قورئانا پیرۆز › سورەتا آل عمران › ئایەتا ١٩
سورەتا آل عمران · ئایەتا ١٩ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱلصَّـٰبِرِينَ وَٱلصَّـٰدِقِينَ وَٱلۡقَٰنِتِينَ وَٱلۡمُنفِقِينَ وَٱلۡمُسۡتَغۡفِرِينَ بِٱلۡأَسۡحَارِ ﴿١٧﴾
ئه‌ون یێن ل سه‌ر كرنا عيباده‌تى وخۆ دويركرنا ژ گونه‌هان و وان نه‌خۆشییێن ب قه‌ده‌را خودێ دگه‌هنێ دبێهنفره‌هـ، وئه‌و د گۆتن وكريارێن خۆ دا دڕاستگۆنه، و ب تمامى عيباده‌تى دكه‌ن، وئاشكه‌را وڤه‌شارتى خێران دده‌ن، و ل دويماهییا شه‌ڤان داخوازا ژێبرنا گونه‌هان بۆ خۆ ژ خودێ دكه‌ن؛ چونكى ل وى ده‌مى پتر يا به‌رهزره كو دوعا بێنه وه‌رگرتن.
شَهِدَ ٱللَّهُ أَنَّهُۥ لَآ إِلَٰهَ إِلَّا هُوَ وَٱلۡمَلَـٰٓئِكَةُ وَأُوْلُواْ ٱلۡعِلۡمِ قَآئِمَۢا بِٱلۡقِسۡطِۚ لَآ إِلَٰهَ إِلَّا هُوَ ٱلۡعَزِيزُ ٱلۡحَكِيمُ ﴿١٨﴾
خودێ شاهده‌يى دايه كو ئه‌و ب تنێ خودايه، ووى شاهده‌يیا ملیاكه‌ت وزانايان ژى دا د گه‌ل شاهده‌ییا خۆ، ل سه‌ر مه‌زنترين تشتێ شاهده‌يى بۆ دئێته‌دان: كو ته‌وحيد وپێ ڕابوونا وییه ب دادییێ، ژ وى پێڤه‌تر چو خودا نينن، يێ زاله چو تشته‌كێ وى بڤێت ل به‌ر وى ئاسێ نابت، د گۆتن وكريارێن خۆ دا يێ كاربنه‌جهه.
إِنَّ ٱلدِّينَ عِندَ ٱللَّهِ ٱلۡإِسۡلَٰمُۗ وَمَا ٱخۡتَلَفَ ٱلَّذِينَ أُوتُواْ ٱلۡكِتَٰبَ إِلَّا مِنۢ بَعۡدِ مَا جَآءَهُمُ ٱلۡعِلۡمُ بَغۡيَۢا بَيۡنَهُمۡۗ وَمَن يَكۡفُرۡ بِـَٔايَٰتِ ٱللَّهِ فَإِنَّ ٱللَّهَ سَرِيعُ ٱلۡحِسَابِ ﴿١٩﴾
هندى ئه‌و دينه يێ خودێ بۆ به‌نییێن خۆ پێ ڕازى بووى وپێغه‌مبه‌رێن خۆ پێ هنارتين، و ژبلى وى ئه‌و ب چو دينێن دى ڕازى نابت، ئيسلامه، وئيسلام ئه‌وه مرۆڤ عيباده‌تى بۆ خودێ ب تنێ بكه‌ت وخۆ ته‌سليمى وى بكه‌ت، ودويچوونا پێغه‌مبه‌ران بكه‌ت. وئه‌وێن كيتاب بۆ هاتى ژ جوهى وفه‌لان ب خيلاف نه‌چوون، ونه‌بوونه پارت وده‌سته‌كێن لێككه‌فتى حه‌تا ب هنارتنا پێغه‌مبه‌ران وئينانه خوارا كيتابان هێجه‌ت بۆ وان نه‌ماى؛ ژ به‌ر چاڤ پێ نه‌ڕابوون وداخوازكرنا وان بۆ دنيايێ. وهه‌چییێ باوه‌رییێ ب وان ئايه‌تێن خودێ نه‌ئينت يێن هاتينه‌خوارێ وخوداينییا وى ئاشكه‌را دكه‌ن.. هندى خودێیه حسێبا وى يا ب له‌زه، وئه‌و سه‌را كارێ وان دكر دێ جزايێ وان ده‌ت.
فَإِنۡ حَآجُّوكَ فَقُلۡ أَسۡلَمۡتُ وَجۡهِيَ لِلَّهِ وَمَنِ ٱتَّبَعَنِۗ وَقُل لِّلَّذِينَ أُوتُواْ ٱلۡكِتَٰبَ وَٱلۡأُمِّيِّـۧنَ ءَأَسۡلَمۡتُمۡۚ فَإِنۡ أَسۡلَمُواْ فَقَدِ ٱهۡتَدَواْۖ وَّإِن تَوَلَّوۡاْ فَإِنَّمَا عَلَيۡكَ ٱلۡبَلَٰغُۗ وَٱللَّهُ بَصِيرُۢ بِٱلۡعِبَادِ ﴿٢٠﴾
ڤێجا ئه‌گه‌ر خودانێن كيتابێ هه‌ڤڕكى د گه‌ل ته -ئه‌ى پێغه‌مبه‌ر- د ته‌وحيدێ دا كر پشتى ته چو هێجه‌ت بۆ وان نه‌هێلاين، تو بێژه وان: من به‌رێ خۆ يێ دايه خودێ ب تنێ وئه‌ز كه‌سێ بۆ وى ناكه‌مه هه‌ڤپشك، هه‌ر وه‌سا هه‌چییێ دويكه‌فتنا من كرى ژ خودان باوه‌ران، وان ژى به‌رێ خۆ دايه خودێ ب تنێ، وتو بێژه وان وبێژه بوتپه‌رێسێن عه‌ره‌بان وكافرێن دى: ئه‌گه‌ر هوين موسلمان ببن هوين دێ ل سه‌ر حه‌قییێ وڕێكا ڕاست بن، وئه‌گه‌ر هوين پشت بده‌ن حسێبا هه‌وه دێ ل سه‌ر خودێ بت، وهه‌ما يا ل سه‌ر من گه‌هاندنه، ومن حه‌قى گه‌هانده هه‌وه وچو هێجه‌ت بۆ هه‌وه نه‌هێلان. وخودێ ب به‌نییان يێ بينه‌ره، تشته‌ك ژ كارێ وان ل به‌ر وى به‌رزه نابت.
إِنَّ ٱلَّذِينَ يَكۡفُرُونَ بِـَٔايَٰتِ ٱللَّهِ وَيَقۡتُلُونَ ٱلنَّبِيِّـۧنَ بِغَيۡرِ حَقّٖ وَيَقۡتُلُونَ ٱلَّذِينَ يَأۡمُرُونَ بِٱلۡقِسۡطِ مِنَ ٱلنَّاسِ فَبَشِّرۡهُم بِعَذَابٍ أَلِيمٍ ﴿٢١﴾
هندى ئه‌ون يێن كافرییێ ب ئايه‌تێن ئاشكه‌را دكه‌ن و ب وێ يا پێغه‌مبه‌ر پێ هاتين، وپێغه‌مبه‌رێن خودێ ژ زۆردارى وبێ حه‌ق دكوژن، ووان دكوژن يێن فه‌رمانێ ب دادییێ ودويكه‌فتنا پێغه‌مبه‌ران دكه‌ن، تو مزگينییێ ب عه‌زابه‌كا ب ئێش بده وان.