قورئانا پیرۆز › سورەتا النمل › ئایەتا ٣١
سورەتا النمل · ئایەتا ٣١ ب تەفسیرا کوردی
An-Naml
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قَالَتۡ يَـٰٓأَيُّهَا ٱلۡمَلَؤُاْ إِنِّيٓ أُلۡقِيَ إِلَيَّ كِتَٰبٞ كَرِيمٌ ﴿٢٩﴾
هودهود چوو وكاغه‌ز هاڤێته به‌ر مه‌لكا وان، وێ ئه‌و كاغه‌ز خواند، پاشى مه‌زنێن ملله‌تێ خۆ كۆمكرن وپه‌پويكێ گوهـ ل وێ بوو ده‌مێ وێ گۆتییه وان: هندى ئه‌زم كاغه‌زه‌كا ب قه‌در ژ مرۆڤه‌كێ مه‌زن يا گه‌هشتییه من.
إِنَّهُۥ مِن سُلَيۡمَٰنَ وَإِنَّهُۥ بِسۡمِ ٱللَّهِ ٱلرَّحۡمَٰنِ ٱلرَّحِيمِ ﴿٣٠﴾
پاشى وێ بۆ وان ئاشكه‌راكر كانێ چ د وێ كاغه‌زێ دا هاتییه وگۆت: ئه‌ڤ كاغه‌زه ژ سوله‌يمانییه، وئه‌و ب ڤێ گۆتنێ ده‌ست پێ دكه‌ت: ب ناڤێ خودايێ پڕدلۆڤانێ دلۆڤانكار.
أَلَّا تَعۡلُواْ عَلَيَّ وَأۡتُونِي مُسۡلِمِينَ ﴿٣١﴾
وكو هوين خۆ ژ من مه‌زن نه‌كه‌ن وخۆ د سه‌ر وێ ڕا نه‌بينن يا ئه‌ز به‌رێ هه‌وه دده‌مێ، وهوين بۆ خودێ ب موسلمانى ڤه وه‌رنه نك من.
قَالَتۡ يَـٰٓأَيُّهَا ٱلۡمَلَؤُاْ أَفۡتُونِي فِيٓ أَمۡرِي مَا كُنتُ قَاطِعَةً أَمۡرًا حَتَّىٰ تَشۡهَدُونِ ﴿٣٢﴾
وێ گۆت: گه‌لی مه‌زن وماقويلان بێژنه من ئه‌م چ بكه‌ين، ئاخرى بێى هه‌وه ئه‌ز چو ئه‌مر وفه‌رمانان ناده‌م حه‌تا هوين ئاماده نه‌بن وبير وبۆچوونا خۆ بۆ من ديار نه‌كه‌ن؟
قَالُواْ نَحۡنُ أُوْلُواْ قُوَّةٖ وَأُوْلُواْ بَأۡسٖ شَدِيدٖ وَٱلۡأَمۡرُ إِلَيۡكِ فَٱنظُرِي مَاذَا تَأۡمُرِينَ ﴿٣٣﴾
وان د به‌رسڤا وێ دا گۆت: ئه‌م دخودان هێز وشيانين وهژمارا مه يا بۆشه وئه‌م بۆ شه‌ڕان دزيره‌كين، وفه‌رمان يا ته‌يه، ڤێجا تو به‌رێ خۆ بدێ كانێ دێ چ فه‌رمانێ ل مه كه‌ى؟ ئه‌م دێ گوهدارییا ته كه‌ين.