قورئانا پیرۆز › سورەتا النحل › ئایەتا ١٠٦
سورەتا النحل · ئایەتا ١٠٦ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّ ٱلَّذِينَ لَا يُؤۡمِنُونَ بِـَٔايَٰتِ ٱللَّهِ لَا يَهۡدِيهِمُ ٱللَّهُ وَلَهُمۡ عَذَابٌ أَلِيمٌ ﴿١٠٤﴾
هندى ئه‌و كافرن يێن باوه‌رییێ ب قورئانێ نائينن خودێ به‌رێ وان ناده‌ته حه‌قییێ، و ل ئاخره‌تێ عه‌زابه‌كا نه‌خۆش و ب ئێش بۆ وان هه‌يه.
إِنَّمَا يَفۡتَرِي ٱلۡكَذِبَ ٱلَّذِينَ لَا يُؤۡمِنُونَ بِـَٔايَٰتِ ٱللَّهِۖ وَأُوْلَـٰٓئِكَ هُمُ ٱلۡكَٰذِبُونَ ﴿١٠٥﴾
هه‌ما ئه‌و دره‌وێ ژ نك خۆ چێ دكه‌ن يێن باوه‌رییێ ب خودێ وئايه‌تێن وى نه‌ئينن، وئه‌ون يێن د گۆتنێن خۆ دا ددره‌وين. به‌لێ موحه‌ممه‌د سلاڤ لێ بن ئه‌وێ باوه‌رى ب خودايێ خۆ هه‌ى وگوهدارییا وى دكه‌ت يا ژێ دويره ئه‌و دره‌وێ ژ كيسێ خودێ بكه‌ت، وئاخفتنان ژ نك خۆ ب ناڤێ وى بێژت.
مَن كَفَرَ بِٱللَّهِ مِنۢ بَعۡدِ إِيمَٰنِهِۦٓ إِلَّا مَنۡ أُكۡرِهَ وَقَلۡبُهُۥ مُطۡمَئِنُّۢ بِٱلۡإِيمَٰنِ وَلَٰكِن مَّن شَرَحَ بِٱلۡكُفۡرِ صَدۡرٗا فَعَلَيۡهِمۡ غَضَبٞ مِّنَ ٱللَّهِ وَلَهُمۡ عَذَابٌ عَظِيمٞ ﴿١٠٦﴾
هه‌ما ئه‌و دره‌وێ دكه‌ن يێن كوفر كرى و ژ باوه‌رییا خۆ لێڤه‌بووين، ئه‌وان غه‌زه‌با خودێ ل سه‌ر وانه، ئه‌و تێ نه‌بت يێ كوته‌كى لێ هاتییه‌كرن كو ب ئه‌زمانێ خۆ كوفرێ بێژت، ڤێجا ژ ترسا مرنێ دا ئه‌و كوفرێ بێژت ودلێ وى ل سه‌ر باوه‌رییێ يێ موكم بت، ئه‌وى چو لۆمه ل سه‌ر نينه، به‌لێ هه‌چییێ كوفرێ ب ئه‌زمانێ خۆ بێژت ودلێ وى يێ پێ خۆش بت، ئه‌وان غه‌زه‌به‌كا دژوار ژ خودێ ل سه‌ر وان هه‌یه، وعه‌زابه‌كا مه‌زن بۆ وان هه‌يه.
ذَٰلِكَ بِأَنَّهُمُ ٱسۡتَحَبُّواْ ٱلۡحَيَوٰةَ ٱلدُّنۡيَا عَلَى ٱلۡأٓخِرَةِ وَأَنَّ ٱللَّهَ لَا يَهۡدِي ٱلۡقَوۡمَ ٱلۡكَٰفِرِينَ ﴿١٠٧﴾
ئەڤە ژ به‌ر كو وان دنيا وخۆشییا وێ هلبژارتییه، ودنيا ب سه‌ر ئاخره‌تێ وخێرا وێ ئێخستییه، وهندى خودێیه كافران ب هيدايه‌ت نائينت، وبه‌رێ وان ناده‌ته ڕێكا ڕاست ودورست.
أُوْلَـٰٓئِكَ ٱلَّذِينَ طَبَعَ ٱللَّهُ عَلَىٰ قُلُوبِهِمۡ وَسَمۡعِهِمۡ وَأَبۡصَٰرِهِمۡۖ وَأُوْلَـٰٓئِكَ هُمُ ٱلۡغَٰفِلُونَ ﴿١٠٨﴾
ئه‌و ئه‌ون يێن خودێ خه‌تم ب كوفرێ ل سه‌ر دلێن وان داى ڤێجا وان دنيا ب سه‌ر ئاخره‌تێ ئێخست، له‌و ڕۆناهییا هيدايه‌تێ ناچته د دلێن وان دا، وگوهێن وان ژ ئايه‌تێن خۆ كه‌ڕكرن ڤێجا وان ب دورستى گوهـ لێ نابت، وچاڤێن وان كۆره كرن، ڤێجا ئه‌و ده‌ليلێن خوداينییا خودێ نابينن، وئه‌ڤه‌نه يێن بێ ئاگه‌هـ ژ وێ عه‌زابێ يا خودێ بۆ وان ئاماده‌كرى.