قورئانا پیرۆز › سورەتا النساء › ئایەتا ٨٨
سورەتا النساء · ئایەتا ٨٨ ب تەفسیرا کوردی
An-Nisa
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَإِذَا حُيِّيتُم بِتَحِيَّةٖ فَحَيُّواْ بِأَحۡسَنَ مِنۡهَآ أَوۡ رُدُّوهَآۗ إِنَّ ٱللَّهَ كَانَ عَلَىٰ كُلِّ شَيۡءٍ حَسِيبًا ﴿٨٦﴾
وئه‌گه‌ر موسلمانه‌كى سلاڤى وه كر هوين ب ڕه‌نگه‌كێ باشتر ژ لايێ په‌يڤ وگڕنژينێ ڤه به‌رسڤا سلاڤا وى بده‌ن، يان هه‌ما وه‌كى يا وى لێ ڤه‌گێڕن، وهه‌ر ئێكێ خێر وجزايێ خۆ هه‌يه. هندى خودێیه جزايێ هه‌ر تشته‌كى دده‌ت.
ٱللَّهُ لَآ إِلَٰهَ إِلَّا هُوَۚ لَيَجۡمَعَنَّكُمۡ إِلَىٰ يَوۡمِ ٱلۡقِيَٰمَةِ لَا رَيۡبَ فِيهِۗ وَمَنۡ أَصۡدَقُ مِنَ ٱللَّهِ حَدِيثٗا ﴿٨٧﴾
خودێ ب تنێیه يێ هێژاى خوداينییێ، ل ڕۆژا قيامه‌تێ یا چو گومان تێدا نه، ئه‌و دێ هه‌وه هه‌مییان بۆ حسێب وجزادانێ كۆم كه‌ت. وكه‌س ژ خودێ يێ ئاخفتن ڕاستتر نينه.
۞فَمَا لَكُمۡ فِي ٱلۡمُنَٰفِقِينَ فِئَتَيۡنِ وَٱللَّهُ أَرۡكَسَهُم بِمَا كَسَبُوٓاْۚ أَتُرِيدُونَ أَن تَهۡدُواْ مَنۡ أَضَلَّ ٱللَّهُۖ وَمَن يُضۡلِلِ ٱللَّهُ فَلَن تَجِدَ لَهُۥ سَبِيلٗا ﴿٨٨﴾
ڤێجا هه‌وه چيه -گه‌لى خودان باوه‌ران- هوين د مه‌سه‌لا دوڕوییان دا بووينه دو ده‌سته‌ك: ده‌سته‌كه‌ك دبێژت ئه‌م دێ شه‌ڕێ وان كه‌ين، وده‌سته‌كه‌ك دبێژت ئه‌م شه‌ڕێ وان ناكه‌ين؟ و ژ به‌ر خرابییا كريارا وان خودێ ئه‌و ئێخستنه د كوفرێ وبه‌رزه‌بوونێ دا. ئه‌رێ ما هه‌وه دڤێت هوین وى بيننه سه‌ر ڕێ يێ خودێ به‌رێ وى ژ دينێ خۆ وه‌رگێڕاى؟ وهه‌چییێ خودێ به‌رێ وى ژ دينێ خۆ ودويچوونا فه‌رمانا خۆ وه‌رگێڕا، وى چو ڕێ بۆ هيدايه‌تێ نابن.
