قورئانا پیرۆز › سورەتا النحل › ئایەتا ١٢
سورەتا النحل · ئایەتا ١٢ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
هُوَ ٱلَّذِيٓ أَنزَلَ مِنَ ٱلسَّمَآءِ مَآءٗۖ لَّكُم مِّنۡهُ شَرَابٞ وَمِنۡهُ شَجَرٞ فِيهِ تُسِيمُونَ ﴿١٠﴾
ئه‌وه يێ باران بۆ هه‌وه ژ عه‌ورى باراندى، ڤێجا ئاڤه‌كا هوين ژێ ڤه‌خون وى بۆ هه‌وه كرییه تێدا، وئه‌و داروبارێ حه‌يوانه‌تێ هه‌وه ژێ دچه‌رت وى بۆ هه‌وه پێ شينكر، ڤێجا حه‌يوانه‌تێ هه‌وه ب خوارنا وى مفاى دگه‌هينته هه‌وه.
يُنۢبِتُ لَكُم بِهِ ٱلزَّرۡعَ وَٱلزَّيۡتُونَ وَٱلنَّخِيلَ وَٱلۡأَعۡنَٰبَ وَمِن كُلِّ ٱلثَّمَرَٰتِۚ إِنَّ فِي ذَٰلِكَ لَأٓيَةٗ لِّقَوۡمٖ يَتَفَكَّرُونَ ﴿١١﴾
ئه‌و ب ڤێ ئاڤێ شينكاتییێ جودا جودا بۆ هه‌وه ژ عه‌ردى دئينته ده‌ر، وئه‌و زه‌يتوون وخورمه وترى پێ شين دكه‌ت، وئه‌و هه‌مى ڕه‌نگێن فێقى وبه‌رهه‌مى پێ شين دكه‌ت. هندى د ڤێ شينكرنێ دايه نيشانه‌كا ئاشكه‌را بۆ وى ملله‌تێ هزرا خۆ تێدا بكه‌ت هه‌يه.
وَسَخَّرَ لَكُمُ ٱلَّيۡلَ وَٱلنَّهَارَ وَٱلشَّمۡسَ وَٱلۡقَمَرَۖ وَٱلنُّجُومُ مُسَخَّرَٰتُۢ بِأَمۡرِهِۦٓۚ إِنَّ فِي ذَٰلِكَ لَأٓيَٰتٖ لِّقَوۡمٖ يَعۡقِلُونَ ﴿١٢﴾
ووى شه‌ڤ بۆ رحه‌تییا هه‌وه دايه، وڕۆژ بۆ ژيارا هه‌وه، ووى ڕۆژ بۆ هه‌وه دا گه‌شاتى، وهه‌يڤ ڕۆناهى؛ ودا هوين سال وحسێبێ پێ بزانن، و ب فه‌رمانا خودێ ستێر ل عه‌سمانى بۆ هه‌وه بنده‌ست بووينه دا هوين ده‌مى پێ بزانن، ووه‌ختێ گه‌هشتنا فێقى وبه‌رهه‌مى بزانن، ودا هوین ل تارییێ پێ ب ڕێكان بكه‌ڤن. هندى د وێ چه‌ندێ دايه نيشانێن ئاشكه‌را بۆ وى ملله‌تى هه‌نه يێ د هێجه‌ت وده‌ليلێن خودێ بگه‌هت.
وَمَا ذَرَأَ لَكُمۡ فِي ٱلۡأَرۡضِ مُخۡتَلِفًا أَلۡوَٰنُهُۥٓۚ إِنَّ فِي ذَٰلِكَ لَأٓيَةٗ لِّقَوۡمٖ يَذَّكَّرُونَ ﴿١٣﴾
وهه‌ر تشته‌كێ وى ل عه‌ردى بۆ هه‌وه ئافراندى ژ ده‌وار وفێقى وتشتێن دى وى بنده‌ستى هه‌وه كرییه. هندى د وێ ئافراندن وجودابوونا ڕه‌نگ ومفايێ وان تشتان دايه نيشان وعيبره‌ت بۆ وى ملله‌تى هه‌يه يێ بيرا خۆ لێ دئينته‌ڤه، ودزانت كو نيشان ل سه‌ر ته‌وحيدا خودێ د ڤێ چه‌ندێ دا هه‌نه.
وَهُوَ ٱلَّذِي سَخَّرَ ٱلۡبَحۡرَ لِتَأۡكُلُواْ مِنۡهُ لَحۡمٗا طَرِيّٗا وَتَسۡتَخۡرِجُواْ مِنۡهُ حِلۡيَةٗ تَلۡبَسُونَهَاۖ وَتَرَى ٱلۡفُلۡكَ مَوَاخِرَ فِيهِ وَلِتَبۡتَغُواْ مِن فَضۡلِهِۦ وَلَعَلَّكُمۡ تَشۡكُرُونَ ﴿١٤﴾
وئه‌وه يێ ده‌ريا بۆ هه‌وه بنده‌ست كرى؛ دا هوين ژ گۆشتێ وان ماسییێن ته‌ر بخۆن يێن هوين تێدا دگرن، ودا هوين وى چه‌كێ هوين ل به‌ر خۆ دكه‌ن وه‌كى لوءلوء ومه‌رجانان ژێ ده‌ربێخن، وتو گه‌مییێن مه‌زن تێدا دبينى ئه‌و ئاڤێ دبڕن ودئێن ودچن، وهوين لێ سويار دبن؛ دا ب ڕێكا بازرگانییێ هوين ژ ڕزقێ خودێ بخوازن، ودا به‌لكى هوين سوپاسییا خودێ بكه‌ن سه‌را مه‌زنه قه‌نجییا وى، ڤێجا په‌رستنا كه‌سێ دى ژبلی وى نه‌كه‌ن.