قورئانا پیرۆز › سورەتا النور › ئایەتا ٥
سورەتا النور · ئایەتا ٥ ب تەفسیرا کوردی
An-Nur
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱلزَّانِي لَا يَنكِحُ إِلَّا زَانِيَةً أَوۡ مُشۡرِكَةٗ وَٱلزَّانِيَةُ لَا يَنكِحُهَآ إِلَّا زَانٍ أَوۡ مُشۡرِكٞۚ وَحُرِّمَ ذَٰلِكَ عَلَى ٱلۡمُؤۡمِنِينَ ﴿٣﴾
مێرێ زناكه‌ر ژبلی ژنا زناكه‌ر يان ژنا بوتپه‌رێس يا باوه‌رى ب حه‌رامبوونا زنايێ نه‌بت چو ژنان ماره ناكه‌ت، وژنا زناكه‌ر ژبلی مێرێ زناكه‌ر يان مێرێ بوتپه‌رێس يێ باوه‌رى ب حه‌رامبوونا زنايێ نه‌بت چو زه‌لام وێ ماره ناكه‌ن، وماره‌كرنا وێ ل سه‌ر خودان باوه‌ران يا هاتییه حه‌رامكرن. وئه‌ڤه ده‌ليله‌كێ ئاشكه‌رايه كو ماره‌كرنا ژنا زناكه‌ر چێ نابت حه‌تا ئه‌و تۆبه دكه‌ت، وهه‌ر وه‌سا چێ نابت مرۆڤ ژنێ بده‌نه مێرێ زناكه‌ر حه‌تا ئه‌و تۆبه بكه‌ت.
وَٱلَّذِينَ يَرۡمُونَ ٱلۡمُحۡصَنَٰتِ ثُمَّ لَمۡ يَأۡتُواْ بِأَرۡبَعَةِ شُهَدَآءَ فَٱجۡلِدُوهُمۡ ثَمَٰنِينَ جَلۡدَةٗ وَلَا تَقۡبَلُواْ لَهُمۡ شَهَٰدَةً أَبَدٗاۚ وَأُوْلَـٰٓئِكَ هُمُ ٱلۡفَٰسِقُونَ ﴿٤﴾
وئه‌وێن تاوانا كرنا زنايێ ب دويڤ هنده‌ك مرۆڤێن پاقژ ڤه‌دنن چ ژن بن چ مێر، بێى چار شاهدێن عادل شاهده‌يێ د گه‌ل وان بده‌ن، هوين حه‌شتێ جه‌لدان ب قامچییان بداننه وان، وچو جاران شاهده‌يییا وان قه‌بويل نه‌كه‌ن، وئه‌و ئه‌ون يێن ژ بن ئه‌مرێ خودێ ده‌ركه‌فتين.
إِلَّا ٱلَّذِينَ تَابُواْ مِنۢ بَعۡدِ ذَٰلِكَ وَأَصۡلَحُواْ فَإِنَّ ٱللَّهَ غَفُورٞ رَّحِيمٞ ﴿٥﴾
به‌لێ هه‌چییێ تۆبه بكه‌ت وپه‌شێمان ببت، و ژ بێ به‌ختییا خۆ لێڤه ببت وكاره‌كێ چاك بكه‌ت، هندى خودێیه گونه‌ها وى دێ ژێ به‌ت ودێ ڕه‌حمێ پێ به‌ت، وتۆبا وى قه‌بويل كه‌ت.
وَٱلَّذِينَ يَرۡمُونَ أَزۡوَٰجَهُمۡ وَلَمۡ يَكُن لَّهُمۡ شُهَدَآءُ إِلَّآ أَنفُسُهُمۡ فَشَهَٰدَةُ أَحَدِهِمۡ أَرۡبَعُ شَهَٰدَٰتِۭ بِٱللَّهِ إِنَّهُۥ لَمِنَ ٱلصَّـٰدِقِينَ ﴿٦﴾
وئه‌وێن تاوانا كرنا زنايێ ب دويڤ ژنێن خۆ ڤه‌دنن، ووان ژبلی خۆ چو شاهد ل سه‌ر گۆتنا خۆ نه‌بن، يا ل سه‌ر وى ئه‌وه ئه‌و ل نك قازى چار جاران شاهده‌يێ بده‌ت، وبێژت: خودێ شاهده كو ئه‌ز د ڤێ گۆتنا خۆ دا يێ ڕاستگۆمه.
وَٱلۡخَٰمِسَةُ أَنَّ لَعۡنَتَ ٱللَّهِ عَلَيۡهِ إِن كَانَ مِنَ ٱلۡكَٰذِبِينَ ﴿٧﴾
و ل جارا پێنجێ د سه‌ر ڤێ گۆتنێ ڕا نفرينه‌كێ ل خۆ بكه‌ت، كو ئه‌و هێژاى له‌عنه‌تا خودێ ببت ئه‌گه‌ر ئه‌و د گۆتنا خۆ دا يێ دره‌وين بت.