قورئانا پیرۆز › سورەتا آل عمران › ئایەتا ١٩٩
سورەتا آل عمران · ئایەتا ١٩٩ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
مَتَٰعٞ قَلِيلٞ ثُمَّ مَأۡوَىٰهُمۡ جَهَنَّمُۖ وَبِئۡسَ ٱلۡمِهَادُ ﴿١٩٧﴾
ئه‌و په‌رتالكێ كێمه نامينت، پاشى ڕۆژا قيامه‌تێ دويماهییا وان ئاگره، وئه‌و چ نه‌خۆش جهه.
لَٰكِنِ ٱلَّذِينَ ٱتَّقَوۡاْ رَبَّهُمۡ لَهُمۡ جَنَّـٰتٞ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا نُزُلٗا مِّنۡ عِندِ ٱللَّهِۗ وَمَا عِندَ ٱللَّهِ خَيۡرٞ لِّلۡأَبۡرَارِ ﴿١٩٨﴾
به‌لێ ئه‌وێن ژ خودايێ خۆ ترسیاين، وپێگيرى ب فه‌رمانێن وى كرى، خودێ هنده‌ك به‌حه‌شتێن ڕويبار د بن داروبارێن وان دا دچن بۆ وان ئاماده كرينه، ئه‌و مالا وان يا هه‌ر وهه‌ره ژێ ده‌رناكه‌ڤن، وئه‌وا ل نك خودێ بۆ باشان هه‌ى مه‌زنتر وچێتره ژ وان خۆشییێن دنيايێ يێن كافر تێدا.
وَإِنَّ مِنۡ أَهۡلِ ٱلۡكِتَٰبِ لَمَن يُؤۡمِنُ بِٱللَّهِ وَمَآ أُنزِلَ إِلَيۡكُمۡ وَمَآ أُنزِلَ إِلَيۡهِمۡ خَٰشِعِينَ لِلَّهِ لَا يَشۡتَرُونَ بِـَٔايَٰتِ ٱللَّهِ ثَمَنٗا قَلِيلًاۚ أُوْلَـٰٓئِكَ لَهُمۡ أَجۡرُهُمۡ عِندَ رَبِّهِمۡۗ إِنَّ ٱللَّهَ سَرِيعُ ٱلۡحِسَابِ ﴿١٩٩﴾
و ب ڕاستى هنده‌ك ژ كيتابییان هه‌نه باوه‌رییێ ب خودێ دئينن كو ئه‌و خودایه‌كێ ب تنێیه وپه‌رستنا وى ب تنێ دڤێت بێته‌كرن، وباوه‌رییێ ب وێ يا بۆ وان هاتییه خوارێ ژ قورئانێ دئينن، و ب وێ يا بۆ وان هاتییه خوارێ ژ ته‌وراتێ وئنجيلێ ژى، خۆ بۆ خودێ دشكێنن و ژ وى دترسن، ئايه‌تێن خودێ ب په‌رتاله‌كێ كێمێ دنيايێ نافرۆشن، ووى تشتێ خودێ ئينايه خوارێ ناڤه‌شێرن، ووه‌كى كيتابییێن دى وه‌ربادانێ نائێخنێ. بۆ وان خێره‌كا مه‌زن ل نك خودايێ وان هه‌يه ڕۆژا ئه‌و دچنه نك وى، ڤێجا ئه‌و جزايێ وان ب تمامى وبێ كێماسى دێ ده‌ته وان. هندى خودێیه حسێبا وى يا سڤكه، هژمارتنا كريارێن هه‌وه وجزادانا هه‌وه سه‌را وان وى بێزار ناكه‌ت.
يَـٰٓأَيُّهَا ٱلَّذِينَ ءَامَنُواْ ٱصۡبِرُواْ وَصَابِرُواْ وَرَابِطُواْ وَٱتَّقُواْ ٱللَّهَ لَعَلَّكُمۡ تُفۡلِحُونَ ﴿٢٠٠﴾
ئه‌ى گه‌لى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شريعه‌تێ وى كرى، صه‌برێ ل سه‌ر گوهدانا خودايێ خۆ بكێشن، و ل سه‌ر وێ ته‌نگاڤى ونه‌خۆشییا دئێته سه‌رێ هه‌وه، و ل هه‌مبه‌رى دوژمنێن خۆ دبێفره‌هـ بن دا ئه‌و ژ هه‌وه د بێنفره‌هتر نه‌بن، و ل سه‌ر جيهادا د گه‌ل نه‌يارێن من ونه‌يارێن خۆ هوین دبه‌رده‌وام بن، و د هه‌مى حالێن خۆ دا هوين ژ خودێ بترسن؛ ب وێ هيڤییێ كو هوين ل دنيايێ وئاخره‌تێ ڕازيبوونا وى ب ده‌ست خۆ ڤه بينن.