قورئانا پیرۆز › سورەتا آل عمران › ئایەتا ٨٦
سورەتا آل عمران · ئایەتا ٨٦ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ ءَامَنَّا بِٱللَّهِ وَمَآ أُنزِلَ عَلَيۡنَا وَمَآ أُنزِلَ عَلَىٰٓ إِبۡرَٰهِيمَ وَإِسۡمَٰعِيلَ وَإِسۡحَٰقَ وَيَعۡقُوبَ وَٱلۡأَسۡبَاطِ وَمَآ أُوتِيَ مُوسَىٰ وَعِيسَىٰ وَٱلنَّبِيُّونَ مِن رَّبِّهِمۡ لَا نُفَرِّقُ بَيۡنَ أَحَدٖ مِّنۡهُمۡ وَنَحۡنُ لَهُۥ مُسۡلِمُونَ ﴿٨٤﴾
تو -ئه‌ى پێغه‌مبه‌ر- بێژه وان: مه باوه‌رى ب خودێ ئينايه وگوهدارییا وى كرییه، ڤێجا ژ وى پێڤه‌تر مه چو خودا نينن، و ژ بلى وى ئه‌م په‌رستنا كه‌سێ دى ناكه‌ين، ومه باوه‌رى ب وێ وه‌حییێ ئينايه يا خودێ ل سه‌ر مه ئينايه خوارێ، و ب وێ يا ل سه‌ر خۆشتڤییێ خودێ ئيبراهيمى، وهه‌ر دو كوڕێن وى ئيسماعيلى وئيسحاقى، ونه‌ڤییێ وى يه‌عقووبێ كوڕێ ئيسحاقى، هاتییه خوارێ، و ب وێ يا ل سه‌ر ئه‌سباتان هاتییه خوارێ -وئه‌و ئه‌و پێغه‌مبه‌ر بوون يێن د ناڤ هه‌ر دووازده ئويجاخێن ئسرائيلییان دا ژ عه‌يالێ يه‌عقووبى هاتينه هنارتن- و ب وێ يا بۆ مووسا وعيسایى ژ ته‌وراتێ وئنجيلێ هاتییه خوارێ، و ب وێ يا خودێ بۆ پێغه‌مبه‌رێن خۆ ئينايه خوارێ، ئه‌م باوه‌رییێ ب وێ هه‌مییێ دئينين، وچو جوداهییێ نائێخينه د ناڤبه‌را ئێك ژ وان دا، وئه‌م د فه‌رمانا وى ب تنێ داينه، گوهدارییا وى دكه‌ين، وشاهده‌يیێ ب خوداينییێ وپه‌رستنێ بۆ وى دده‌ين.
وَمَن يَبۡتَغِ غَيۡرَ ٱلۡإِسۡلَٰمِ دِينٗا فَلَن يُقۡبَلَ مِنۡهُ وَهُوَ فِي ٱلۡأٓخِرَةِ مِنَ ٱلۡخَٰسِرِينَ ﴿٨٥﴾
وهه‌چییێ دينه‌كى ژ بلى ئيسلامێ داخواز بكه‌ت، وئيسلام ئه‌وه مرۆڤ ب ته‌وحيدێ وگوهدارییێ خۆ ته‌سليمى خودێ بكه‌ت، وباوه‌رییێ ب پێغه‌مبه‌رێ دويماهییێ موحه‌ممه‌دى سلاڤ لێ بن بينت، ودويچوونا وى بكه‌ت، وڤه‌شارتى وئاشكه‌را ئه‌و بڤێت، هه‌چییێ دينه‌كى دێ داخواز بكه‌ت ئه‌و دين ژ وى نائێته قه‌بويلكرن، وئه‌و ل ئاخره‌تێ ژ زيانكارانه ئه‌وێن پشك وبارێن خۆ ژ ده‌ست داين.
كَيۡفَ يَهۡدِي ٱللَّهُ قَوۡمٗا كَفَرُواْ بَعۡدَ إِيمَٰنِهِمۡ وَشَهِدُوٓاْ أَنَّ ٱلرَّسُولَ حَقّٞ وَجَآءَهُمُ ٱلۡبَيِّنَٰتُۚ وَٱللَّهُ لَا يَهۡدِي ٱلۡقَوۡمَ ٱلظَّـٰلِمِينَ ﴿٨٦﴾
چاوا خودێ به‌رێ ملله‌ته‌كێ كافرى كرى دێ ده‌ته باوه‌رییێ پشتى وان باوه‌رى ئيناى، وشاهده‌يى داى كو موحه‌ممه‌د سلاڤ لێ بن يێ حه‌قه وتشتێ ئه‌و پێ هاتى ڕاستییه، ونيشان وئايه‌ت ل سه‌ر وێ چه‌ندێ ژ نك خودێ بۆ وان هاتين؟ وخودێ به‌رێ ملله‌تێ زۆردار ناده‌ته ڕاستییێ ودورستییێ، ئه‌وێن به‌رێ خۆ ژ حه‌قییێ وه‌رگێڕاى وكوفر بۆ خۆ هلبژارتى.
أُوْلَـٰٓئِكَ جَزَآؤُهُمۡ أَنَّ عَلَيۡهِمۡ لَعۡنَةَ ٱللَّهِ وَٱلۡمَلَـٰٓئِكَةِ وَٱلنَّاسِ أَجۡمَعِينَ ﴿٨٧﴾
ئه‌و زۆردارێن هه جزايێ وان ئه‌وه له‌عنه‌تا خودێ ويا ملیاكه‌تان ومرۆڤان هه‌مییان ل سه‌ر وانه، ڤێجا ئه‌و ژ دلۆڤانییا خودێ دده‌ركرينه.
خَٰلِدِينَ فِيهَا لَا يُخَفَّفُ عَنۡهُمُ ٱلۡعَذَابُ وَلَا هُمۡ يُنظَرُونَ ﴿٨٨﴾
ئه‌و هه‌ر وهه‌ر دێ د ئاگرى دا بن، عه‌زاب ژ سه‌ر وان نائێته ڕاكرن دا ئه‌و پيچه‌كێ بێهنا خۆ بده‌ن، و ژ وان نائێته پاشڤه‌هێلان ژ به‌ر هێجه‌ته‌كا ئه‌و بۆ خۆ بگرن.