قورئانا پیرۆز › سورەتا النحل › ئایەتا ٧١
سورەتا النحل · ئایەتا ٧١ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ثُمَّ كُلِي مِن كُلِّ ٱلثَّمَرَٰتِ فَٱسۡلُكِي سُبُلَ رَبِّكِ ذُلُلٗاۚ يَخۡرُجُ مِنۢ بُطُونِهَا شَرَابٞ مُّخۡتَلِفٌ أَلۡوَٰنُهُۥ فِيهِ شِفَآءٞ لِّلنَّاسِۚ إِنَّ فِي ذَٰلِكَ لَأٓيَةٗ لِّقَوۡمٖ يَتَفَكَّرُونَ ﴿٦٩﴾
پاشى ژ هه‌ر به‌رهه‌مه‌كێ ته بڤێت تو بخۆ، وبۆ خواستنا ڕزقى تو وان ڕێكێن خودايێ ته بۆ ته خۆشكرين بگره، وخودێ ئه‌و ڕێك بۆ ته يێن ب ساناهى كرين ئه‌گه‌ر خۆ د دوير ژى بن تو ژێ به‌رزه نابى. هنگڤينه‌كێ گه‌له‌ك ڕه‌نگ ژ زكێ مێشا هنگڤينى ده‌ردكه‌ڤت یێ سپى و زه‌ر و سۆر وهنده‌ك ڕه‌نگێن دى، ده‌رمانێ نه‌خۆشییان بۆ مرۆڤان تێدا هه‌يه. هندى د ڤى كارى دايه يێ مێشا هنگڤينى دكه‌ت نيشانه‌كا مه‌زن ل سه‌ر شيانا ئافرانده‌رێ ڤێ مێشێ بۆ وى ملله‌تى هه‌يه يێ هزرا خۆ تێدا بكه‌ت، ووجه‌كێ بۆ خۆ ژێ بگرت.
وَٱللَّهُ خَلَقَكُمۡ ثُمَّ يَتَوَفَّىٰكُمۡۚ وَمِنكُم مَّن يُرَدُّ إِلَىٰٓ أَرۡذَلِ ٱلۡعُمُرِ لِكَيۡ لَا يَعۡلَمَ بَعۡدَ عِلۡمٖ شَيۡـًٔاۚ إِنَّ ٱللَّهَ عَلِيمٞ قَدِيرٞ ﴿٧٠﴾
وخودايێ مه‌زنه هوين ئافراندين، پاشى ئه‌و هه‌وه دمرينت ده‌مێ ژییێ هه‌وه خلاس دبت، و ژ هه‌وه هه‌يه يێ دگه‌هته ره‌زيلترين عه‌مر كو پيراتییا پيره، دا پشتى زانينێ ئه‌و تشته‌كى نه‌زانت كانێ چاوا وى ل ده‌مێ زارۆكينییا خۆ تشته‌ك ژ وێ نه‌دزانى يا وى پشتى هنگى زانى، هندى خودێیه پڕزانايێ خودان شيانه، زانين وشيانا وى دۆرا ل هه‌مى تشتان گرتى، ڤێجا ئه‌و خودايێ شياى مرۆڤى بزڤڕينته ڤى حالی دشێت وى بمرينت، پاشى زێندى بكه‌ته‌ڤه.
وَٱللَّهُ فَضَّلَ بَعۡضَكُمۡ عَلَىٰ بَعۡضٖ فِي ٱلرِّزۡقِۚ فَمَا ٱلَّذِينَ فُضِّلُواْ بِرَآدِّي رِزۡقِهِمۡ عَلَىٰ مَا مَلَكَتۡ أَيۡمَٰنُهُمۡ فَهُمۡ فِيهِ سَوَآءٌۚ أَفَبِنِعۡمَةِ ٱللَّهِ يَجۡحَدُونَ ﴿٧١﴾
وخودێ د دانا ڕزقى دا ل دنيايێ هنده‌ك ژ هه‌وه ب سه‌ر هنده‌كان ئێخستينه، ژ هه‌وه هه‌يه يێ ده‌وله‌مه‌ند ويێ هه‌ژار، ويێ خودان مال ويێ عه‌بد، وئه‌وێن مال هه‌ى هندێ ژ وى مالێ خودێ دايه وان ناده‌نه عه‌بدێن خۆ كو ئه‌و ژى وه‌كى وان لێ بێن وببنه هه‌ڤپشكێن وان، ڤێجا ماده‌م ئه‌و بۆ خۆ ب وێ چه‌ندێ ڕازى نابن، ئه‌رێ چاوا ئه‌و ڕازى دبن كو هنده‌ك عه‌بدێن خودێ بۆ وى بكه‌نه هه‌ڤپشك؟ هندى ئه‌ڤ چه‌نده‌يه مه‌زنترين زۆردارى وكوفرا ب قه‌نجییێن خودێیه ئه‌و دكه‌ن.
وَٱللَّهُ جَعَلَ لَكُم مِّنۡ أَنفُسِكُمۡ أَزۡوَٰجٗا وَجَعَلَ لَكُم مِّنۡ أَزۡوَٰجِكُم بَنِينَ وَحَفَدَةٗ وَرَزَقَكُم مِّنَ ٱلطَّيِّبَٰتِۚ أَفَبِٱلۡبَٰطِلِ يُؤۡمِنُونَ وَبِنِعۡمَتِ ٱللَّهِ هُمۡ يَكۡفُرُونَ ﴿٧٢﴾
وخودايێ مه‌زن ژ نفشێ هه‌وه جۆته‌ك دايه؛ دا دلێن هه‌وه پێ ڕحه‌ت ببن، ووى كوڕ ونه‌ڤى ودوونده‌هـ ژ وان دانه هه‌وه، ووى ژ خوارنێن پاقژ ڕزق دا هه‌وه. ئه‌رێ ڤێجا ئه‌و ب خوداينییا ژ قه‌ستا يا خوداوه‌ندێن خۆ باوه‌رییێ دئينن، و ب وان قه‌نجییێن خودێ يێن نه‌ئێنه هژمارتن كافرییێ دكه‌ن، وئه‌و شوكرا خودێ ناكه‌ن كو په‌رستنا ب تنێ وى بكه‌ن؟
وَيَعۡبُدُونَ مِن دُونِ ٱللَّهِ مَا لَا يَمۡلِكُ لَهُمۡ رِزۡقٗا مِّنَ ٱلسَّمَٰوَٰتِ وَٱلۡأَرۡضِ شَيۡـٔٗا وَلَا يَسۡتَطِيعُونَ ﴿٧٣﴾
وبوتپه‌رێس په‌رستنا وان صه‌نه‌مان دكه‌ن يێن كو نه‌شێن ڕزقه‌كى ژ عه‌سمانى وه‌كى بارانێ، يان ژ عه‌ردى وه‌كى چاندنێ بده‌نه وان، وتشته‌ك نه دده‌ست وان دايه ونه ئه‌و دشێن بێخنه ده‌ستێ خۆ؛ چونكى وان شيان نينه.