قورئانا پیرۆز › سورەتا النمل › ئایەتا ٦٦
سورەتا النمل · ئایەتا ٦٦ ب تەفسیرا کوردی
An-Naml
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَمَّن يَبۡدَؤُاْ ٱلۡخَلۡقَ ثُمَّ يُعِيدُهُۥ وَمَن يَرۡزُقُكُم مِّنَ ٱلسَّمَآءِ وَٱلۡأَرۡضِۗ أَءِلَٰهٞ مَّعَ ٱللَّهِۚ قُلۡ هَاتُواْ بُرۡهَٰنَكُمۡ إِن كُنتُمۡ صَٰدِقِينَ ﴿٦٤﴾
وتو پسيارێ ژ وان بكه: ئه‌و كییه يێ خه‌لكى دئافرينت پاشى چى گاڤا ڤيا وان دبرينت، پاشى دوباره وان دئافرينته‌ڤه، وئه‌و كییه يێ ب باراندنا بارانێ ژ عه‌سمانى و ب شينكرنا داروبارى ژ عه‌ردى ڕزقى دده‌ته هه‌وه؟ ئه‌رێ خودایه‌كێ دى ژبلی خودێ وێ چه‌ندێ دكه‌ت؟ تو بێژه: كانێ هوين هێجه‌تا خۆ بينن ئه‌گه‌ر هوين دڕاستگۆنه كو خودێ شريكه‌ك هه‌يه.
قُل لَّا يَعۡلَمُ مَن فِي ٱلسَّمَٰوَٰتِ وَٱلۡأَرۡضِ ٱلۡغَيۡبَ إِلَّا ٱللَّهُۚ وَمَا يَشۡعُرُونَ أَيَّانَ يُبۡعَثُونَ ﴿٦٥﴾
تو -ئه‌ى پێغه‌مبه‌ر- بێژه وان: كه‌سه‌ك نه ل عه‌سمانان ونه ل عه‌ردى وى تشتى نزانت يێ خودێ ڤه‌شارتى ژ كارێن غه‌يبى، وئه‌و نزانن كانێ كه‌نگى ئه‌و دێ ژ گۆڕێن خۆ ڕابن ده‌مێ قيامه‌ت دئێت؟
بَلِ ٱدَّـٰرَكَ عِلۡمُهُمۡ فِي ٱلۡأٓخِرَةِۚ بَلۡ هُمۡ فِي شَكّٖ مِّنۡهَاۖ بَلۡ هُم مِّنۡهَا عَمُونَ ﴿٦٦﴾
به‌لكى زانينا وان ل ئاخره‌تێ پێك دئێت، وئه‌و دزانن كو ئه‌ڤه ئاخره‌ته وترس وسه‌هما وێیه پشتى ئه‌و وێ ب چاڤ دبينن، و ب ڕاستى ئه‌و د دنيايێ دا ژێ ب گومان بوون، به‌لكى دلێن وان ژێ دكۆره‌نه.
وَقَالَ ٱلَّذِينَ كَفَرُوٓاْ أَءِذَا كُنَّا تُرَٰبٗا وَءَابَآؤُنَآ أَئِنَّا لَمُخۡرَجُونَ ﴿٦٧﴾
وئه‌وێن كوفر ب ته‌وحيدا خودێ كرى گۆتن: پشتى ئه‌م وبابێن مه مرين وبووينه ئاخ، ئه‌رێ جاره‌كا دى ئه‌م وه‌كى به‌رێ دێ زێندى بينه‌ڤه؟
لَقَدۡ وُعِدۡنَا هَٰذَا نَحۡنُ وَءَابَآؤُنَا مِن قَبۡلُ إِنۡ هَٰذَآ إِلَّآ أَسَٰطِيرُ ٱلۡأَوَّلِينَ ﴿٦٨﴾
ب ڕاستى ژڤان ب ڤێ چه‌ندێ بۆ مه وبۆ بابێن مه ژى به‌رێ هاتبوودان، به‌لێ مه چو ڕاستى بۆ ڤى ژڤانى نه‌ديتییه ومه باوه‌رى پێ نه‌ئينايه، هندى ئه‌ڤ ژڤانه‌يه هه‌ما ئێك ژ وان دره‌وانه يێن خه‌لكێ به‌رێ د كيتابێن خۆ دا نڤيسى.