قورئانا پیرۆز › سورەتا آل عمران › ئایەتا ٩٢
سورەتا آل عمران · ئایەتا ٩٢ ب تەفسیرا کوردی
Ali Imran
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّ ٱلَّذِينَ كَفَرُواْ بَعۡدَ إِيمَٰنِهِمۡ ثُمَّ ٱزۡدَادُواْ كُفۡرٗا لَّن تُقۡبَلَ تَوۡبَتُهُمۡ وَأُوْلَـٰٓئِكَ هُمُ ٱلضَّآلُّونَ ﴿٩٠﴾
هندى ئه‌ون يێن پشتى باوه‌رییا خۆ كافربووين وحه‌تا مرين به‌رده‌وام ل سه‌ر كوفرێ ماين، تۆبا وان ل به‌ر مرنێ نائێته قه‌بويلكرن، وئه‌و ئه‌ون يێن ڕێ ل به‌ر خۆ به‌رزه‌كرى.
إِنَّ ٱلَّذِينَ كَفَرُواْ وَمَاتُواْ وَهُمۡ كُفَّارٞ فَلَن يُقۡبَلَ مِنۡ أَحَدِهِم مِّلۡءُ ٱلۡأَرۡضِ ذَهَبٗا وَلَوِ ٱفۡتَدَىٰ بِهِۦٓۗ أُوْلَـٰٓئِكَ لَهُمۡ عَذَابٌ أَلِيمٞ وَمَا لَهُم مِّن نَّـٰصِرِينَ ﴿٩١﴾
هندى ئه‌ون يێن كافرى ب پێغه‌مبه‌رينییا موحه‌ممه‌دى سلاڤ لێ بن كرى، و ل سه‌ر كوفرا ب خودێ وپێغه‌مبه‌رێ وى مرين، ڕۆژا قيامه‌تێ تژى عه‌ردى زێڕ ژ ئێك ژ وان نائێته وه‌رگرتن؛ دا ئه‌و خۆ پێ ژ عه‌زابا خودێ بكڕت، ئه‌گه‌ر خۆ ئه‌و وه بكه‌ت ژى. ئه‌وان عه‌زابه‌كا ب ئێش بۆ هه‌يه، وكه‌سه‌ك نينه وان ژ عه‌زابا خودێ ڕزگار بكه‌ت.
لَن تَنَالُواْ ٱلۡبِرَّ حَتَّىٰ تُنفِقُواْ مِمَّا تُحِبُّونَۚ وَمَا تُنفِقُواْ مِن شَيۡءٖ فَإِنَّ ٱللَّهَ بِهِۦ عَلِيمٞ ﴿٩٢﴾
حه‌تا هوين خێرێ ژ وى تشتى نه‌ده‌ن يێ هه‌وه بڤێت، هوين ناگه‌هنه به‌حه‌شتێ، وهه‌ر تشته‌كێ هوين ب خێر بده‌ن يێ كێم بت يان گه‌له‌ك بت خودێ پێ دزانت، وئه‌و جزايێ هه‌ر خێركه‌ره‌كى ل دويڤ كارێ وى كرى دێ ده‌تێ.
۞كُلُّ ٱلطَّعَامِ كَانَ حِلّٗا لِّبَنِيٓ إِسۡرَـٰٓءِيلَ إِلَّا مَا حَرَّمَ إِسۡرَـٰٓءِيلُ عَلَىٰ نَفۡسِهِۦ مِن قَبۡلِ أَن تُنَزَّلَ ٱلتَّوۡرَىٰةُۚ قُلۡ فَأۡتُواْ بِٱلتَّوۡرَىٰةِ فَٱتۡلُوهَآ إِن كُنتُمۡ صَٰدِقِينَ ﴿٩٣﴾
هه‌مى خوارنێن پاقژ بۆ عه‌يالێن يه‌عقووبى دحه‌لال بوون، ئه‌و تێ نه‌بت يا يه‌عقووبى ژ به‌ر نساخییه‌كێ ل سه‌ر خۆ حه‌رام كرى، ئه‌ڤه به‌رى ته‌ورات بێته خوارێ. وپشتى ته‌ورات هاتییه خوارێ و ژ به‌ر زێده‌گاڤییا ئسرائیلییان خودێ هنده‌ك خوارن ل سه‌ر وان حه‌رامكرن، تو -ئه‌ى پێغه‌مبه‌ر- بێژه وان: كانێ ته‌وراتێ بينن، وتشتێ تێدا هاتى بخوينن ئه‌گه‌ر هوين ڕاست دبێژن كو خودێ د ته‌وراتێ دا ئه‌و تشتێ هاتییه حه‌رامكرن يێ يه‌عقووبى ل سه‌ر خۆ حه‌رامكرى، دا هوین بزانن كو ئه‌و تشتێ قورئان دبێژت حه‌قییه.
فَمَنِ ٱفۡتَرَىٰ عَلَى ٱللَّهِ ٱلۡكَذِبَ مِنۢ بَعۡدِ ذَٰلِكَ فَأُوْلَـٰٓئِكَ هُمُ ٱلظَّـٰلِمُونَ ﴿٩٤﴾
ڤێجا پشتى خواندنا ته‌وراتێ هه‌چییێ دره‌وێ ل سه‌ر ناڤێ خودێ بكه‌ت، ئه‌و ئه‌ون يێن زۆردار يێن نه‌حه‌قییێ ل سه‌ر ناڤێ خودێ دبێژن.