قورئانا پیرۆز › سورەتا آل عمران › ئایەتا ٤
سورەتا آل عمران · ئایەتا ٤ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُ ﴿٢﴾
ئه‌وه خودێ، ژ وى پێڤه‌تر چو خودايێن ب حه‌ق نينن په‌رستن بۆ بێته‌كرن، ژينه‌كا پێكهاتى وه‌كى هێژایى وى بت بۆ وى هه‌يه، ئه‌و ب كرنا هه‌ر تشته‌كى يێ ڕابوويیه.
نَزَّلَ عَلَيۡكَ ٱلۡكِتَٰبَ بِٱلۡحَقِّ مُصَدِّقٗا لِّمَا بَيۡنَ يَدَيۡهِ وَأَنزَلَ ٱلتَّوۡرَىٰةَ وَٱلۡإِنجِيلَ ﴿٣﴾
وى قورئانا چو گومان تێدا نه‌هه‌ى ب حه‌قى بۆ ته -ئه‌ى پێغه‌مبه‌ر- ئينايه خوارێ، ئه‌و كيتاب وپێغه‌مبه‌رێن به‌رى خۆ ڕاستگۆ ده‌رتێخت، وبه‌رى ئينانه‌خوارا قورئانێ وى ته‌ورات بۆ مووسایى سلاڤ لێ بن وئنجيل بۆ عیسایى سلاڤ لێ بن ئينابوونه خوارێ.
مِن قَبۡلُ هُدٗى لِّلنَّاسِ وَأَنزَلَ ٱلۡفُرۡقَانَۗ إِنَّ ٱلَّذِينَ كَفَرُواْ بِـَٔايَٰتِ ٱللَّهِ لَهُمۡ عَذَابٞ شَدِيدٞۗ وَٱللَّهُ عَزِيزٞ ذُو ٱنتِقَامٍ ﴿٤﴾
بەری قورئانێ ئه‌و ئينابوونه خوارێ دا ئه‌و به‌رێ ته‌قواداران پێ بده‌ته باوه‌رییێ وتشتێ مفايێ دين ودنيايا وان تێدا هه‌ى، ووى ئه‌و تشت ئيناخوارێ يێ حه‌قییێ ژ نه‌حه‌قییێ جودا دكه‌ت. هندى ئه‌ون يێن باوه‌رى ب وان ئايه‌تێن خودێ يێن هاتينه خوارێ نه‌ئيناى، عه‌زابه‌كا مه‌زن بۆ وان هه‌يه. وخودێ يێ زاله كه‌س نه‌شێتێ، وئه‌و تۆلێ ژ وى دستينت يێ باوه‌رییێ ب نيشانێن وى نه‌ئينت.
إِنَّ ٱللَّهَ لَا يَخۡفَىٰ عَلَيۡهِ شَيۡءٞ فِي ٱلۡأَرۡضِ وَلَا فِي ٱلسَّمَآءِ ﴿٥﴾
هندى خودێیه زانينا وى دۆر ل هه‌مى چێكرییان گرتییه، چو تشت نه ل عه‌ردى ونه ل عه‌سمانى ل به‌ر وى به‌رزه نابت، يێ هوير بت يان يێ گر بت.
هُوَ ٱلَّذِي يُصَوِّرُكُمۡ فِي ٱلۡأَرۡحَامِ كَيۡفَ يَشَآءُۚ لَآ إِلَٰهَ إِلَّا هُوَ ٱلۡعَزِيزُ ٱلۡحَكِيمُ ﴿٦﴾
ئه‌و ب تنێیه يێ هه‌وه د مالبچويكان دا دئافرينت، وه‌كى وى دڤێت، نێر يان مێ، جوان يان كرێت، كه‌يفخۆش يان خه‌مگين، ژ وى پێڤه‌تر چو خودايێن ب حه‌ق نينن په‌رستن بۆ بێته‌كرن، ئه‌وه زالێ كه‌س نه‌شێتێ، يێ كاربنه‌جهه د هه‌مى كار وكريارێن خۆ دا.