قورئانا پیرۆز › سورەتا النساء › ئایەتا ١٤٢
سورەتا النساء · ئایەتا ١٤٢ ب تەفسیرا کوردی
An-Nisa
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَقَدۡ نَزَّلَ عَلَيۡكُمۡ فِي ٱلۡكِتَٰبِ أَنۡ إِذَا سَمِعۡتُمۡ ءَايَٰتِ ٱللَّهِ يُكۡفَرُ بِهَا وَيُسۡتَهۡزَأُ بِهَا فَلَا تَقۡعُدُواْ مَعَهُمۡ حَتَّىٰ يَخُوضُواْ فِي حَدِيثٍ غَيۡرِهِۦٓ إِنَّكُمۡ إِذٗا مِّثۡلُهُمۡۗ إِنَّ ٱللَّهَ جَامِعُ ٱلۡمُنَٰفِقِينَ وَٱلۡكَٰفِرِينَ فِي جَهَنَّمَ جَمِيعًا ﴿١٤٠﴾
و ب ڕاستى خودايێ هه‌وه -گه‌لى خودان باوه‌ران- بۆ هه‌وه د كيتابا خۆ دا ئینایه خوارێ كو ئه‌گه‌ر هه‌وه گوهـ لێ بوو كافرى وتڕانه ب ئايه‌تێن خودێ بێنه‌كرن هوين د گه‌ل وان كافران نه‌ڕوينن، هنگى تێ نه‌بت ئه‌گه‌ر وان گۆتنه‌كا دى ژ بلى كوفرێ وتڕانه‌كرنا ب ئايه‌تێن خودێ بكه‌ن، ئه‌گه‌ر هوين د گه‌ل وان ڕوينشتن، وئه‌و ب وى ڕه‌نگى بن، هوين ژى دێ وه‌كى وان بن؛ چونكى ئه‌و هوين ب ياریپێكرن وكوفرا وان ڕازيبوون، وئه‌وێ ب گونه‌هێ ڕازى ببت وه‌كى وییه يێ گونه‌هێ بكه‌ت. هندى خودێیه كۆمكه‌رێ دوڕوى وكافران هه‌مییانه د ئاگرێ جه‌هنه‌مێ، دا ئه‌و تێدا عه‌زابا نه‌خۆش ببينن.
ٱلَّذِينَ يَتَرَبَّصُونَ بِكُمۡ فَإِن كَانَ لَكُمۡ فَتۡحٞ مِّنَ ٱللَّهِ قَالُوٓاْ أَلَمۡ نَكُن مَّعَكُمۡ وَإِن كَانَ لِلۡكَٰفِرِينَ نَصِيبٞ قَالُوٓاْ أَلَمۡ نَسۡتَحۡوِذۡ عَلَيۡكُمۡ وَنَمۡنَعۡكُم مِّنَ ٱلۡمُؤۡمِنِينَۚ فَٱللَّهُ يَحۡكُمُ بَيۡنَكُمۡ يَوۡمَ ٱلۡقِيَٰمَةِۚ وَلَن يَجۡعَلَ ٱللَّهُ لِلۡكَٰفِرِينَ عَلَى ٱلۡمُؤۡمِنِينَ سَبِيلًا ﴿١٤١﴾
دوڕوى ئه‌ون يێن به‌رێ وان لێ كانێ دێ چ شه‌ڕ وفتنه ب سه‌ر هه‌وه دا ئێن گه‌لى خودان باوه‌ران، ڤێجا ئه‌گه‌ر خودێ ژ قه‌نجییا خۆ منه‌ته‌ك ل هه‌وه كر، وهوين ب سه‌ر دوژمنێن هه‌وه ئێخستن وهه‌وه ده‌ستكه‌فتى ب ده‌ست خۆ ئێخستن، ئه‌و دێ بێژن: ما ئه‌م ژى د گه‌ل هه‌وه نه‌بووين ومه پشتا هه‌وه نه‌گرتبوو؟ وئه‌گه‌ر بۆ ئه‌وێن كوفر ب ڤى دينى كرى باره‌ك ژ سه‌ركه‌فتن وده‌سكه‌فتییان هه‌بوو، ئه‌و دێ بێژنه وان: ما مه هاريكارییا هه‌وه نه‌كربوو وهوين ژ خودان باوه‌ران نه‌پاراست بوون؟ ڤێجا خودێیه ل ڕۆژا ڕابوونێ حوكمى د ناڤبه‌را هه‌وه ووان دا دكه‌ت، وخودێ چو ڕێكێن سه‌ركه‌فتنێ بۆ كافران ل سه‌ر به‌نییێن خۆ يێن چاك چێ ناكه‌ت، ودويماهى ل دنيايێ وئاخره‌تێ بۆ ته‌قوادارانه.
