قورئانا پیرۆز › سورەتا النور › ئایەتا ٥٦
سورەتا النور · ئایەتا ٥٦ ب تەفسیرا کوردی
An-Nur
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
قُلۡ أَطِيعُواْ ٱللَّهَ وَأَطِيعُواْ ٱلرَّسُولَۖ فَإِن تَوَلَّوۡاْ فَإِنَّمَا عَلَيۡهِ مَا حُمِّلَ وَعَلَيۡكُم مَّا حُمِّلۡتُمۡۖ وَإِن تُطِيعُوهُ تَهۡتَدُواْۚ وَمَا عَلَى ٱلرَّسُولِ إِلَّا ٱلۡبَلَٰغُ ٱلۡمُبِينُ ﴿٥٤﴾
تو -ئه‌ى پێغه‌مبه‌ر- بێژه مرۆڤان: هوين گوهدارییا خودێ بكه‌ن، وگوهدارییا پێغه‌مبه‌رى بكه‌ن، ڤێجا ئه‌گه‌ر وان پشت دا هه‌ما يا ل سه‌ر پێغه‌مبه‌رى ئه‌وه وێ بكه‌ت يا فه‌رمان پێ لێ هاتییه‌كرن كو په‌يامێ بگه‌هينت، و يا ل سه‌ر هه‌مییان ئه‌وه وێ بكه‌ن يا فه‌رمان پێ ل وان هاتییه‌كرن، وئه‌گه‌ر هوين گوهدارییا وى بكه‌ن هوين دێ ئێنه سه‌ر حه‌قییێ، و ب تنێ يا ل سه‌ر پێغه‌مبه‌رى ئه‌وه ئه‌و ب گه‌هاندنه‌كا ئاشكه‌را په‌ياما خودايێ خۆ بگه‌هينت.
وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّـٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ وَلَيُمَكِّنَنَّ لَهُمۡ دِينَهُمُ ٱلَّذِي ٱرۡتَضَىٰ لَهُمۡ وَلَيُبَدِّلَنَّهُم مِّنۢ بَعۡدِ خَوۡفِهِمۡ أَمۡنٗاۚ يَعۡبُدُونَنِي لَا يُشۡرِكُونَ بِي شَيۡـٔٗاۚ وَمَن كَفَرَ بَعۡدَ ذَٰلِكَ فَأُوْلَـٰٓئِكَ هُمُ ٱلۡفَٰسِقُونَ ﴿٥٥﴾
خودێ سۆز ب سه‌ركه‌فتنێ دايه وان يێن باوه‌رى ئيناى ژ هه‌وه وچاكى كرين، كو ئه‌و ب جێگرى دێ وان ل عه‌ردێ بوتپه‌رێسان دانت، ودێ وان ل وێرێ كه‌ته خه‌ليفه وجێگر، وه‌كى وى د گه‌ل پێشییێن وان ژ خودان باوه‌ران كرى، وكو ئه‌و دينێ وان يێ ئه‌و بۆ وان پێ ڕازى بووى -كو ئيسلامه- دێ بنه‌جهـ وزال كه‌ت، وپشتى ترسێ ئه‌و دێ حالێ وان گوهۆڕت وكه‌ته ته‌ناهى، ئه‌گه‌ر وان په‌رستنا خودێ ب تنێ كر، و ل سه‌ر گوهدانا ئه‌مرێ وى مان، وچو شريك بۆ وى چێ نه‌كرن، وهه‌چییێ پشتى ڤێ جێگرى وته‌ناهى وزالبوون وده‌سهه‌لاتێ كافر ببت، وقه‌نجییێن خودێ ڤه‌شێرت، ئه‌و ئه‌ون يێن ژ بن ئه‌مرێ خودێ ده‌ركه‌فتين.
وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَطِيعُواْ ٱلرَّسُولَ لَعَلَّكُمۡ تُرۡحَمُونَ ﴿٥٦﴾
وهوين ب تمامى ب كرنا نڤێژێ ڕاببن، وزه‌كاتێ بده‌نه كه‌سێن پێتڤى، وگوهدارییا پێغه‌مبه‌رى -سلاڤ لێ بن- بكه‌ن؛ دا به‌لكى خودێ دلۆڤانییێ ب هه‌وه ببه‌ت.
