قورئانا پیرۆز › سورەتا آل عمران › ئایەتا ٦٠
سورەتا آل عمران · ئایەتا ٦٠ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ذَٰلِكَ نَتۡلُوهُ عَلَيۡكَ مِنَ ٱلۡأٓيَٰتِ وَٱلذِّكۡرِ ٱلۡحَكِيمِ ﴿٥٨﴾
ئه‌ڤا هه يا ئه‌م بۆ ته دبێژين ژ مه‌سه‌لا عیسایى، ژ ئايه‌تێن ئاشكه‌رايه ل سه‌ر ڕاستییا پێغه‌مبه‌رينییا ته، و ل سه‌ر ڕاستییا قورئانێ ئه‌وا حه‌قییێ ونه‌حه‌قییێ ژێك جودا دكه‌ت.
إِنَّ مَثَلَ عِيسَىٰ عِندَ ٱللَّهِ كَمَثَلِ ءَادَمَۖ خَلَقَهُۥ مِن تُرَابٖ ثُمَّ قَالَ لَهُۥ كُن فَيَكُونُ ﴿٥٩﴾
هندى ئافراندنا عيسايه بێ باب ل نك خودێ وه‌كى مه‌ته‌لا ئافراندنا ئاده‌مییه بێ باب وداى؛ چونكى وى ئه‌و ژ ئاخا عه‌ردى ئافراند، پاشى گۆتێ: (ببه مرۆڤ) ئينا ئه‌و بوويێ. ڤێجا گۆتنا كو عيسا خودێیه چونكى وى باب نينه گۆتنه‌كا ژ قه‌ستايه؛ چونكى ئاده‌م ژى يێ بێ باب ودايه، وهه‌مى يێ ل وێ باوه‌رێ كو ئه‌و به‌نییه‌كه ژ به‌نییێن خودێ.
ٱلۡحَقُّ مِن رَّبِّكَ فَلَا تَكُن مِّنَ ٱلۡمُمۡتَرِينَ ﴿٦٠﴾
حه‌قى يا چو گومان تێدا نه‌هه‌ى د مه‌سه‌لا عیسایى دا ئه‌وه یا ژ خودايێ ته بۆ ته هاتى ئه‌ى پێغه‌مبه‌ر، ڤێجا تو ل سه‌ر باوه‌رییا خۆ یێ به‌رده‌وام به، و ژ وان نه‌به یێن دودل. وئه‌ڤه موكمكرن وپشتڕاستكرنه‌كه بۆ پێغه‌مبه‌رى سلاڤ لێ بن.
فَمَنۡ حَآجَّكَ فِيهِ مِنۢ بَعۡدِ مَا جَآءَكَ مِنَ ٱلۡعِلۡمِ فَقُلۡ تَعَالَوۡاْ نَدۡعُ أَبۡنَآءَنَا وَأَبۡنَآءَكُمۡ وَنِسَآءَنَا وَنِسَآءَكُمۡ وَأَنفُسَنَا وَأَنفُسَكُمۡ ثُمَّ نَبۡتَهِلۡ فَنَجۡعَل لَّعۡنَتَ ٱللَّهِ عَلَى ٱلۡكَٰذِبِينَ ﴿٦١﴾
پشتى ئه‌ڤ زانينه د ده‌رحه‌قا عيسايێ كوڕێ مه‌ريه‌مێ دا بۆ ته -ئه‌ى پێغه‌مبه‌ر- هاتى، هه‌چییێ هه‌ڤڕكییێ د گه‌ل ته بكه‌ت، تو بێژه وان: وه‌رن دا ئه‌م كوڕێن خۆ وكوڕێن هه‌وه، وژنێن خۆ وژنێن هه‌وه، وخۆ ب خۆ و هه‌وه ب خۆ ئاماده بكه‌ين، پاشى دا هه‌واركه‌ينه خودێ كو ئه‌و عه‌زاب وله‌عنه‌تا خۆ بدانته سه‌ر دره‌وينان، يێن به‌رده‌وامییێ ل سه‌ر هه‌ڤڕكییا خۆ دكه‌ن.
إِنَّ هَٰذَا لَهُوَ ٱلۡقَصَصُ ٱلۡحَقُّۚ وَمَا مِنۡ إِلَٰهٍ إِلَّا ٱللَّهُۚ وَإِنَّ ٱللَّهَ لَهُوَ ٱلۡعَزِيزُ ٱلۡحَكِيمُ ﴿٦٢﴾
هندى ئه‌ڤه‌يه يا من بۆ ته گۆتى ژ به‌حسێ عيسایى -ئه‌ى پێغه‌مبه‌ر- ئه‌وه به‌حسێ ڕاست ودورست يێ چو گومان تێدا نه‌هه‌ى، و ژ خودێ پێڤه‌تر چو خودايێن هێژاى په‌رستنێ نينن، وهندى خودێیه ئه‌وه يێ زال د ملكێ خۆ دا، ويێ كاربنه‌جهه د كار وڕێڤه‌برنا خۆ دا.