قورئانا پیرۆز › سورەتا النساء › ئایەتا ١٧٠
سورەتا النساء · ئایەتا ١٧٠ ب تەفسیرا کوردی
An-Nisa
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
إِنَّ ٱلَّذِينَ كَفَرُواْ وَظَلَمُواْ لَمۡ يَكُنِ ٱللَّهُ لِيَغۡفِرَ لَهُمۡ وَلَا لِيَهۡدِيَهُمۡ طَرِيقًا ﴿١٦٨﴾
هندى ئه‌ون يێن كافرى كرى؛ و ب مانا خۆ يا ل سه‌ر كوفرێ زۆردارى كرى، نه‌بوويه كو خودێ گونه‌هێن وان بۆ وان ژێ ببه‌ت، يان به‌رێ وان بده‌ته ڕێكه‌كێ ئه‌و پێ ڕزگار ببن.
إِلَّا طَرِيقَ جَهَنَّمَ خَٰلِدِينَ فِيهَآ أَبَدٗاۚ وَكَانَ ذَٰلِكَ عَلَى ٱللَّهِ يَسِيرٗا ﴿١٦٩﴾
ڕێكا جه‌هنه‌مێ تێ نه‌بت، ئه‌و هه‌ر وهه‌ر دێ تێدا مينن، وئه‌و چه‌نده ل سه‌ر خودێ يا ب ساناهى بوويه.
يَـٰٓأَيُّهَا ٱلنَّاسُ قَدۡ جَآءَكُمُ ٱلرَّسُولُ بِٱلۡحَقِّ مِن رَّبِّكُمۡ فَـَٔامِنُواْ خَيۡرٗا لَّكُمۡۚ وَإِن تَكۡفُرُواْ فَإِنَّ لِلَّهِ مَا فِي ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَلِيمًا حَكِيمٗا ﴿١٧٠﴾
گه‌لى مرۆڤان پێغه‌مبه‌رێ مه موحه‌ممه‌د سلاڤ لێ بن ب ئيسلامێ دينێ حه‌ق بۆ هه‌وه هاتییه، ڤێجا هوين باوه‌رییێ پێ بينن ودويكه‌فتنا وى بكه‌ن، هندى باوه‌رى ئينانا ب وییه بۆ هه‌وه چێتره، وئه‌گه‌ر هوين ل سه‌ر كوفرا خۆ دڕژد بن هندى خودێیه چو منه‌ت ب هه‌وه وباوه‌رییا هه‌وه نينه؛ چونكى ملكێ هه‌ر تشته‌كێ ل عه‌سمانان وعه‌ردى بۆ وییه. وخودێ ب گۆتن وكريارێن هه‌وه يێ پڕزانا بوويه، و د كار وشريعه‌تێ خۆ دا يێ كاربنه‌جهـ بوويه. ڤێجا ئه‌گه‌ر عه‌رد وعه‌سمانان وه‌كى ملكێ وى هه‌مییێ خۆ بۆ وى چه‌ماند بن، پا هوين فه‌رترن كو باوه‌رییێ ب خودێ وپێغه‌مبه‌رێ وى بينن، و ب وێ قورئانا وى بۆ پێغه‌مبه‌رێ خۆ ئينايه خوارێ وكو هوين خۆ بۆ وى بچه‌مينن، داكو گه‌ردوون هه‌مى بۆ وى يێ چه‌مياى بت. و د ڤێ ئايه‌تێ دا نيشان هه‌يه كو په‌ياما پێغه‌مبه‌رێ خودێ موحه‌ممه‌دى سلاڤ لێ بن بۆ هه‌مى مرۆڤانه.
