قورئانا پیرۆز › سورەتا آل عمران › ئایەتا ٢٩
سورەتا آل عمران · ئایەتا ٢٩ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
تُولِجُ ٱلَّيۡلَ فِي ٱلنَّهَارِ وَتُولِجُ ٱلنَّهَارَ فِي ٱلَّيۡلِۖ وَتُخۡرِجُ ٱلۡحَيَّ مِنَ ٱلۡمَيِّتِ وَتُخۡرِجُ ٱلۡمَيِّتَ مِنَ ٱلۡحَيِّۖ وَتَرۡزُقُ مَن تَشَآءُ بِغَيۡرِ حِسَابٖ ﴿٢٧﴾
و ژ نيشانێن شيانا ته‌يه تو شه‌ڤێ تێكه‌لى ڕۆژێ دكه‌ى، وڕۆژێ تێكه‌لى شه‌ڤێ دكه‌ى، ڤێجا ئه‌ڤه درێژ دبت ويا دى كورت دبت، وتو يێ زێندى ژ يێ مرى دئينيه‌ده‌ر، وه‌كى ده‌رێخستنا شينكاتى ژ دندكێ، وخودان باوه‌رى ژ كافرى، وتو يێ مرى ژ يێ زێندى دئينيه‌ده‌ر، وه‌كى ده‌رێخستنا هێكێ ژ مريشكێ، وهه‌چییێ ته بڤێت ژ به‌نییێن خۆ بێ هژمار تو ڕزقى دده‌يێ.
لَّا يَتَّخِذِ ٱلۡمُؤۡمِنُونَ ٱلۡكَٰفِرِينَ أَوۡلِيَآءَ مِن دُونِ ٱلۡمُؤۡمِنِينَۖ وَمَن يَفۡعَلۡ ذَٰلِكَ فَلَيۡسَ مِنَ ٱللَّهِ فِي شَيۡءٍ إِلَّآ أَن تَتَّقُواْ مِنۡهُمۡ تُقَىٰةٗۗ وَيُحَذِّرُكُمُ ٱللَّهُ نَفۡسَهُۥۗ وَإِلَى ٱللَّهِ ٱلۡمَصِيرُ ﴿٢٨﴾
خودێ خودان باوه‌ران پاشڤه دبه‌ت كو ئه‌و ب ڤيان وپشته‌ڤانییێ كافران بۆ خۆ بكه‌نه سه‌ركار، وخودان باوه‌ران بهێلن، وهه‌چییێ وان بۆ خۆ بكه‌ته سه‌ركار ئه‌و ژ خودێ يێ به‌رییه، وخودێ ژى ژ وى يێ به‌رییه، ئه‌و تێ نه‌بت كو هوين دلاواز بن وبترسن هنگى خودێ ده‌ستويرى دايه كو هه‌ڤالينییا وان بكه‌ن دا خۆ ژێ بكڕن، حه‌تا هوين ب هێز دكه‌ڤن، وخودێ هه‌وه ژ خۆ دترسينت، ڤێجا ته‌قوایا وى بكه‌ن وژێ بترسن. وزڤڕينا هه‌مى چێكرییان بۆ حسێبێ وجزادانێ بۆ نك خودێ ب تنێیه.
قُلۡ إِن تُخۡفُواْ مَا فِي صُدُورِكُمۡ أَوۡ تُبۡدُوهُ يَعۡلَمۡهُ ٱللَّهُۗ وَيَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَٱللَّهُ عَلَىٰ كُلِّ شَيۡءٖ قَدِيرٞ ﴿٢٩﴾
ئه‌ى پێغه‌مبه‌ر تو بێژه خودان باوه‌ران: ئه‌گه‌ر هوين وێ يا د سنگێ هه‌وه دا ژ ڤيان ودۆستينى وپشته‌ڤانییا كافران ڤه‌شێرن يان هوين ئاشكه‌را بكه‌ن تشته‌ك ژ وێ ل خودێ نائێته ڤه‌شارتن، چونكى زانينا وى دۆرا ل هه‌ر تشته‌كێ ل عه‌سمانان وهه‌ر تشته‌كێ ل عه‌ردى گرتى، وشيانا تمام ل سه‌ر هه‌ر تشته‌كى وى هه‌يه.
يَوۡمَ تَجِدُ كُلُّ نَفۡسٖ مَّا عَمِلَتۡ مِنۡ خَيۡرٖ مُّحۡضَرٗا وَمَا عَمِلَتۡ مِن سُوٓءٖ تَوَدُّ لَوۡ أَنَّ بَيۡنَهَا وَبَيۡنَهُۥٓ أَمَدَۢا بَعِيدٗاۗ وَيُحَذِّرُكُمُ ٱللَّهُ نَفۡسَهُۥۗ وَٱللَّهُ رَءُوفُۢ بِٱلۡعِبَادِ ﴿٣٠﴾
ڕۆژا قيامه‌تێ، ڕۆژا جزادانێ، هه‌ر نه‌فسه‌ك هه‌چى خێرا كربت ل به‌را خۆ ئاماده دبينت؛ دا جزايێ وێ پێ بێته‌دان، وهه‌چى خرابییه‌كا كربت ژى ل به‌را خۆ دبينت، ڤێجا ئه‌و نه‌فس حه‌ز دكه‌ت كو د ناڤبه‌را وێ وڤى كارى دا ده‌مه‌كێ دوير هه‌با. ڤێجا هوين بۆ ڤێ ڕۆژێ خۆ ئاماده بكه‌ن، و ژ گرتنا خودايێ ب هێز بترسن. و د گه‌ل كو عه‌زابا خودێ يا دژواره ژى به‌لێ ئه‌و ب به‌نییێن خۆ يێ مهره‌بانه.
قُلۡ إِن كُنتُمۡ تُحِبُّونَ ٱللَّهَ فَٱتَّبِعُونِي يُحۡبِبۡكُمُ ٱللَّهُ وَيَغۡفِرۡ لَكُمۡ ذُنُوبَكُمۡۚ وَٱللَّهُ غَفُورٞ رَّحِيمٞ ﴿٣١﴾
ئه‌ى پێغه‌مبه‌ر تو بێژه: ئه‌گه‌ر ڕاسته هه‌وه خودێ دڤێت هوين دويكه‌فتنا من بكه‌ن، خودێ ژى دێ هوين ڤێن، وگونه‌هێن هه‌وه دێ ژێ به‌ت، چونكى خودێ گونه‌هـ ژێبرێ گونه‌هێن به‌نییێن خۆيه، و ب وان يێ دلۆڤانكاره.وئه‌ڤ ئايه‌ته حوكمى ب هندێ دكه‌ت كو هه‌ر كه‌سێ بێژت: من خودێ دڤێت ودويكه‌فتنا پێغه‌مبه‌رێ وى موحه‌ممه‌دى سلاڤ لێ بن ب دورستى نه‌كه‌ت، ئه‌و د ڤێ گۆتنا خۆ دا يێ دره‌وينه، وئه‌و ڕاست نابێژت حه‌تا ب دورستى دويكه‌فتنا پێغه‌مبه‌رى نه‌كه‌ت.