قورئانا پیرۆز › سورەتا النحل › ئایەتا ٢٠
سورەتا النحل · ئایەتا ٢٠ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِن تَعُدُّواْ نِعۡمَةَ ٱللَّهِ لَا تُحۡصُوهَآۗ إِنَّ ٱللَّهَ لَغَفُورٞ رَّحِيمٞ ﴿١٨﴾
وئه‌گه‌ر هوين لێ بگه‌ڕيێن دا قه‌نجییێن خودێ ل سه‌ر خۆ بهژمێرن هوين نه‌شێن وان بهژمێرن؛ هندى هند ئه‌و گه‌له‌كن. هندى خودێیه باش گونه‌هـ ژێبره بۆ هه‌وه وئه‌و ب هه‌وه يێ دلۆڤانكاره؛ چونكى ئه‌و ل ته‌خسيرییا هه‌وه د شوكرا وى دا ل هه‌وه ناگرت، و ژ به‌ر كێماسییا هه‌وه د ڤێ چه‌ندێ دا ئه‌و وان قه‌نجییان ژ هه‌وه نابڕت، وله‌زێ د جزادانا هه‌وه دا ناكه‌ت.
وَٱللَّهُ يَعۡلَمُ مَا تُسِرُّونَ وَمَا تُعۡلِنُونَ ﴿١٩﴾
وخودێ ب هه‌مى كريارێن هه‌وه يێ زانايه، چ ئه‌و تشت بت يێ هوين د دلێ خۆ دا ڤه‌دشێرن، يان هوين بۆ خه‌لكى ئاشكه‌را دكه‌ن، وئه‌و دێ سه‌را وان هه‌وه جزا ده‌ت.
وَٱلَّذِينَ يَدۡعُونَ مِن دُونِ ٱللَّهِ لَا يَخۡلُقُونَ شَيۡـٔٗا وَهُمۡ يُخۡلَقُونَ ﴿٢٠﴾
وئه‌و خوداوه‌ندێن بوتپه‌رێس په‌رستنێ بۆ دكه‌ن خۆ تشته‌كێ بچويك ژى نائافرينن، وئه‌و ب خۆ كافران ب ده‌ستێن خۆ ئه‌و يێن ئافراندين، ڤێجا چاوا ئه‌و وان دپه‌رێسن؟
أَمۡوَٰتٌ غَيۡرُ أَحۡيَآءٖۖ وَمَا يَشۡعُرُونَ أَيَّانَ يُبۡعَثُونَ ﴿٢١﴾
ئه‌و هه‌مى د بێ ڕحن، دمرينه، وهه‌ست ب وى ده‌مى ناكه‌ن يێ خودێ په‌رستڤانێن وان تێدا ژ مرنێ ڕادكه‌ته‌ڤه، وئه‌و د گه‌ل وانه، دا ئه‌و هه‌مى پێكڤه ل ڕۆژا قيامه‌تێ بێنه هاڤێتن د ئاگرى دا.
إِلَٰهُكُمۡ إِلَٰهٞ وَٰحِدٞۚ فَٱلَّذِينَ لَا يُؤۡمِنُونَ بِٱلۡأٓخِرَةِ قُلُوبُهُم مُّنكِرَةٞ وَهُم مُّسۡتَكۡبِرُونَ ﴿٢٢﴾
خودايێ هه‌وه يێ كو ئه‌و ب تنێ هێژاى په‌رستنێ خودایه‌كێ ب تنێیه، وئه‌وێن باوه‌رییێ ب ڕابوونا پشتى مرنێ نائينن دلێن وان دبێ باوه‌رن؛ چونكى ئه‌و ژ عه‌زابا وى ناترسن، وئه‌و خۆ ژ قه‌بويلكرنا حه‌قییێ وپه‌رستنا خودێ ب تنێ مه‌زنتر دبينن.