قورئانا پیرۆز › سورەتا النساء › ئایەتا ١٧٤
سورەتا النساء · ئایەتا ١٧٤ ب تەفسیرا کوردی
An-Nisa
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
لَّن يَسۡتَنكِفَ ٱلۡمَسِيحُ أَن يَكُونَ عَبۡدٗا لِّلَّهِ وَلَا ٱلۡمَلَـٰٓئِكَةُ ٱلۡمُقَرَّبُونَۚ وَمَن يَسۡتَنكِفۡ عَنۡ عِبَادَتِهِۦ وَيَسۡتَكۡبِرۡ فَسَيَحۡشُرُهُمۡ إِلَيۡهِ جَمِيعٗا ﴿١٧٢﴾
مه‌سيح خۆ ژ هندێ بلندتر نابينت كو به‌نییه‌كێ خودێ بت، وهه‌ر وه‌سا ملیاكه‌تێن نێزيك ژى خۆ ژ هندێ بلندتر نابينن كو ئه‌و په‌رستنا خودێ بكه‌ن، وهه‌چییێ خۆ بلندتر ومه‌زنتر ژ به‌ندايه‌تیێ ببينت، خودێ وان هه‌مییان ل ڕۆژا قيامه‌تێ بۆ نك خۆ دێ كۆم كه‌ت، وئه‌و ب حوكمێ خۆ يێ عادل دێ حوكمى د ناڤبه‌را وان دا كه‌ت، وهه‌ر ئێكى ئه‌و وى جزايێ ئه‌و ژ هه‌ژى بت دێ ده‌تێ.
فَأَمَّا ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ فَيُوَفِّيهِمۡ أُجُورَهُمۡ وَيَزِيدُهُم مِّن فَضۡلِهِۦۖ وَأَمَّا ٱلَّذِينَ ٱسۡتَنكَفُواْ وَٱسۡتَكۡبَرُواْ فَيُعَذِّبُهُمۡ عَذَابًا أَلِيمٗا وَلَا يَجِدُونَ لَهُم مِّن دُونِ ٱللَّهِ وَلِيّٗا وَلَا نَصِيرٗا ﴿١٧٣﴾
ڤێجا هندى ئه‌ون يێن ب گۆتن وكريار باوه‌رى ب خودێ ئيناى، و ل سه‌ر ڕێكا شريعه‌تێ وى خۆ ڕاست كرى، ئه‌و جزايێ كريارێن وان دێ ده‌تێ، و ژ قه‌نجییا خۆ ئه‌و دێ ل وان زێده كه‌ت، وهندى ئه‌ون يێن گوهدارییا خودێ نه‌كرى، وخۆ ژ هندێ بلندتر ديتى كو خۆ بۆ وى بچه‌مينن، ئه‌و دێ وان عه‌زاب ده‌ت عه‌زابدانه‌كا ب ئێش، وئه‌و ژ بلى وى چو سه‌ركاران بۆ خۆ نابينن وان ژ عه‌زابا وى ڕزگار بكه‌ن، وئه‌و ژ بلى خودێ چو پشته‌ڤانان ژى بۆ خۆ نابينن وان ب سه‌ر بێخن.
يَـٰٓأَيُّهَا ٱلنَّاسُ قَدۡ جَآءَكُم بُرۡهَٰنٞ مِّن رَّبِّكُمۡ وَأَنزَلۡنَآ إِلَيۡكُمۡ نُورٗا مُّبِينٗا ﴿١٧٤﴾
ئه‌ى گه‌لى مرۆڤان، ده‌ليله‌كێ ئاشكه‌را ژ خودايێ هه‌وه بۆ هه‌وه هات، كو پێغه‌مبه‌رێ مه موحه‌ممه‌ده سلاڤ لێ بن، وئه‌و ده‌ليلێن ئاشكه‌را يێن ئه‌و پێ هاتى، ويێ ژ هه‌مییان مه‌زنتر قورئانا پيرۆزه، تشتێ ڕاستییا پێغه‌مبه‌رينى وپه‌ياما وى ديار دكه‌ت، ومه قورئان بۆ هه‌وه هنارت هيدايه‌ت وڕۆناهییه‌كا ئاشكه‌را.
