وخۆشییێن دنيايێ دانه وان، ومه ئه‌و ب كوفر وگونه‌هێن وان نه‌گرتن، ئه‌و وان ب وێ چه‌ندێ خێر گه‌هانده خۆ، به‌لكى ئه‌م مرن وعه‌زابا وان ڤه‌دهێلين؛ دا ئه‌و پتر زۆردارییێ وسه‌رداچوونێ بكه‌ن، وعه‌زابه‌كا وان بشكێنت وره‌زیل بكه‌ت بۆ وان هه‌يه.
مَّا كَانَ ٱللَّهُ لِيَذَرَ ٱلۡمُؤۡمِنِينَ عَلَىٰ مَآ أَنتُمۡ عَلَيۡهِ حَتَّىٰ يَمِيزَ ٱلۡخَبِيثَ مِنَ ٱلطَّيِّبِۗ وَمَا كَانَ ٱللَّهُ لِيُطۡلِعَكُمۡ عَلَى ٱلۡغَيۡبِ وَلَٰكِنَّ ٱللَّهَ يَجۡتَبِي مِن رُّسُلِهِۦ مَن يَشَآءُۖ فَـَٔامِنُواْ بِٱللَّهِ وَرُسُلِهِۦۚ وَإِن تُؤۡمِنُواْ وَتَتَّقُواْ فَلَكُمۡ أَجۡرٌ عَظِيمٞ ﴿١٧٩﴾
ئه‌ى ئه‌وێن هه‌وه باوه‌رى ب خودێ ئيناى ودويكه‌فتنا پێغه‌مبه‌رێ وى كرى، نه‌بوويه كو خودێ هه‌وه ب ڤى ڕه‌نگێ هوين ل سه‌ر كو خودان باوه‌ر ومنافق دژێك جودا نه‌بن، بهێلت.. به‌لێ ئه‌و دێ مرۆڤێ پيس ژ یێ پاقژ ڤاڤێرت، ڤێجا منافق دێ ژ خودان باوه‌رى ئێته جوداكرن. ونه ژ كاربنه‌جهییا خودێیه -گه‌لى خودان باوه‌ران- كو ئه‌و هه‌وه ب وى تشتێ نه‌به‌رچاڤ ژ كارێ به‌نییێن خۆ يێ ئه‌و پێ دزانت ئاگه‌هدار بكه‌ت، دا هوين خودان باوه‌رى ژ وان ژ منافقى ڤاڤێرن، به‌لكى ئه‌و ب گرفتارى وته‌نگاڤییان وان ئاشكه‌را دكه‌ت، به‌لێ ژ پێغه‌مبه‌رێن خۆ خودێ وى هلدبژێرت يێ وى بڤێت، وئه‌و هنده‌ك غه‌يبا كو د دلێ وان منافقان دا هه‌ى ب ڕێكا وه‌حییێ بۆ وى پێغه‌مبه‌رى دبێژت، ڤێجا هوين باوه‌رییێ ب خودێ وپێغه‌مبه‌رێ وى بينن، وئه‌گه‌ر هوين باوه‌رییه‌كا دورست بينن وته‌قوایا خودايێ خۆ بكه‌ن، خێره‌كا مه‌زن بۆ هه‌وه ل نك خودێ هه‌يه.
وَلَا يَحۡسَبَنَّ ٱلَّذِينَ يَبۡخَلُونَ بِمَآ ءَاتَىٰهُمُ ٱللَّهُ مِن فَضۡلِهِۦ هُوَ خَيۡرٗا لَّهُمۖ بَلۡ هُوَ شَرّٞ لَّهُمۡۖ سَيُطَوَّقُونَ مَا بَخِلُواْ بِهِۦ يَوۡمَ ٱلۡقِيَٰمَةِۗ وَلِلَّهِ مِيرَٰثُ ٱلسَّمَٰوَٰتِ وَٱلۡأَرۡضِۗ وَٱللَّهُ بِمَا تَعۡمَلُونَ خَبِيرٞ ﴿١٨٠﴾
وئه‌وێن قه‌لسییێ ب وى تشتى دكه‌ن یێ خودێ ژ قه‌نجییا خۆ دايێ، بلا هزر نه‌كه‌ن ئه‌ڤ قه‌لسییه بۆ وان باشه، به‌لكى ئه‌و بۆ وان خرابییه؛ چونكى ئه‌ڤ ماله يێ وان كۆمكرى ل ڕۆژا ڕابوونێ دێ بته تۆكه‌ك وكه‌فته ستويێ وان. وخودايێ مه‌زنه خودانێ ملكى، وئه‌وه يێ پشتى نه‌مانا خه‌لكى هه‌مییێ دمينت، وئه‌و ب هه‌مى كريارێن هه‌وه يێ شاره‌زايه، ودێ جزايێ هه‌ر ئێكى ل دويڤ حه‌قێ وى ده‌تێ.