لَا تَحۡسَبَنَّ ٱلَّذِينَ كَفَرُواْ مُعۡجِزِينَ فِي ٱلۡأَرۡضِۚ وَمَأۡوَىٰهُمُ ٱلنَّارُۖ وَلَبِئۡسَ ٱلۡمَصِيرُ ﴿٥٧﴾
قه‌ت تو هزر نه‌كه ئه‌وێن كافر بووين دێ خودێ د عه‌ردى دا بێزاركه‌ن، ئه‌و دشێت وان تێ ببه‌ت، وجهێ لێ زڤڕينا وان ل ئاخره‌تێ ئاگره، وئه‌ڤه پيسه جهه ئه‌و دزڤڕنێ.
يَـٰٓأَيُّهَا ٱلَّذِينَ ءَامَنُواْ لِيَسۡتَـٔۡذِنكُمُ ٱلَّذِينَ مَلَكَتۡ أَيۡمَٰنُكُمۡ وَٱلَّذِينَ لَمۡ يَبۡلُغُواْ ٱلۡحُلُمَ مِنكُمۡ ثَلَٰثَ مَرَّـٰتٖۚ مِّن قَبۡلِ صَلَوٰةِ ٱلۡفَجۡرِ وَحِينَ تَضَعُونَ ثِيَابَكُم مِّنَ ٱلظَّهِيرَةِ وَمِنۢ بَعۡدِ صَلَوٰةِ ٱلۡعِشَآءِۚ ثَلَٰثُ عَوۡرَٰتٖ لَّكُمۡۚ لَيۡسَ عَلَيۡكُمۡ وَلَا عَلَيۡهِمۡ جُنَاحُۢ بَعۡدَهُنَّۚ طَوَّـٰفُونَ عَلَيۡكُم بَعۡضُكُمۡ عَلَىٰ بَعۡضٖۚ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِۗ وَٱللَّهُ عَلِيمٌ حَكِيمٞ ﴿٥٨﴾
ئه‌ى ئه‌وێن باوه‌رى ب خودێ ئيناى ودويكه‌فتنا پێغه‌مبه‌رێ وى كرى هوين فه‌رمانێ ل عه‌بد وجارییێن خۆ بكه‌ن، و ل زارۆكێن خۆ ژى ئه‌وێن بالغ نه‌بووين كو ل ده‌مێ هاتنێ ل سێ وه‌ختان بلا ئه‌و ده‌ستويرییێ ژ هه‌وه بخوازن: به‌رى نڤێژا سپێدێ؛ چونكى ل وى ده‌مى هوين جلكێن خۆ يێن نڤستنێ ددانن وجلكێن ڕۆژێ دكه‌نه به‌ر خۆ، و ل ده‌مێ هوين جلكێن خۆ ل نيڤرۆ بۆ بێنڤه‌دانێ ددانن، وپشتى نڤێژا عه‌يشا؛ چونكى ئه‌و ده‌مێ نڤستنێیه، ئه‌ڤ هه‌ر سێ ده‌مه بۆ هه‌وه ده‌مێن خۆڤه‌شارتن وستاره‌كرنێنه، و ل ده‌مێن دى چو نينه ئه‌گه‌ر ئه‌و بێ ده‌ستويرى بێنه ژۆر؛ چونكى ئه‌و دهه‌وجه‌نه بێنه نك هه‌وه، وبۆ خزمه‌تكرنێ ئه‌و ب سه‌ر هه‌وه دا دئێن، ووه‌كى خودێ حوكمێ خواستنا ده‌ستويرییێ بۆ هه‌وه ئاشكه‌راكرى وه‌سا ئه‌و ئايه‌ت وئه‌حكام وده‌ليلێن دينێ خۆ بۆ هه‌وه ئاشكه‌را دكه‌ت. وخودێ ب وى تشتى يێ پڕزانايه يێ چاكییا خه‌لكى تێدا بت، ويێ كاربنه‌جهه د ڕێڤه‌برنا كارێ وان دا.