قورئانا پیرۆز › سورەتا النور › ئایەتا ٢٨
سورەتا النور · ئایەتا ٢٨ ب تەفسیرا کوردی
An-Nur
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱلۡخَبِيثَٰتُ لِلۡخَبِيثِينَ وَٱلۡخَبِيثُونَ لِلۡخَبِيثَٰتِۖ وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ أُوْلَـٰٓئِكَ مُبَرَّءُونَ مِمَّا يَقُولُونَۖ لَهُم مَّغۡفِرَةٞ وَرِزۡقٞ كَرِيمٞ ﴿٢٦﴾
هه‌ر پيسییه‌كا هه‌بت ژ ژن ومێر وگۆتن وكرياران ئه‌و بابه‌تى تشتێ پيسه ويێ هێژاى وییه، وهه‌ر پاقژییه‌ك ژ ژن ومێر وگۆتن وكرياران ئه‌و بابه‌تى تشتێ پاقژه ويێ هێژاى وییه، وژن ومێرێن پاقژ ژ وێ خرابییێ دبه‌رينه يا مرۆڤێن پيس ب دويڤ وان ڤه‌دنن، لێبۆرينه‌ك ژ خودێ بۆ وان هه‌يه كو گونه‌هێن وان هه‌مییان ڤه‌گرت، وڕزقه‌كێ ب بها بۆ وان د به‌حه‌شتێ دا هه‌يه.
يَـٰٓأَيُّهَا ٱلَّذِينَ ءَامَنُواْ لَا تَدۡخُلُواْ بُيُوتًا غَيۡرَ بُيُوتِكُمۡ حَتَّىٰ تَسۡتَأۡنِسُواْ وَتُسَلِّمُواْ عَلَىٰٓ أَهۡلِهَاۚ ذَٰلِكُمۡ خَيۡرٞ لَّكُمۡ لَعَلَّكُمۡ تَذَكَّرُونَ ﴿٢٧﴾
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى، ژبلی مالێن خۆ هوين نه‌چنه د چو مالێن دى ڤه حه‌تا هوين ده‌ستويرییێ ژ خودانێ مالێ دخوازن وسلاڤ دكه‌نێ. وڕه‌نگێ سلاڤێ وه‌كى د سوننه‌تێ دا هاتى ئه‌ڤه‌يه: سلاڤ ل وه بن بێمه ژۆر؟ ئه‌ڤ ده‌ستويرییه بۆ هه‌وه چێتره؛ دا به‌لكى هوين -ب كرنا وێ- فه‌رمانێن خودێ ل بيرا خۆ بينن، وگوهدارییا وى بكه‌ن.
فَإِن لَّمۡ تَجِدُواْ فِيهَآ أَحَدٗا فَلَا تَدۡخُلُوهَا حَتَّىٰ يُؤۡذَنَ لَكُمۡۖ وَإِن قِيلَ لَكُمُ ٱرۡجِعُواْ فَٱرۡجِعُواْۖ هُوَ أَزۡكَىٰ لَكُمۡۚ وَٱللَّهُ بِمَا تَعۡمَلُونَ عَلِيمٞ ﴿٢٨﴾
ڤێجا ئه‌گه‌ر هوين د مالێن وان دا كه‌سێ نه‌بينن نه‌چنه ژۆر حه‌تا ئێك هه‌بت ده‌ستويرییێ بده‌ته هه‌وه، وئه‌گه‌ر ئه‌و ده‌ستويرییێ نه‌ده‌ت، وبێژته هه‌وه: بزڤڕن هوين بزڤڕن، ووى نه‌ئێخنه كراسێ شه‌رمێ، وزڤڕين هنگى بۆ هه‌و پاقژتره؛ چونكى هنده‌ك حاله‌ت يێن هه‌ين مرۆڤى نه‌ڤێت كه‌س مرۆڤى تێدا ببينت. وخودێ ب كارێ هوين دكه‌ن يێ پڕزانايه، وئه‌و جزايێ هه‌ر ئێكى ل دويڤ كارێ وى دێ ده‌تێ.
لَّيۡسَ عَلَيۡكُمۡ جُنَاحٌ أَن تَدۡخُلُواْ بُيُوتًا غَيۡرَ مَسۡكُونَةٖ فِيهَا مَتَٰعٞ لَّكُمۡۚ وَٱللَّهُ يَعۡلَمُ مَا تُبۡدُونَ وَمَا تَكۡتُمُونَ ﴿٢٩﴾
به‌لێ چو گونه‌هـ ل سه‌ر هه‌وه نينه كو هوين بێ ده‌ستويرى بچنه وان مالێن بۆ هنده‌ك كه‌سێن تايبه‌ت نه‌هاتبنه ته‌رخانكرن، به‌لكى بۆ هه‌ر كه‌سه‌كێ پێتڤى هاتبنه دورستكرن، وه‌كى وان مالان يێن بۆ وه‌قفێ ل سه‌ر ڕێكا هاتينه چێكرن، ومفا بۆ هه‌ر كه‌سه‌كێ پێتڤى د وان دا هه‌يه، و د خواستنا ده‌ستويرییێ دا ل ڤان جهان زه‌حمه‌ت هه‌يه. وخودێ كارێن هه‌وه يێن ئاشكه‌را وڤه‌شارتى دزانت.
قُل لِّلۡمُؤۡمِنِينَ يَغُضُّواْ مِنۡ أَبۡصَٰرِهِمۡ وَيَحۡفَظُواْ فُرُوجَهُمۡۚ ذَٰلِكَ أَزۡكَىٰ لَهُمۡۚ إِنَّ ٱللَّهَ خَبِيرُۢ بِمَا يَصۡنَعُونَ ﴿٣٠﴾
تو -ئه‌ى پێغه‌مبه‌ر- بێژه خودان باوه‌ران بلا ئه‌و چاڤێن خۆ ژ وى تشتى بگرن يێ بۆ وان حه‌لال نه‌بت ژ ژن وعه‌وره‌تان، وبلا ئه‌و نامويسا خۆ ژ حه‌رامییێ بپارێزن، ئه‌ڤه بۆ وان پاڤژتره. هندى خودێیه ب كارێ ئه‌و دكه‌ن يێ شاره‌زايه.