قورئانا پیرۆز › سورەتا النحل › ئایەتا ١٠٣
سورەتا النحل · ئایەتا ١٠٣ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذَا بَدَّلۡنَآ ءَايَةٗ مَّكَانَ ءَايَةٖ وَٱللَّهُ أَعۡلَمُ بِمَا يُنَزِّلُ قَالُوٓاْ إِنَّمَآ أَنتَ مُفۡتَرِۭۚ بَلۡ أَكۡثَرُهُمۡ لَا يَعۡلَمُونَ ﴿١٠١﴾
وئه‌گه‌ر مه ئايه‌ته‌ك ب ئايه‌ته‌كا دى گوهاڕت، وخودايێ ئافرانده‌ر ب وان ئه‌حكامێن پتر د مه‌صلحه‌تا چێكرییێن وى دا زاناتره، كافر دێ بێژن: هندى تويى -ئه‌ى پێغه‌مبه‌ر- تو مرۆڤه‌كێ دره‌وينى، تو گۆتنان ژ نك خۆ چێ دكه‌ى و ب خودێ ڕادده‌ى. وموحه‌ممه‌د -سلاڤ لێ بن- يێ وه‌سا نينه وه‌كى ئه‌و دبێژن. به‌لكى پترییا وان چو ژ خودايێ خۆ وشريعه‌تێ وى نزانن.
قُلۡ نَزَّلَهُۥ رُوحُ ٱلۡقُدُسِ مِن رَّبِّكَ بِٱلۡحَقِّ لِيُثَبِّتَ ٱلَّذِينَ ءَامَنُواْ وَهُدٗى وَبُشۡرَىٰ لِلۡمُسۡلِمِينَ ﴿١٠٢﴾
تو -ئه‌ى پێغه‌مبه‌ر- بێژه وان: من قورئان ژ نك خۆ چێ نه‌كرییه، به‌لێ جبريلی ئه‌و ژ نك خودايێ ته ب ڕاستى ودادییێ ئينايه خوارێ، موكومكرن بۆ خودان باوه‌ران، وڕێنيشادان ژ به‌رزه‌بوونێ، ومزگينییه‌كا خۆش بۆ وان يێن خۆ ب ده‌ست خودێ خودايێ هه‌مى چێكرییان ڤه به‌رداين.
وَلَقَدۡ نَعۡلَمُ أَنَّهُمۡ يَقُولُونَ إِنَّمَا يُعَلِّمُهُۥ بَشَرٞۗ لِّسَانُ ٱلَّذِي يُلۡحِدُونَ إِلَيۡهِ أَعۡجَمِيّٞ وَهَٰذَا لِسَانٌ عَرَبِيّٞ مُّبِينٌ ﴿١٠٣﴾
و ب ڕاستى ئه‌م دزانين كو بوتپه‌رێس دبێژن: هندى پێغه‌مبه‌ره قورئانێ ژ مرۆڤه‌كێ ژ دوونده‌ها ئاده‌مى وه‌ردگرت. ئه‌و دره‌وان دكه‌ن؛ چونكى زمانێ وى مرۆڤى يێ ئه‌و قورئانێ بۆ وى پال دده‌ن عه‌جه‌مییه ونه يێ ره‌هوانه، وقورئان ب عه‌ره‌بییه‌كا زێده ره‌هوان وئاشكه‌رايه.
إِنَّ ٱلَّذِينَ لَا يُؤۡمِنُونَ بِـَٔايَٰتِ ٱللَّهِ لَا يَهۡدِيهِمُ ٱللَّهُ وَلَهُمۡ عَذَابٌ أَلِيمٌ ﴿١٠٤﴾
هندى ئه‌و كافرن يێن باوه‌رییێ ب قورئانێ نائينن خودێ به‌رێ وان ناده‌ته حه‌قییێ، و ل ئاخره‌تێ عه‌زابه‌كا نه‌خۆش و ب ئێش بۆ وان هه‌يه.
إِنَّمَا يَفۡتَرِي ٱلۡكَذِبَ ٱلَّذِينَ لَا يُؤۡمِنُونَ بِـَٔايَٰتِ ٱللَّهِۖ وَأُوْلَـٰٓئِكَ هُمُ ٱلۡكَٰذِبُونَ ﴿١٠٥﴾
هه‌ما ئه‌و دره‌وێ ژ نك خۆ چێ دكه‌ن يێن باوه‌رییێ ب خودێ وئايه‌تێن وى نه‌ئينن، وئه‌ون يێن د گۆتنێن خۆ دا ددره‌وين. به‌لێ موحه‌ممه‌د سلاڤ لێ بن ئه‌وێ باوه‌رى ب خودايێ خۆ هه‌ى وگوهدارییا وى دكه‌ت يا ژێ دويره ئه‌و دره‌وێ ژ كيسێ خودێ بكه‌ت، وئاخفتنان ژ نك خۆ ب ناڤێ وى بێژت.