قورئانا پیرۆز › سورەتا النور › ئایەتا ٤٧
سورەتا النور · ئایەتا ٤٧ ب تەفسیرا کوردی
An-Nur
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
وَٱللَّهُ خَلَقَ كُلَّ دَآبَّةٖ مِّن مَّآءٖۖ فَمِنۡهُم مَّن يَمۡشِي عَلَىٰ بَطۡنِهِۦ وَمِنۡهُم مَّن يَمۡشِي عَلَىٰ رِجۡلَيۡنِ وَمِنۡهُم مَّن يَمۡشِي عَلَىٰٓ أَرۡبَعٖۚ يَخۡلُقُ ٱللَّهُ مَا يَشَآءُۚ إِنَّ ٱللَّهَ عَلَىٰ كُلِّ شَيۡءٖ قَدِيرٞ ﴿٤٥﴾
وخودێ هه‌ر تشته‌كێ ل سه‌ر عه‌ردى ب ڕێڤه دچت ژ ئاڤێ ئافراندییه، وئاڤ بناخه‌يێ ئافراندنا وییه، ڤێجا ژ ڤان خودان ڕحان هه‌يه يێ ل سه‌ر زكێ خۆ ب ڕێڤه دچت وه‌كى ماران، و ژ وان هه‌يه يێ ل سه‌ر دو پییان دچت وه‌كى مرۆڤان، و ژ وان هه‌يه يێ ل سه‌ر چاران دچت وه‌كى هنده‌ك حه‌يوانه‌تان. وتشتێ خودێ بڤێت ئه‌و دئافرينت، وئه‌و ل سه‌ر هه‌ر تشته‌كى يێ خودان شيانه.
لَّقَدۡ أَنزَلۡنَآ ءَايَٰتٖ مُّبَيِّنَٰتٖۚ وَٱللَّهُ يَهۡدِي مَن يَشَآءُ إِلَىٰ صِرَٰطٖ مُّسۡتَقِيمٖ ﴿٤٦﴾
ب ڕاستى مه د قورئانێ دا هنده‌ك نيشانێن ئاشكه‌را يێن ئيناينه خوارێ به‌رێ خه‌لكى دده‌نه حه‌قییێ. وهه‌چییێ خودێ بڤێت ئه‌و به‌رێ وى دده‌ته ڕێكا ڕاست، كو ئيسلامه.
وَيَقُولُونَ ءَامَنَّا بِٱللَّهِ وَبِٱلرَّسُولِ وَأَطَعۡنَا ثُمَّ يَتَوَلَّىٰ فَرِيقٞ مِّنۡهُم مِّنۢ بَعۡدِ ذَٰلِكَۚ وَمَآ أُوْلَـٰٓئِكَ بِٱلۡمُؤۡمِنِينَ ﴿٤٧﴾
ودوڕوى دبێژن: مه باوه‌رى ب خودێ و ب وێ يا پێغه‌مبه‌ر پێ هاتى ئينايه، ومه گوهدارییا فه‌رمانا وان كرییه، پاشى هنده‌ك ده‌سته‌ك ژ وان پشتى هنگى پشت دده‌ن وحوكمێ پێغه‌مبه‌رى قه‌بويل ناكه‌ن، وئه‌و نه دخودان باوه‌رن.
وَإِذَا دُعُوٓاْ إِلَى ٱللَّهِ وَرَسُولِهِۦ لِيَحۡكُمَ بَيۡنَهُمۡ إِذَا فَرِيقٞ مِّنۡهُم مُّعۡرِضُونَ ﴿٤٨﴾
وئه‌گه‌ر د هه‌ڤڕكییێن وان دا ژ وان هاته خواستن ئه‌و حوكمى ب كيتابا خودێ و ب گۆتنا پێغه‌مبه‌رێ وى بكه‌ن، هنگى ده‌سته‌كه‌ك ژ وان دێ پشت دده‌ت وحوكمێ خودێ وحوكمێ پێغه‌مبه‌رێ وى قه‌بويل ناكه‌ت، هه‌ر چه‌نده حه‌قییا بێ گومان ئه‌وه.
وَإِن يَكُن لَّهُمُ ٱلۡحَقُّ يَأۡتُوٓاْ إِلَيۡهِ مُذۡعِنِينَ ﴿٤٩﴾
وئه‌گه‌ر حه‌قى ل لايێ وان بت ئه‌و دێ خۆ ب ده‌ست ئه‌مرێ پێغه‌مبه‌رى ڤه -سلاڤ لێ بن- به‌رده‌ن وپێ ڕازى بن؛ چونكى ئه‌و دزانن پێغه‌مبه‌ر حوكمى ب حه‌قییێ دێ كه‌ت.