قورئانا پیرۆز › سورەتا النحل › ئایەتا ٥٠
سورەتا النحل · ئایەتا ٥٠ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَوَلَمۡ يَرَوۡاْ إِلَىٰ مَا خَلَقَ ٱللَّهُ مِن شَيۡءٖ يَتَفَيَّؤُاْ ظِلَٰلُهُۥ عَنِ ٱلۡيَمِينِ وَٱلشَّمَآئِلِ سُجَّدٗا لِّلَّهِ وَهُمۡ دَٰخِرُونَ ﴿٤٨﴾
ئه‌رێ ما ئه‌ڤ كافره كۆره بووينه، ڤێجا وان به‌رێ خۆ نه‌دايه وى تشتێ خودان سيبه‌ر يێ خودێ ئافراندى، وه‌كى چيا وداروبارى، سيبه‌را وان جار دچته لايێ ڕاستێ وجار دچته لايێ چه‌پێ، ل دويڤ ڕێڤه‌چوونا ڕۆژێ ب ڕۆژ ويا هه‌يڤێ ب شه‌ڤ، ئه‌و هه‌مى بنده‌ستى مه‌زنییا خودايێ خۆنه، و د فه‌رمانا وى دانه؟
وَلِلَّهِۤ يَسۡجُدُۤ مَا فِي ٱلسَّمَٰوَٰتِ وَمَا فِي ٱلۡأَرۡضِ مِن دَآبَّةٖ وَٱلۡمَلَـٰٓئِكَةُ وَهُمۡ لَا يَسۡتَكۡبِرُونَ ﴿٤٩﴾
وهه‌ر تشته‌كێ ل عه‌سمانان وهه‌ر تشته‌كێ ل عه‌ردى ژ وان يێن ب ڕێڤه دچن بۆ خودێ ب تنێ دچنه سوجدێ، وملياكه‌ت سوجدێ بۆ خودێ دبه‌ن، وئه‌و خۆ د سه‌ر په‌رستنا وى ڕا نابينن وخۆ مه‌زن ناكه‌ن. وپشتى خودێ به‌حسێ هه‌مى تشتان ب گشتى كرى به‌حسێ ملياكه‌تان ب تايبه‌تى كر ژ به‌ر قه‌در وبهايێ وان وعيباده‌تێ وان يێ مشه.
يَخَافُونَ رَبَّهُم مِّن فَوۡقِهِمۡ وَيَفۡعَلُونَ مَا يُؤۡمَرُونَ۩ ﴿٥٠﴾
فريشته ژ وى خودايێ خۆ دترسن يێ كو ئه‌و ب خۆ و ب ده‌سهه‌لات وتمامییا سالۆخه‌تێن خۆ د سه‌ر وان دايه، وئه‌و وێ دكه‌ن يا فه‌رمان پێ ل وان دئێته‌كرن ژ گوهدارییا خودێ. وئايه‌ت سالۆخه‌تێ بلندییا خودێ د سه‌ر هه‌مى چێكرییێن وى ڕا وه‌كى بابه‌تى وى بت بنه‌جهـ دكه‌ت.
۞وَقَالَ ٱللَّهُ لَا تَتَّخِذُوٓاْ إِلَٰهَيۡنِ ٱثۡنَيۡنِۖ إِنَّمَا هُوَ إِلَٰهٞ وَٰحِدٞ فَإِيَّـٰيَ فَٱرۡهَبُونِ ﴿٥١﴾
وخودێ گۆته به‌نییێن خۆ: هوين په‌رستنا دو خودايان نه‌كه‌ن، هندى ئه‌وه يێ دڤێت هوين بپه‌رێسن خودایه‌كێ ب تنێیه، ڤێجا هوين ژ من ب تنێ بترسن.
وَلَهُۥ مَا فِي ٱلسَّمَٰوَٰتِ وَٱلۡأَرۡضِ وَلَهُ ٱلدِّينُ وَاصِبًاۚ أَفَغَيۡرَ ٱللَّهِ تَتَّقُونَ ﴿٥٢﴾
وهه‌ر تشته‌كێ ل عه‌سمانان وعه‌ردى چێكرى وملك وبه‌نییێ خودێیه، وپه‌رستن وگوهدارى هه‌رده‌م بۆ وى ب تنێیه، ئه‌رێ ڤێجا ما بابه‌تى هه‌وه‌يه هوين ژبلی خودێ ژ ئێكێ دى بترسن وپه‌رستنێ بۆ بكه‌ن؟