قورئانا پیرۆز › سورەتا النحل › ئایەتا ٣٣
سورەتا النحل · ئایەتا ٣٣ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
جَنَّـٰتُ عَدۡنٖ يَدۡخُلُونَهَا تَجۡرِي مِن تَحۡتِهَا ٱلۡأَنۡهَٰرُۖ لَهُمۡ فِيهَا مَا يَشَآءُونَۚ كَذَٰلِكَ يَجۡزِي ٱللَّهُ ٱلۡمُتَّقِينَ ﴿٣١﴾
به‌حه‌شتێن ئه‌و لێ دمينن بۆ وان هه‌نه، ئه‌و دێ لێ ئاكنجى بن، چو جاران ژێ ده‌رناكه‌ڤن، ڕويبار د بن داروبار وقه‌سرێن وان دا دچن، هه‌ر تشته‌كێ دلێ وان دچتێ بۆ وان تێدا هه‌يه، و ب جزایه‌كێ باش خودێ وان ته‌قواداران جزا دده‌ت.
ٱلَّذِينَ تَتَوَفَّىٰهُمُ ٱلۡمَلَـٰٓئِكَةُ طَيِّبِينَ يَقُولُونَ سَلَٰمٌ عَلَيۡكُمُ ٱدۡخُلُواْ ٱلۡجَنَّةَ بِمَا كُنتُمۡ تَعۡمَلُونَ ﴿٣٢﴾
ئه‌وێن ملیاكه‌ت ڕحێن وان دستينن، ودلێن وان ژ كوفرێ دپاقژ، ملیاكه‌ت دبێژنه وان: سلاڤ ل هه‌وه بت، سلاڤه‌كا تايبه‌ت بۆ هه‌وه وسلامه‌تى ژ هه‌ر نه‌خۆشییه‌كێ، ژ به‌ر كارێ هه‌وه دكر كو باوه‌رییا ب خودێ وپێگيرییا ب فه‌رمانا وى بوو، هوين هه‌ڕنه د به‌حه‌شتێ دا.
هَلۡ يَنظُرُونَ إِلَّآ أَن تَأۡتِيَهُمُ ٱلۡمَلَـٰٓئِكَةُ أَوۡ يَأۡتِيَ أَمۡرُ رَبِّكَۚ كَذَٰلِكَ فَعَلَ ٱلَّذِينَ مِن قَبۡلِهِمۡۚ وَمَا ظَلَمَهُمُ ٱللَّهُ وَلَٰكِن كَانُوٓاْ أَنفُسَهُمۡ يَظۡلِمُونَ ﴿٣٣﴾
بوتپه‌رێس چاڤه‌رێیى تشته‌كى ناكه‌ن ژبلی هندێ كو ملیاكه‌ت بێنه وان؛ دا ڕحێن وان بستينن وئه‌و دكافر، يان فه‌رمانا خودێ ب عه‌زابه‌كا ب له‌ز يا كو وان تێ ببه‌ت بێت. وكانێ چاوا ڤان دره‌و ب حه‌قییێ كر كافرێن به‌رى وان ژى دره‌و پێ كربوو، ئينا خودێ ئه‌و تێبرن، وخودێ ب تێبرنا وان و ب ئينانه خوارا عه‌زابێ ب سه‌ر وان دا زۆردارى ل وان نه‌كربوو، به‌لكى ئه‌و بوون يێن زۆردارى ل خۆ دكر وخۆ هێژاى عه‌زابێ دكر.
فَأَصَابَهُمۡ سَيِّـَٔاتُ مَا عَمِلُواْ وَحَاقَ بِهِم مَّا كَانُواْ بِهِۦ يَسۡتَهۡزِءُونَ ﴿٣٤﴾
ڤێجا جزايێ گونه‌هێن وان كرين ب سه‌ر وان دا هات، ووێ عه‌زابا وان يارى بۆ خۆ پێ دكرن دۆر ل وان گرت.
وَقَالَ ٱلَّذِينَ أَشۡرَكُواْ لَوۡ شَآءَ ٱللَّهُ مَا عَبَدۡنَا مِن دُونِهِۦ مِن شَيۡءٖ نَّحۡنُ وَلَآ ءَابَآؤُنَا وَلَا حَرَّمۡنَا مِن دُونِهِۦ مِن شَيۡءٖۚ كَذَٰلِكَ فَعَلَ ٱلَّذِينَ مِن قَبۡلِهِمۡۚ فَهَلۡ عَلَى ٱلرُّسُلِ إِلَّا ٱلۡبَلَٰغُ ٱلۡمُبِينُ ﴿٣٥﴾
وبوتپه‌رێسان گۆت: ئه‌گه‌ر خودێ حه‌زكربا ئه‌م په‌رستنا وى ب تنێ بكه‌ين مه په‌رستنا ئێكێ دى ژبلی وى نه‌دكر، نه مه ونه بابێن مه ژى به‌رى مه، وتشته‌كێ وى حه‌رام نه‌كرى مه حه‌رام نه‌دكر، هێجه‌ته‌كا وه‌كى ڤێ يا پويچ كافرێن به‌رێ ژى بۆ خۆ دگرت، وئه‌و ددره‌وينن؛ چونكى خودێ فه‌رمان ل وان كربوو وهێز وشيان دابوو وان كو ئه‌و وى تشتى بكه‌ن يێ خودێ فه‌رمان پێ ل وان كرى، ڤێجا قه‌زا وقه‌ده‌ر قه‌ت بۆ وان نابته هێجه‌ت پشتى كو پێغه‌مبه‌ران ئه‌و ترساندين، وهه‌ما ژبلی گه‌هاندنا ئاشكه‌را تشته‌ك ل سه‌ر وان پێغه‌مبه‌رێن ئه‌و ترساندين نينه.