قورئانا پیرۆز › سورەتا النور › ئایەتا ٣٦
سورەتا النور · ئایەتا ٣٦ ب تەفسیرا کوردی
An-Nur
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَلَقَدۡ أَنزَلۡنَآ إِلَيۡكُمۡ ءَايَٰتٖ مُّبَيِّنَٰتٖ وَمَثَلٗا مِّنَ ٱلَّذِينَ خَلَوۡاْ مِن قَبۡلِكُمۡ وَمَوۡعِظَةٗ لِّلۡمُتَّقِينَ ﴿٣٤﴾
ومه ب ڕاستى ئايه‌تێن قورئانێ يێن حه‌قییێ ئاشكه‌را دكه‌ن، ومه‌ته‌له‌ك ژ به‌حسێ ملله‌تێن به‌رێ، وشيره‌ته‌كا ئه‌و مفایى ژێ ببينت يێ ژ خودێ بترست وخۆ ژ عه‌زابا وى بده‌ته پاش، بۆ هه‌وه ئينانه خوارێ.
۞ٱللَّهُ نُورُ ٱلسَّمَٰوَٰتِ وَٱلۡأَرۡضِۚ مَثَلُ نُورِهِۦ كَمِشۡكَوٰةٖ فِيهَا مِصۡبَاحٌۖ ٱلۡمِصۡبَاحُ فِي زُجَاجَةٍۖ ٱلزُّجَاجَةُ كَأَنَّهَا كَوۡكَبٞ دُرِّيّٞ يُوقَدُ مِن شَجَرَةٖ مُّبَٰرَكَةٖ زَيۡتُونَةٖ لَّا شَرۡقِيَّةٖ وَلَا غَرۡبِيَّةٖ يَكَادُ زَيۡتُهَا يُضِيٓءُ وَلَوۡ لَمۡ تَمۡسَسۡهُ نَارٞۚ نُّورٌ عَلَىٰ نُورٖۚ يَهۡدِي ٱللَّهُ لِنُورِهِۦ مَن يَشَآءُۚ وَيَضۡرِبُ ٱللَّهُ ٱلۡأَمۡثَٰلَ لِلنَّاسِۗ وَٱللَّهُ بِكُلِّ شَيۡءٍ عَلِيمٞ ﴿٣٥﴾
خودێ ڕۆناهییا عه‌سمانان وعه‌ردییه ئه‌و كارێ وان ب ڕێڤه دبه‌ت وبه‌رێ خه‌لكێ وان دده‌ته هيدايه‌تێ، ئه‌و ڕۆناهییه، وحيجابێ وى ڕۆناهییه، عه‌سمان وعه‌رد وهه‌ر تشته‌كێ د ناڤ دا هه‌ى ب وى ڕوهن بووينه، وكيتابا وى وهيدايه‌تا وى ڕۆناهییه‌كه ژ وى، ڤێجا ئه‌گه‌ر ڕۆناهییا وى نه‌با تارى دا كه‌ڤنه سه‌رێك. مه‌ته‌لا ڕۆناهییا وى يا ئه‌و به‌رێ خه‌لكى دده‌تێ، كو باوه‌رى وقورئانه يا كو د سنگێ خودان باوه‌رى دا، وه‌كى وێ كوله‌كێيه يا چرایه‌ك تێدا، ڤێجا كوله‌ك ڕۆناهییا وى چرایى بگرت ونه‌هێلت به‌لاڤه ببت، وئه‌و چرا د شويشه‌كێ دا بت يا كو ژ زه‌لالییا خۆ وه‌كى وێ ستێرا گه‌ش بت يا وه‌كى دوڕ ومرارییان، ئه‌و چرا ژ زه‌يتا داره‌كا پيرۆز بێته هلكرن، كو دارا زه‌يتوينیێیه، يا ڕۆژهه‌لاتى ب تنێ نه‌بت كو ئێڤارییان ب تنێ ڕۆژ لێ بده‌ت، ويا ڕۆژئاڤايى ژى ب تنێ نه‌بت كو سپێده‌يان ب تنێ ڕۆژ لێ بده‌ت، به‌لكى ل جهه‌كێ ناڤنجى بت، نێزيكه زه‌يتا وێ -ژ زه‌لالییا خۆ- ئه‌و ب خۆ گه‌ش بكه‌ت به‌رى ئاگر بگه‌هتێ، ڤێجا ئه‌گه‌ر ئاگر گه‌هشتێ گه‌له‌ك گه‌ش بكه‌ت، ڕۆناهییا ل سه‌ر ڕۆناهیێیه، ڕۆناهییا ژ به‌ر گه‌شاتییا زه‌يتێ زێده‌بارى ڕۆناهییا ژ هلكرنا ئاگرى دئێت، ئه‌ڤه مه‌ته‌لا هيدايه‌تێيه د دلێ خودان باوه‌رى دا. وخودێ به‌رێ وى دده‌ته دويكه‌فتنا قورئانێ يێ وى بڤێت، وئه‌و مه‌ته‌لان بۆ مرۆڤان دئينت؛ دا عه‌قلی بۆ خۆ ژێ بگرن. وخودێ ب هه‌ر تشته‌كى يێ پڕزانايه.
فِي بُيُوتٍ أَذِنَ ٱللَّهُ أَن تُرۡفَعَ وَيُذۡكَرَ فِيهَا ٱسۡمُهُۥ يُسَبِّحُ لَهُۥ فِيهَا بِٱلۡغُدُوِّ وَٱلۡأٓصَالِ ﴿٣٦﴾
ئه‌ڤ ڕۆناهییا گه‌ش ل هنده‌ك مزگه‌فتان هه‌يه، خودێ فه‌رمان كرییه كو ئه‌و ب قه‌در بكه‌ڤن وبێنه ئاڤاكرن، و ب خواندنا قورئانێ وزكرى ناڤێ وى لێ بێته خواندن، سپێده وئێڤاران نڤێژ بۆ خودێ لێ دئێته‌كرن.
رِجَالٞ لَّا تُلۡهِيهِمۡ تِجَٰرَةٞ وَلَا بَيۡعٌ عَن ذِكۡرِ ٱللَّهِ وَإِقَامِ ٱلصَّلَوٰةِ وَإِيتَآءِ ٱلزَّكَوٰةِ يَخَافُونَ يَوۡمٗا تَتَقَلَّبُ فِيهِ ٱلۡقُلُوبُ وَٱلۡأَبۡصَٰرُ ﴿٣٧﴾
هنده‌ك زه‌لامن نه بازرگانى ونه كڕين وفرۆتن وان ژ زكرێ خودێ، وكرنا نڤێژێ، ودانا زه‌كاتێ بۆ پێتڤییان مۆژيل ناكه‌ت، ئه‌و ژ ڕوژا قيامه‌تێ دترسن يا كو دل تێدا د ناڤبه‌را هيڤى وترسێ دا دئێنه وه‌رگێڕان، وچاڤ ژى تێدا دئێنه وه‌رگێڕان به‌رێ وان دمينته ل هندێ كانێ دێ چ ب سه‌رى ئێت؟
لِيَجۡزِيَهُمُ ٱللَّهُ أَحۡسَنَ مَا عَمِلُواْ وَيَزِيدَهُم مِّن فَضۡلِهِۦۗ وَٱللَّهُ يَرۡزُقُ مَن يَشَآءُ بِغَيۡرِ حِسَابٖ ﴿٣٨﴾
دا خودێ جزايێ باشترين كارێن وان بده‌تێ، و ژ قه‌نجییا خۆ خێرێ ل وان زێده كه‌ت. ويێ خودێ بڤێت ئه‌و بێ هژمار ڕزقى دده‌تێ، وهند خێرێ دده‌تێ كو چو جاران ئه‌و كارێ ئه‌و دكه‌ت هندى وێ خێرێ نه‌بت.