قورئانا پیرۆز › سورەتا النحل › ئایەتا ٩٢
سورەتا النحل · ئایەتا ٩٢ ب تەفسیرا کوردی
An-Nahl
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
۞إِنَّ ٱللَّهَ يَأۡمُرُ بِٱلۡعَدۡلِ وَٱلۡإِحۡسَٰنِ وَإِيتَآيِٕ ذِي ٱلۡقُرۡبَىٰ وَيَنۡهَىٰ عَنِ ٱلۡفَحۡشَآءِ وَٱلۡمُنكَرِ وَٱلۡبَغۡيِۚ يَعِظُكُمۡ لَعَلَّكُمۡ تَذَكَّرُونَ ﴿٩٠﴾
هندى خودايێ مه‌زنه د ڤێ قورئانێ دا فه‌رمانێ ل به‌نییێن خۆ دكه‌ت كو ئه‌و دادییێ د ده‌رحه‌قا وى دا بكه‌ن، كو په‌رستنا وى ب تنێ بكه‌ن، و د ده‌رحه‌قا خه‌لكى ژى دا كو مافێ هه‌ر خودان مافه‌كى بده‌نێ، وئه‌و فه‌رمانێ ب قه‌نجییێ ژى دكه‌ت كو كارێن وى ل سه‌ر وان فه‌ركرين ب دورستى ئه‌و بكه‌ن، و ب گۆتن وكريار د گه‌ل خه‌لكى دباش بن، وخودێ فه‌رمانێ ب مرۆڤاينییێ دكه‌ت، وپاشڤه‌برنا ژ هه‌ر كار وگۆتنه‌كا كرێت دكه‌ت، و ژ هه‌ر تشته‌كى يێ شريعه‌ت ژێ ڕازى نه‌بت ژ كوفرێ وگونه‌هان، و ژ زۆردارییا ل خه‌لكى وته‌عدايییا ل سه‌ر وان، وخودێ -ب ڤێ فه‌رمانێ وپاشڤه‌برنێ- شيره‌تان ل هه‌وه دكه‌ت وبيرا هه‌وه ل دويماهییان دئينته‌ڤه؛ دا هوين فه‌رمانێن خودێ ل بيرا خۆ بينن ومفایى ژێ وه‌ربگرن.
وَأَوۡفُواْ بِعَهۡدِ ٱللَّهِ إِذَا عَٰهَدتُّمۡ وَلَا تَنقُضُواْ ٱلۡأَيۡمَٰنَ بَعۡدَ تَوۡكِيدِهَا وَقَدۡ جَعَلۡتُمُ ٱللَّهَ عَلَيۡكُمۡ كَفِيلًاۚ إِنَّ ٱللَّهَ يَعۡلَمُ مَا تَفۡعَلُونَ ﴿٩١﴾
وهه‌ر په‌يمانه‌كا دژى كيتابا خودێ وسوننه‌تا پێغه‌مبه‌رێ وى نه‌بت يا هوين د ناڤبه‌را خۆ وخودێ دا، يان د ناڤبه‌را خۆ وبه‌نییان دا بده‌ن و ل سه‌ر خۆ فه‌ركه‌ن، هوين وه‌فادارییێ پێ بكه‌ن، وهوين ل سويندێن خۆ لێڤه‌نه‌بن پشتى هه‌وه ئه‌و موكم كرين، و ب ڕاستى هه‌وه خودێ ل سه‌ر په‌يمانا خۆ كربوو وه‌كيل، هندى خودێیه دزانت هوين چ دكه‌ن.