وَدُّواْ لَوۡ تَكۡفُرُونَ كَمَا كَفَرُواْ فَتَكُونُونَ سَوَآءٗۖ فَلَا تَتَّخِذُواْ مِنۡهُمۡ أَوۡلِيَآءَ حَتَّىٰ يُهَاجِرُواْ فِي سَبِيلِ ٱللَّهِۚ فَإِن تَوَلَّوۡاْ فَخُذُوهُمۡ وَٱقۡتُلُوهُمۡ حَيۡثُ وَجَدتُّمُوهُمۡۖ وَلَا تَتَّخِذُواْ مِنۡهُمۡ وَلِيّٗا وَلَا نَصِيرًا ﴿٨٩﴾
دوڕوییان دڤيا هوين ژى ب وێ ڕاستییێ كافر ببن يا دلێن هه‌وه باوه‌رى پێ ئيناى، وه‌كى وان ب دلێن خۆ كافرى پێ كرى، دا هوين وئه‌و د كوفرێ دا وه‌كى ئێك لێ بێن، ڤێجا حه‌تا ئه‌و د ڕێكا خودێ دا مشه‌خت نه‌بن، هوين چو دۆستان بۆ خۆ ژ وان نه‌گرن، ، دا ئه‌و مشه‌ختبوونا وان ببته نيشان ل سه‌ر ڕاستییا باوه‌رییا وان، ڤێجا ئه‌گه‌ر وان پشت دا وێ يا ئه‌و بۆ هاتينه داخوازكرن، هوين وان بگرن وهه‌چى جهێ هه‌وه ئه‌و لێ ديتن هوین وان بكوژن، وهوين ژ بلى خودێ چو دۆست وپشته‌ڤانان بۆ خۆ ژ وان نه‌گرن داخوازا پشته‌ڤانییێ ژێ بكه‌ن.
إِلَّا ٱلَّذِينَ يَصِلُونَ إِلَىٰ قَوۡمِۭ بَيۡنَكُمۡ وَبَيۡنَهُم مِّيثَٰقٌ أَوۡ جَآءُوكُمۡ حَصِرَتۡ صُدُورُهُمۡ أَن يُقَٰتِلُوكُمۡ أَوۡ يُقَٰتِلُواْ قَوۡمَهُمۡۚ وَلَوۡ شَآءَ ٱللَّهُ لَسَلَّطَهُمۡ عَلَيۡكُمۡ فَلَقَٰتَلُوكُمۡۚ فَإِنِ ٱعۡتَزَلُوكُمۡ فَلَمۡ يُقَٰتِلُوكُمۡ وَأَلۡقَوۡاْ إِلَيۡكُمُ ٱلسَّلَمَ فَمَا جَعَلَ ٱللَّهُ لَكُمۡ عَلَيۡهِمۡ سَبِيلٗا ﴿٩٠﴾
به‌لێ هوين شه‌ڕێ وان نه‌كه‌ن ئه‌وێن دگه‌هنه ملله‌ته‌كێ كو د ناڤبه‌را هه‌وه ووان دا په‌يمانه‌ك هه‌ى، هه‌ر وه‌سا شه‌ڕێ وان ژى نه‌كه‌ن ئه‌وێن هاتينه نك هه‌وه دبێنته‌نگ ووان پێ نه‌خۆش كو شه‌ڕێ هه‌وه بكه‌ن، يان شه‌ڕێ ملله‌تێ خۆ بكه‌ن، وئه‌و نه د گه‌ل هه‌وه بووينه ونه د گه‌ل ملله‌تێ خۆ بووينه، هوين شه‌ڕێ وان نه‌كه‌ن، وئه‌گه‌ر خودێ ڤيابا دا وان ل سه‌ر هه‌وه زال كه‌ت، ڤێجا ئه‌و د گه‌ل دوژمنێن هه‌وه يێن بوتپه‌رێس دا شه‌ڕێ هه‌وه كه‌ن، به‌لێ خودێ ژ قه‌نجییا خۆ به‌رێ وان ژ هه‌وه وه‌رگێڕا، ڤێجا ئه‌گه‌ر وان خۆ ژ هه‌وه ڤه‌ده‌ر كر و شه‌ڕێ هه‌وه نه‌كر، وخۆ ئێخسته د بن په‌ڕێ هه‌وه ڤه، هه‌وه چو حه‌ق ل سه‌ر وان نينه كو هوين شه‌ڕێ وان بكه‌ن.