يَـٰٓأَهۡلَ ٱلۡكِتَٰبِ لَا تَغۡلُواْ فِي دِينِكُمۡ وَلَا تَقُولُواْ عَلَى ٱللَّهِ إِلَّا ٱلۡحَقَّۚ إِنَّمَا ٱلۡمَسِيحُ عِيسَى ٱبۡنُ مَرۡيَمَ رَسُولُ ٱللَّهِ وَكَلِمَتُهُۥٓ أَلۡقَىٰهَآ إِلَىٰ مَرۡيَمَ وَرُوحٞ مِّنۡهُۖ فَـَٔامِنُواْ بِٱللَّهِ وَرُسُلِهِۦۖ وَلَا تَقُولُواْ ثَلَٰثَةٌۚ ٱنتَهُواْ خَيۡرٗا لَّكُمۡۚ إِنَّمَا ٱللَّهُ إِلَٰهٞ وَٰحِدٞۖ سُبۡحَٰنَهُۥٓ أَن يَكُونَ لَهُۥ وَلَدٞۘ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ وَكَفَىٰ بِٱللَّهِ وَكِيلٗا ﴿١٧١﴾
گه‌لى خودانێن ئنجيلێ، هوین زێده‌گاڤییێ ل سه‌ر دينێ حه‌ق نه‌كه‌ن، و ژ حه‌قییێ پێڤه‌تر هوين چو گۆتنان د ده‌رحه‌قا خودێ دا نه‌بێژن، وهوين چو ژن وكوڕان بۆ وى نه‌دانن، هندى عيسايێ مه‌سيحه كوڕێ مه‌ريه‌مێ پێغه‌مبه‌رێ خودێیه، خودێ ئه‌و ب حه‌قییێ هنارتییه، ووى ئه‌و ب وێ په‌يڤێ ئافراندییه يا وى جبريل بۆ مه‌ريه‌مێ پێ هنارتى، وئه‌و په‌يڤ ئه‌ڤه‌يه: ببه (كن) ئينا ئه‌و بوو، وئه‌و پفكرنه‌كا ژ خودێ بوو، جبريلى ب فه‌رمانا خودێ پفكرى، ڤێجا هوين باوه‌رییێ بينن كو خودێ ئێكه وبۆ وى ته‌سليم ببن، وباوه‌رییێ ب وێ بينن يا پێغه‌مبه‌رێن وى پێ ژ نك وى هاتين، وهوين عيساى وده‌یكا وى د گه‌ل خودێ نه‌كه‌نه هه‌ڤپشك. هوين ڤێ گۆتنێ به‌س كه‌ن ئه‌و بۆ هه‌وه چێتره ژ وێ يا هوين ل سه‌ر، هندى خودێیه خودایه‌كێ ب تنێیه يێ پاك وبلند بت. هه‌ر تشته‌كێ ل عه‌سمانان وعه‌ردى ملكێ وییه، ڤێجا چاوا ژنه‌ك يان كوڕه‌ك ژ وان دێ بۆ وى هه‌بت؟ وخودێ به‌سه كو بۆ ڕێڤه‌برن وژيارا چێكرییێن خۆ وه‌كيل بت، ڤێجا هوين خۆ بهێلنه ب هيڤییا وى ب تنێ ڤه ئه‌و تێرا هه‌وه هه‌يه.
لَّن يَسۡتَنكِفَ ٱلۡمَسِيحُ أَن يَكُونَ عَبۡدٗا لِّلَّهِ وَلَا ٱلۡمَلَـٰٓئِكَةُ ٱلۡمُقَرَّبُونَۚ وَمَن يَسۡتَنكِفۡ عَنۡ عِبَادَتِهِۦ وَيَسۡتَكۡبِرۡ فَسَيَحۡشُرُهُمۡ إِلَيۡهِ جَمِيعٗا ﴿١٧٢﴾
مه‌سيح خۆ ژ هندێ بلندتر نابينت كو به‌نییه‌كێ خودێ بت، وهه‌ر وه‌سا ملیاكه‌تێن نێزيك ژى خۆ ژ هندێ بلندتر نابينن كو ئه‌و په‌رستنا خودێ بكه‌ن، وهه‌چییێ خۆ بلندتر ومه‌زنتر ژ به‌ندايه‌تیێ ببينت، خودێ وان هه‌مییان ل ڕۆژا قيامه‌تێ بۆ نك خۆ دێ كۆم كه‌ت، وئه‌و ب حوكمێ خۆ يێ عادل دێ حوكمى د ناڤبه‌را وان دا كه‌ت، وهه‌ر ئێكى ئه‌و وى جزايێ ئه‌و ژ هه‌ژى بت دێ ده‌تێ.