وَلَا تَكُونُواْ كَٱلَّتِي نَقَضَتۡ غَزۡلَهَا مِنۢ بَعۡدِ قُوَّةٍ أَنكَٰثٗا تَتَّخِذُونَ أَيۡمَٰنَكُمۡ دَخَلَۢا بَيۡنَكُمۡ أَن تَكُونَ أُمَّةٌ هِيَ أَرۡبَىٰ مِنۡ أُمَّةٍۚ إِنَّمَا يَبۡلُوكُمُ ٱللَّهُ بِهِۦۚ وَلَيُبَيِّنَنَّ لَكُمۡ يَوۡمَ ٱلۡقِيَٰمَةِ مَا كُنتُمۡ فِيهِ تَخۡتَلِفُونَ ﴿٩٢﴾
وهوين ل په‌يمانێن خۆ لێڤه‌نه‌بن، كو مه‌ته‌لا هه‌وه وه‌كى يا وێ ژنكێ لێ بێت ئه‌وا ته‌ڤنێ خۆ درێست وموكم دكه‌ت، پاشى ڤه‌دكه‌ته‌ڤه، هوين وان سويندێن خۆ يێن هه‌وه ل ده‌مێ دانا په‌يمانێ خوارين دكه‌نه خاپاندن بۆ وان يێن هه‌وه په‌يمان دايێ، وهوين ل په‌يمانا خۆ لێڤه دبن گاڤا هه‌وه هنده‌كێن زه‌نگينتر ژ وان ديتن يێن هه‌وه په‌يمان دايێ، هه‌ما خودێ ب ڤێ وه‌فادارییا ب په‌يمانان ونه‌شكاندنا وان هه‌وه دجه‌ڕبينت، ودا ئه‌و ل ڕۆژا قيامه‌تێ وى تشتى ئاشكه‌را بكه‌ت يێ هوين تێدا ژێك جودا دبوون.
وَلَوۡ شَآءَ ٱللَّهُ لَجَعَلَكُمۡ أُمَّةٗ وَٰحِدَةٗ وَلَٰكِن يُضِلُّ مَن يَشَآءُ وَيَهۡدِي مَن يَشَآءُۚ وَلَتُسۡـَٔلُنَّ عَمَّا كُنتُمۡ تَعۡمَلُونَ ﴿٩٣﴾
وئه‌گه‌ر خودێ ڤيابا دا ته‌وفيقا هه‌وه هه‌مییان ده‌ت، وهه‌وه كه‌ته ئێك ملله‌ت، كو ملله‌تێ ئيسلامێیه، به‌لێ يێ وى بڤێت ژ وان يێن نيشانێن هلبژارتنا سه‌رداچوونێ ل نك دديار ئه‌و به‌رزه دكه‌ت، ڤێجا ژ دادییا خۆ ئه‌و به‌رێ وى ناده‌ته هيدايه‌تێ، ويێ وى بڤێت ژ وان يێن نيشانێن هلبژارتنا حه‌قییێ ل نك دديار ئه‌و هيدايه‌تێ ب ڕزقێ وى دكه‌ت، و ژ قه‌نجییا خۆ به‌رێ وى دده‌ته ڕێكێ، ومسوگه‌ر خودێ ل ڕۆژا قيامه‌تێ پسيارا وى تشتى دێ ژ هه‌وه كه‌ت يێ هه‌وه د دنيايێ دا دكر.
وَلَا تَتَّخِذُوٓاْ أَيۡمَٰنَكُمۡ دَخَلَۢا بَيۡنَكُمۡ فَتَزِلَّ قَدَمُۢ بَعۡدَ ثُبُوتِهَا وَتَذُوقُواْ ٱلسُّوٓءَ بِمَا صَدَدتُّمۡ عَن سَبِيلِ ٱللَّهِ وَلَكُمۡ عَذَابٌ عَظِيمٞ ﴿٩٤﴾
وهوين وان سويندێن خۆ يێن هه‌وه خوارين نه‌كه‌نه خاپاندن بۆ وان يێن هه‌وه سويند بۆ خوارى، ڤێجا هوين پشتى ته‌ناهى وپشتڕاستییێ تێ بچن، وه‌كى وى يێ پییێ وى ته‌حسى پشتى كو خۆ ل جهـ گرتى، وئه‌و عه‌زابا هه‌وه پێ نه‌خۆش د دنيايێ دا بگه‌هته هه‌وه؛ ژ به‌ر كو هوين بووينه ئه‌گه‌را پاشڤه‌برنا مرۆڤان ژ ڤى دينى پشتى وان غه‌دره ژ هه‌وه ديتى، وعه‌زابه‌كا مه‌زن بۆ هه‌وه ل ئاخره‌تێ هه‌يه.