فَأَمَّا ٱلَّذِينَ ءَامَنُواْ بِٱللَّهِ وَٱعۡتَصَمُواْ بِهِۦ فَسَيُدۡخِلُهُمۡ فِي رَحۡمَةٖ مِّنۡهُ وَفَضۡلٖ وَيَهۡدِيهِمۡ إِلَيۡهِ صِرَٰطٗا مُّسۡتَقِيمٗا ﴿١٧٥﴾
ڤێجا ئه‌وێن ب گۆتن وكريار باوه‌رى ب خودێ ئيناى، وخۆ ب وێ ڕۆناهییێ ڤه گرتى يا مه بۆ ئينايه خوارێ، پاشى ئه‌و ژ قه‌نجى ودلۆڤانییا خۆ دێ وان كه‌ته د به‌حه‌شتێ دا، ودێ به‌رێ وان ده‌ته ڕێكا ڕاست يا سه‌رى دكێشته مێرگێن به‌حه‌شتێ.
يَسۡتَفۡتُونَكَ قُلِ ٱللَّهُ يُفۡتِيكُمۡ فِي ٱلۡكَلَٰلَةِۚ إِنِ ٱمۡرُؤٌاْ هَلَكَ لَيۡسَ لَهُۥ وَلَدٞ وَلَهُۥٓ أُخۡتٞ فَلَهَا نِصۡفُ مَا تَرَكَۚ وَهُوَ يَرِثُهَآ إِن لَّمۡ يَكُن لَّهَا وَلَدٞۚ فَإِن كَانَتَا ٱثۡنَتَيۡنِ فَلَهُمَا ٱلثُّلُثَانِ مِمَّا تَرَكَۚ وَإِن كَانُوٓاْ إِخۡوَةٗ رِّجَالٗا وَنِسَآءٗ فَلِلذَّكَرِ مِثۡلُ حَظِّ ٱلۡأُنثَيَيۡنِۗ يُبَيِّنُ ٱللَّهُ لَكُمۡ أَن تَضِلُّواْۗ وَٱللَّهُ بِكُلِّ شَيۡءٍ عَلِيمُۢ ﴿١٧٦﴾
ئه‌ى پێغه‌مبه‌ر ئه‌و پسيارا وى ژ ته دكه‌ن يێ بمرت ووى نه‌باب هه‌ى ونه‌زارۆك، تو بێژه: خودێ حوكمێ وى بۆ هه‌وه ئاشكه‌را دكه‌ت: ئه‌گه‌ر مرۆڤه‌ك مر ووى نه ده‌یباب هه‌بن ونه زارۆك، ووى خويشكه‌كا ده‌یبابى هه‌بت، يان خويشكه‌كا ژ بابێ ب تنێ، نيڤا ميراتێ وى بۆ وێیه، وبرايێ وێ يێ ده‌یبابى بت يان يێ ژ بابێ بت هه‌مى ميراتێ وێ وه‌ردگرت ئه‌گه‌ر ئه‌و مر ووێ نه چو زارۆك هه‌بن ونه ده‌یباب. وئه‌گه‌ر ئه‌وێ دمرت ونه ده‌یباب هه‌ين ونه زارۆك دو خويشك هه‌بن، دوسێكا مالێ وى هێلاى بۆ وانه. وئه‌گه‌ر برايێن نه ژ دايێ د گه‌ل يێن مێ كۆم بوون بۆ يێ نێر وه‌كى بارا دو ژ يێن مێیه ژ خويشكێن وى. خودێ لێكڤه‌كرنا ميراتى وحوكمێ ميراتێ وى يێ بێ ده‌یباب وزارۆك بۆ هه‌وه ئاشكه‌را دكه‌ت؛ دا هوين د مه‌سه‌لا ميراتى دا ژ حه‌قییێ به‌رزه نه‌بن. وخودێ ب دويماهییا كاران يێ زانايه، وئه‌و د زانت كانێ چ خێر بۆ به‌نییێن وى تێدا هه‌يه.