إِنَّ ٱلۡمُنَٰفِقِينَ يُخَٰدِعُونَ ٱللَّهَ وَهُوَ خَٰدِعُهُمۡ وَإِذَا قَامُوٓاْ إِلَى ٱلصَّلَوٰةِ قَامُواْ كُسَالَىٰ يُرَآءُونَ ٱلنَّاسَ وَلَا يَذۡكُرُونَ ٱللَّهَ إِلَّا قَلِيلٗا ﴿١٤٢﴾
هندى ڕێكا ئه‌وان دوڕوییانه خاپاندنا خودێیه، ب هندێ كو ئه‌و ب سه‌ر ڤه خۆ ب باوه‌رییێ بيننه‌ده‌ر و د دل دا دكافر بن، هزرا وان ئه‌وه حالێ وان دێ ل خودێ يێ ڤه‌شارتى بت، وئه‌و ب خۆ خودێیه وان دخاپينت و ب وه‌كى كريارا وان جزایى دده‌ته وان، وئه‌گه‌ر ئه‌و دوڕوییێن هه بۆ كرنا نڤێژێ ڕابوونه ڤه، ئه‌و ب سستى وبێ خێره‌تى ڤه ڕادبن، مه‌خسه‌دا وان ب وێ نڤێژێ ريمه‌تییه ودا خه‌لك مه‌دحێن وان بكه‌ن، وكێمه‌كێ نه‌بت ئه‌و خودێ ل بيرا خۆ نائينن.
مُّذَبۡذَبِينَ بَيۡنَ ذَٰلِكَ لَآ إِلَىٰ هَـٰٓؤُلَآءِ وَلَآ إِلَىٰ هَـٰٓؤُلَآءِۚ وَمَن يُضۡلِلِ ٱللَّهُ فَلَن تَجِدَ لَهُۥ سَبِيلٗا ﴿١٤٣﴾
حێبه‌تى وهژهژۆكى ودودلى حالێ ڤان دوڕوییانه، ئه‌و ل سه‌ر ته‌رزه‌كى ڕاناوه‌ستن، نه ئه‌و ژ خودان باوه‌رانه ونه ژ كافرانه. وهه‌چییێ خودێ دلێ وى ژ باوه‌رییێ وپێگيرییا ب هيدايه‌تا خۆ وه‌رگێڕت، تو چو ڕێكێن باوه‌رییێ وهيدايه‌تێ بۆ وى نابينى.
يَـٰٓأَيُّهَا ٱلَّذِينَ ءَامَنُواْ لَا تَتَّخِذُواْ ٱلۡكَٰفِرِينَ أَوۡلِيَآءَ مِن دُونِ ٱلۡمُؤۡمِنِينَۚ أَتُرِيدُونَ أَن تَجۡعَلُواْ لِلَّهِ عَلَيۡكُمۡ سُلۡطَٰنٗا مُّبِينًا ﴿١٤٤﴾
ئه‌ى ئه‌وێن باوه‌رى ب خودێ وپێغه‌مبه‌رێ وى ئيناى وكار ب شریعه‌تێ وى كرى، هوين كافران بۆ خۆ نه‌كه‌نه سه‌ركار، وخودان باوه‌ران بهێلن. ئه‌رێ هه‌وه دڤێت هوين ب حه‌ژێكرنا دوژمنێن خۆ هێجه‌ته‌كا ئاشكه‌را بۆ خودێ ل سه‌ر خۆ چێ كه‌ن كو باوه‌رییا هه‌وه نه يا ژ دله؟