قورئانا پیرۆز › سورەتا النحل › ئایەتا ٦٠
سورەتا النحل · ئایەتا ٦٠ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذَا بُشِّرَ أَحَدُهُم بِٱلۡأُنثَىٰ ظَلَّ وَجۡهُهُۥ مُسۡوَدّٗا وَهُوَ كَظِيمٞ ﴿٥٨﴾
وئه‌گه‌ر ئه‌و كه‌س هات يێ مزگينییا بوونا كچه‌كێ دده‌ته ئێك ژ وان ڕوییێ وى دێ مينت ڕه‌ش؛ ژ به‌ر نه‌خۆشییا وى تشتێ وى گوهـ لێ بووى، وئه‌و دێ تژى خه‌م وقه‌هر بت.
يَتَوَٰرَىٰ مِنَ ٱلۡقَوۡمِ مِن سُوٓءِ مَا بُشِّرَ بِهِۦٓۚ أَيُمۡسِكُهُۥ عَلَىٰ هُونٍ أَمۡ يَدُسُّهُۥ فِي ٱلتُّرَابِۗ أَلَا سَآءَ مَا يَحۡكُمُونَ ﴿٥٩﴾
ئه‌و خۆ ژ ملله‌تێ خۆ ڤه‌دشێرت، دا ئه‌و وى د ڤى كراسێ خراب وشه‌رمزار دا ژ به‌ر بوونا كچكێ نه‌بينن، ڤێجا ئه‌و د مه‌سه‌لا ڤێ كچێ دا حێبه‌تى دمينت: ئه‌رێ وێ ب شه‌رمزارى ڤه بهێلته زێندى، يان ژى ب ساخى د ئاخێ ڕا بكه‌ت؟ چ خرابه حوكمه وان كرى كو كچ بۆ خودێ داناين وكوڕ بۆ خۆ.
لِلَّذِينَ لَا يُؤۡمِنُونَ بِٱلۡأٓخِرَةِ مَثَلُ ٱلسَّوۡءِۖ وَلِلَّهِ ٱلۡمَثَلُ ٱلۡأَعۡلَىٰۚ وَهُوَ ٱلۡعَزِيزُ ٱلۡحَكِيمُ ﴿٦٠﴾
بۆ وان يێن باوه‌رییێ ب ئاخره‌تێ نه‌ئينن وكارى بۆ نه‌كه‌ن سالۆخه‌تێ كرێت ژ بێزارى وهه‌وجه‌يى ونه‌زانين وكوفرێ هه‌يه، وسالۆخه‌تێن بلند ژ ته‌كووزى وبێ منه‌تییا ژ خه‌لكى بۆ خودێ هه‌نه، وئه‌وه يێ د ملكێ خۆ دا زال، و د ڕێڤه‌برنا خۆ دا يێ كاربنه‌جهـ.
وَلَوۡ يُؤَاخِذُ ٱللَّهُ ٱلنَّاسَ بِظُلۡمِهِم مَّا تَرَكَ عَلَيۡهَا مِن دَآبَّةٖ وَلَٰكِن يُؤَخِّرُهُمۡ إِلَىٰٓ أَجَلٖ مُّسَمّٗىۖ فَإِذَا جَآءَ أَجَلُهُمۡ لَا يَسۡتَـٔۡخِرُونَ سَاعَةٗ وَلَا يَسۡتَقۡدِمُونَ ﴿٦١﴾
وئه‌گه‌ر خودێ مرۆڤان ب كوفر وبێ به‌ختییا وان بگرت ئه‌و ئێكێ بلڤه‌ت ل سه‌ر عه‌ردى ناهێلت، به‌لێ ئه‌و حه‌تا ده‌مه‌كێ ده‌سنيشانكرى كو دويماهییا وانه وان پاش دئێخت، ڤێجا ئه‌گه‌ر ڕۆژا وان هات نه ئه‌و ده‌مه‌كێ كێم ژێ دئێنه پاشخستن، ونه ژێ دئێنه پێشخستن.
وَيَجۡعَلُونَ لِلَّهِ مَا يَكۡرَهُونَۚ وَتَصِفُ أَلۡسِنَتُهُمُ ٱلۡكَذِبَ أَنَّ لَهُمُ ٱلۡحُسۡنَىٰۚ لَا جَرَمَ أَنَّ لَهُمُ ٱلنَّارَ وَأَنَّهُم مُّفۡرَطُونَ ﴿٦٢﴾
و ژ كرێته‌كارێن وان: ئه‌و وى تشتێ وان بۆ خۆ نه‌ڤێت -كو بوونا كچانه- بۆ خودێ ددانن، وئه‌و ژ دره‌و ب ئه‌زمانێ خۆ دبێژن كو دويماهییا باش بۆ وانه، ب ڕاستى ئاگر بۆ وانه، وئه‌و هه‌روهه‌ر دێ تێدا مينن وئێنه هێلان.