قورئانا پیرۆز › سورەتا النحل › ئایەتا ٨٣
سورەتا النحل · ئایەتا ٨٣ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱللَّهُ جَعَلَ لَكُم مِّمَّا خَلَقَ ظِلَٰلٗا وَجَعَلَ لَكُم مِّنَ ٱلۡجِبَالِ أَكۡنَٰنٗا وَجَعَلَ لَكُمۡ سَرَٰبِيلَ تَقِيكُمُ ٱلۡحَرَّ وَسَرَٰبِيلَ تَقِيكُم بَأۡسَكُمۡۚ كَذَٰلِكَ يُتِمُّ نِعۡمَتَهُۥ عَلَيۡكُمۡ لَعَلَّكُمۡ تُسۡلِمُونَ ﴿٨١﴾
وخودێ ئه‌و تشت دا هه‌وه يێ هوين خۆ دده‌نه بن سيبه‌را وى وه‌كى داروبارى وتشتێن دى، و د چيايان ڕا وى شكه‌فت دانه هه‌وه هوين ل ده‌مێ هه‌وجه‌يییان خۆ ڤێڕا دگه‌هينن، و ژ هرى وپه‌نبى وى جلك دانه هه‌وه، ئه‌و هه‌وه ژ گه‌رمێ وسه‌رمايێ دپارێزن، ووى ئه‌و تشت ژ ئاسنى دا هه‌وه يێ دربێن شه‌ڕان ژ هه‌وه دویر دكه‌ن، ڤێجا كا چاوا خودێ ئه‌ڤ قه‌نجییه د گه‌ل هه‌وه كرن وه‌سا ئه‌و قه‌نجییا خۆ ل سه‌ر هه‌وه پێك دئينت كو دينێ حه‌ق بۆ هه‌وه ئاشكه‌را دكه‌ت؛ دا هوين خۆ ب ده‌ست ئه‌مرێ خودايێ خۆ ب تنێ ڤه به‌رده‌ن، وچو هه‌ڤپشكان بۆ وى د په‌رستنێ دا نه‌دانن.
فَإِن تَوَلَّوۡاْ فَإِنَّمَا عَلَيۡكَ ٱلۡبَلَٰغُ ٱلۡمُبِينُ ﴿٨٢﴾
ڤێجا پشتى وان ئايه‌ت ديتين ئه‌گه‌ر وان پشت دا ته -ئه‌ى پێغه‌مبه‌ر- تو ب خه‌م نه‌كه‌ڤه؛ چونكى هه‌ما ب تنێ گه‌هاندنا ئاشكه‌را يا وى تشتێ تو پێ هاتییه هنارتن ل سه‌ر ته‌يه، وهيدايه‌ت خه‌ما مه‌يه.
يَعۡرِفُونَ نِعۡمَتَ ٱللَّهِ ثُمَّ يُنكِرُونَهَا وَأَكۡثَرُهُمُ ٱلۡكَٰفِرُونَ ﴿٨٣﴾
ئه‌ڤ بوتپه‌رێسه قه‌نجییا خودێ ب هنارتنا موحه‌ممه‌دى -سلاڤ لێ بن- ل سه‌ر خۆ دنیاسن، پاشى ئه‌و كافرییێ ب پێغه‌مبه‌رينییا وى دكه‌ن، وپترییا ملله‌تێ وى ژى ئه‌وێ كافرییێ ب پێغه‌مبه‌رينییا وى دكه‌ن، نه یێن باوه‌رییێ پێ دئينن.
وَيَوۡمَ نَبۡعَثُ مِن كُلِّ أُمَّةٖ شَهِيدٗا ثُمَّ لَا يُؤۡذَنُ لِلَّذِينَ كَفَرُواْ وَلَا هُمۡ يُسۡتَعۡتَبُونَ ﴿٨٤﴾
وتو -ئه‌ى پێغه‌مبه‌ر- به‌حسێ وى تشتى بۆ وان بكه يێ ل ڕۆژا قيامه‌تێ چێ دبت، ده‌مێ ئه‌م ژ هه‌ر ملله‌ته‌كى پێغه‌مبه‌رێ وان دهنێرين شاهد ل سه‌ر باوه‌رییا خودان باوه‌رێن وان، وكوفرا كافران، پاشى ده‌ستويرى بۆ ئه‌وێن كوفر كرى نائێته‌دان دا كو ئه‌و عوزرا خۆ ڤه‌خوازن، و ژ وان نائێته خواستن كو ئه‌و ب تۆبێ وكارێ چاك ڕازيبوونا خودێ بخوازن؛ چونكى ده‌مێ وێ چه‌ندێ نه‌ما.
وَإِذَا رَءَا ٱلَّذِينَ ظَلَمُواْ ٱلۡعَذَابَ فَلَا يُخَفَّفُ عَنۡهُمۡ وَلَا هُمۡ يُنظَرُونَ ﴿٨٥﴾
وئه‌گه‌ر كافران ل ئاخره‌تێ عه‌زابا خودێ ديت تشته‌ك ژێ ل سه‌ر وان نائێته سڤككرن، وئه‌و نائێته ڤه‌هێلان، وعه‌زاب ژ وان نائێته پاشڤه‌برن.