قورئانا پیرۆز › سورەتا آل عمران › ئایەتا ٢٢
سورەتا آل عمران · ئایەتا ٢٢ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
فَإِنۡ حَآجُّوكَ فَقُلۡ أَسۡلَمۡتُ وَجۡهِيَ لِلَّهِ وَمَنِ ٱتَّبَعَنِۗ وَقُل لِّلَّذِينَ أُوتُواْ ٱلۡكِتَٰبَ وَٱلۡأُمِّيِّـۧنَ ءَأَسۡلَمۡتُمۡۚ فَإِنۡ أَسۡلَمُواْ فَقَدِ ٱهۡتَدَواْۖ وَّإِن تَوَلَّوۡاْ فَإِنَّمَا عَلَيۡكَ ٱلۡبَلَٰغُۗ وَٱللَّهُ بَصِيرُۢ بِٱلۡعِبَادِ ﴿٢٠﴾
ڤێجا ئه‌گه‌ر خودانێن كيتابێ هه‌ڤڕكى د گه‌ل ته -ئه‌ى پێغه‌مبه‌ر- د ته‌وحيدێ دا كر پشتى ته چو هێجه‌ت بۆ وان نه‌هێلاين، تو بێژه وان: من به‌رێ خۆ يێ دايه خودێ ب تنێ وئه‌ز كه‌سێ بۆ وى ناكه‌مه هه‌ڤپشك، هه‌ر وه‌سا هه‌چییێ دويكه‌فتنا من كرى ژ خودان باوه‌ران، وان ژى به‌رێ خۆ دايه خودێ ب تنێ، وتو بێژه وان وبێژه بوتپه‌رێسێن عه‌ره‌بان وكافرێن دى: ئه‌گه‌ر هوين موسلمان ببن هوين دێ ل سه‌ر حه‌قییێ وڕێكا ڕاست بن، وئه‌گه‌ر هوين پشت بده‌ن حسێبا هه‌وه دێ ل سه‌ر خودێ بت، وهه‌ما يا ل سه‌ر من گه‌هاندنه، ومن حه‌قى گه‌هانده هه‌وه وچو هێجه‌ت بۆ هه‌وه نه‌هێلان. وخودێ ب به‌نییان يێ بينه‌ره، تشته‌ك ژ كارێ وان ل به‌ر وى به‌رزه نابت.
إِنَّ ٱلَّذِينَ يَكۡفُرُونَ بِـَٔايَٰتِ ٱللَّهِ وَيَقۡتُلُونَ ٱلنَّبِيِّـۧنَ بِغَيۡرِ حَقّٖ وَيَقۡتُلُونَ ٱلَّذِينَ يَأۡمُرُونَ بِٱلۡقِسۡطِ مِنَ ٱلنَّاسِ فَبَشِّرۡهُم بِعَذَابٍ أَلِيمٍ ﴿٢١﴾
هندى ئه‌ون يێن كافرییێ ب ئايه‌تێن ئاشكه‌را دكه‌ن و ب وێ يا پێغه‌مبه‌ر پێ هاتين، وپێغه‌مبه‌رێن خودێ ژ زۆردارى وبێ حه‌ق دكوژن، ووان دكوژن يێن فه‌رمانێ ب دادییێ ودويكه‌فتنا پێغه‌مبه‌ران دكه‌ن، تو مزگينییێ ب عه‌زابه‌كا ب ئێش بده وان.
أُوْلَـٰٓئِكَ ٱلَّذِينَ حَبِطَتۡ أَعۡمَٰلُهُمۡ فِي ٱلدُّنۡيَا وَٱلۡأٓخِرَةِ وَمَا لَهُم مِّن نَّـٰصِرِينَ ﴿٢٢﴾
ئه‌و ئه‌ون يێن كريارێن وان د دنيايێ وئاخره‌تێ دا پويچ بووين، ڤێجا كرياره‌ك ژ وان نائێته قه‌بويلكرن، وچو پشته‌ڤانه‌ك بۆ وان نابت وان ژ عه‌زابا خودێ بپارێزت.
أَلَمۡ تَرَ إِلَى ٱلَّذِينَ أُوتُواْ نَصِيبٗا مِّنَ ٱلۡكِتَٰبِ يُدۡعَوۡنَ إِلَىٰ كِتَٰبِ ٱللَّهِ لِيَحۡكُمَ بَيۡنَهُمۡ ثُمَّ يَتَوَلَّىٰ فَرِيقٞ مِّنۡهُمۡ وَهُم مُّعۡرِضُونَ ﴿٢٣﴾
ئه‌رێ ما ته -ئه‌ى پێغه‌مبه‌ر- ژ حالێ ڤان جوهییان عه‌جێبتر ديتییه ئه‌وێن خودێ باره‌ك ژ كيتابێ دايێ ڤێجا وان زانى كو ئه‌وا بۆ ته هاتى حه‌قییه، ئه‌و بۆ وێ يا د كيتابا خودێ دا -كو قورئانه- هاتى دئێنه گازيكرن دا حوكمى د ناڤبه‌را وان دا بكه‌ت، ڤێجا ئه‌گه‌ر ئه‌و ل دويڤ دلێ وان نه‌بت بارا پتر ژ وان حوكمێ خودێ قه‌بويل ناكه‌ن؛ چونكى عه‌ده‌تێ وانه ئه‌و پشتا خۆ دده‌نه حه‌قییێ.
ذَٰلِكَ بِأَنَّهُمۡ قَالُواْ لَن تَمَسَّنَا ٱلنَّارُ إِلَّآ أَيَّامٗا مَّعۡدُودَٰتٖۖ وَغَرَّهُمۡ فِي دِينِهِم مَّا كَانُواْ يَفۡتَرُونَ ﴿٢٤﴾
ئه‌و پشتدانا وان بۆ حه‌قییێ ژ ئه‌گه‌را وێ باوه‌رییا خرابه ئه‌وا ل نك كيتابییان هه‌ى؛ كو هنده‌ك ڕۆژێن كێم تێ نه‌بن ئه‌و نائێنه عه‌زابدان، وئه‌ڤ باوه‌رییه‌يه ئه‌و ل سه‌ر خودێ بسته‌كرين كو سڤكییێ ب دينێ وى بكه‌ن، و ل سه‌ر دينێ خۆ يێ پويچ يێ وان خۆ پێ خاپاندى به‌رده‌وام بمينن.