قورئانا پیرۆز › سورەتا النمل › ئایەتا ٧٢
سورەتا النمل · ئایەتا ٧٢ ب تەفسیرا کوردی
An-Naml
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَا تَحۡزَنۡ عَلَيۡهِمۡ وَلَا تَكُن فِي ضَيۡقٖ مِّمَّا يَمۡكُرُونَ ﴿٧٠﴾
وتو ب خه‌م نه‌كه‌ڤه كو بوتپه‌رێسان پشتا خۆ دايه ته يان باوه‌رى ب ته نه‌ئيناى، وسنگێ ته بلا ژ فه‌ند وفێلێن ئه‌و د گه‌ل ته دكه‌ن ته‌نگ نه‌بت، هندى خودێیه دێ ته ب سه‌ر وان ئێخت.
وَيَقُولُونَ مَتَىٰ هَٰذَا ٱلۡوَعۡدُ إِن كُنتُمۡ صَٰدِقِينَ ﴿٧١﴾
وبوتپه‌رێسێن ملله‌تێ ته -ئه‌ى پێغه‌مبه‌ر- دبێژن: ئه‌ڤ ژڤانێ تو ودويكه‌فتییێن خۆ ب عه‌زابێ ددنه مه كه‌نگییه ئه‌گه‌ر هوين دڕاستگۆنه د وى ژڤانى دا؟
قُلۡ عَسَىٰٓ أَن يَكُونَ رَدِفَ لَكُم بَعۡضُ ٱلَّذِي تَسۡتَعۡجِلُونَ ﴿٧٢﴾
تو -ئه‌ى پێغه‌مبه‌ر- بێژه وان: به‌لكى هنده‌ك ژ وێ عه‌زابا هوين له‌زێ لێ دكه‌ن يا نێزيكى هه‌وه بت.
وَإِنَّ رَبَّكَ لَذُو فَضۡلٍ عَلَى ٱلنَّاسِ وَلَٰكِنَّ أَكۡثَرَهُمۡ لَا يَشۡكُرُونَ ﴿٧٣﴾
وهندى خودايێ ته‌يه يێ خودان قه‌نجییه ل سه‌ر مرۆڤان؛ چونكى ئه‌و له‌زێ د عه‌زابدانا وان دا ناكه‌ت سه‌را كوفر ونه‌گوهدارییا وان، به‌لێ پترییا وان شوكرا خودێ سه‌را وێ چه‌ندێ ناكه‌ن، وباوه‌رییێ نائينن.
وَإِنَّ رَبَّكَ لَيَعۡلَمُ مَا تُكِنُّ صُدُورُهُمۡ وَمَا يُعۡلِنُونَ ﴿٧٤﴾
وهندى خودايێ ته‌يه دزانت كانێ چ د سنگێن به‌نییێن وى دا يێ ڤه‌شارتییه وكانێ ئه‌و چ ئاشكه‌را دكه‌ن.