قورئانا پیرۆز › سورەتا النساء › ئایەتا ٦١
سورەتا النساء · ئایەتا ٦١ ب تەفسیرا کوردی
An-Nisa
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
يَـٰٓأَيُّهَا ٱلَّذِينَ ءَامَنُوٓاْ أَطِيعُواْ ٱللَّهَ وَأَطِيعُواْ ٱلرَّسُولَ وَأُوْلِي ٱلۡأَمۡرِ مِنكُمۡۖ فَإِن تَنَٰزَعۡتُمۡ فِي شَيۡءٖ فَرُدُّوهُ إِلَى ٱللَّهِ وَٱلرَّسُولِ إِن كُنتُمۡ تُؤۡمِنُونَ بِٱللَّهِ وَٱلۡيَوۡمِ ٱلۡأٓخِرِۚ ذَٰلِكَ خَيۡرٞ وَأَحۡسَنُ تَأۡوِيلًا ﴿٥٩﴾
گه‌لى ئه‌وێن باوه‌ری ب خودێ وپێغه‌مبه‌رێ وى ئیناى ، ودویكه‌فتنا شریعه‌تێ وى كرى، هوین د به‌رسڤا فه‌رمانێن خودێ وه‌رن وبێ ئه‌مرییا وى نه‌كه‌ن، و د به‌رسڤا پێغه‌مبه‌رى ژى سلاڤ لێ بن وه‌رن، وگوهدارییا وێ حه‌قییێ بكه‌ن يا ئه‌و پێ هاتى، وگوهدارییا مه‌زن وكاربده‌ستێن خۆ بكه‌ن به‌لێ نه د بێ ئه‌مرییا خودێ دا، وئه‌گه‌ر هوين د ناڤبه‌را خۆ دا ل سه‌ر تشته‌كى ب هه‌ڤڕكى چوون، هوين حوكمێ وى تشتى بۆ خودێ وپێغه‌مبه‌ری بزڤڕینن، ئه‌گه‌ر هه‌وه ب دورستى باوه‌رى ب خودێ وڕۆژا حسێبێ هه‌بت. ئه‌ڤ زڤڕاندنا هه‌وه ژ هه‌ڤڕكییێ وژێكڤه‌بوونێ چێتره، ودويماهییا وێ باشتره.
أَلَمۡ تَرَ إِلَى ٱلَّذِينَ يَزۡعُمُونَ أَنَّهُمۡ ءَامَنُواْ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَ يُرِيدُونَ أَن يَتَحَاكَمُوٓاْ إِلَى ٱلطَّـٰغُوتِ وَقَدۡ أُمِرُوٓاْ أَن يَكۡفُرُواْ بِهِۦۖ وَيُرِيدُ ٱلشَّيۡطَٰنُ أَن يُضِلَّهُمۡ ضَلَٰلَۢا بَعِيدٗا ﴿٦٠﴾
ئه‌ى پێغه‌مبه‌ر ما ته كارێ وان منافقان نه‌زانییه ئه‌وێن ژ دره‌و دبێژن وان باوه‌رى ب وێ ئينايه يا بۆ ته هاتییه خوارێ -كو قورئانه- و ب وێ ژى يا به‌رى ته بۆ پێغه‌مبه‌ران هاتییه خوارێ، ووان د چاره‌كرنا هه‌ڤڕكییان دا دڤێت حوكمێ خۆ ببه‌نه نك وى شريعه‌تێ به‌تال يێ خودێ نه‌داناى، وئه‌و ب خۆ فه‌رمان يا ل وان هاتییه‌كرن كو ئه‌و باوه‌رییێ ب نه‌حه‌قییێ نه‌ئينن؟ وشه‌يتانى دڤێت وان دويراتییه‌كا دوير ژ ڕێكا حه‌ق دوير بكه‌ت. و ژ ڤێ ئايه‌تێ ئاشكه‌را دبت كو باوه‌رییا ڕاست هندێ دخوازت كو خودان ل دويڤ شريعه‌تێ خودێ بچت، و د هه‌مى كاران دا حوكمى پێ بكه‌ت، ڤێجا هه‌چییێ بێژت ئه‌ز خودان باوه‌رم پاشى حوكمێ طاغووتى ب سه‌ر حوكمێ خودێ بێخت، ئه‌و د ڤێ گۆتنا خۆ دا يێ دره‌وينه.
وَإِذَا قِيلَ لَهُمۡ تَعَالَوۡاْ إِلَىٰ مَآ أَنزَلَ ٱللَّهُ وَإِلَى ٱلرَّسُولِ رَأَيۡتَ ٱلۡمُنَٰفِقِينَ يَصُدُّونَ عَنكَ صُدُودٗا ﴿٦١﴾
وئه‌گه‌ر شيره‌ت ل وان هاته‌كرن، وبۆ وان هاته گۆتن: وه‌رنه وێ يا خودێ ئينايه خوارێ، ووێ يا موحه‌ممه‌د پێغه‌مبه‌رى سلاڤ لێ بن گۆتى، تو دێ وان بينى يێن ب سه‌ر ڤه باوه‌رى ئيناى و د دل دكافر پشتا خۆ دێ ده‌نه ته وڕوییێ خۆ وه‌ردگێڕن.
فَكَيۡفَ إِذَآ أَصَٰبَتۡهُم مُّصِيبَةُۢ بِمَا قَدَّمَتۡ أَيۡدِيهِمۡ ثُمَّ جَآءُوكَ يَحۡلِفُونَ بِٱللَّهِ إِنۡ أَرَدۡنَآ إِلَّآ إِحۡسَٰنٗا وَتَوۡفِيقًا ﴿٦٢﴾
ڤێجا حالێ وان منافقان دێ يێ چاوا بت، ئه‌گه‌ر ژ به‌ر وى كارێ وان ب ده‌ستێن خۆ كرى ئاتافه‌ك ب سه‌رێ وان هات، پاشى ئه‌و هاتنه نك ته -ئه‌ى پێغه‌مبه‌ر- داخوازا لێبۆرينێ كر، و ب سويندان ڕا چوون كو وان ب كريارێن خۆ ب تنێ قه‌نجى وپێكئينانا د ناڤبه‌را هه‌ڤڕكان دا ڤيايه؟
أُوْلَـٰٓئِكَ ٱلَّذِينَ يَعۡلَمُ ٱللَّهُ مَا فِي قُلُوبِهِمۡ فَأَعۡرِضۡ عَنۡهُمۡ وَعِظۡهُمۡ وَقُل لَّهُمۡ فِيٓ أَنفُسِهِمۡ قَوۡلَۢا بَلِيغٗا ﴿٦٣﴾
ئه‌و ئه‌ون يێن خودێ ڕاستییا وێ نفاقا د دلێن وان دا هه‌ى دزانت، ڤێجا تو ژ وان بگه‌ڕه، ووان ژ خرابییا كارێ ئه‌و ل سه‌ر دچن بترسينه، وتو گۆتنه‌كا كارتێكه‌ر د وان ب خۆ دا بێژێ.