قورئانا پیرۆز › سورەتا الرعد › ئایەتا ١٩
سورەتا الرعد · ئایەتا ١٩ ب تەفسیرا کوردی
Ar-Ra'd
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَنزَلَ مِنَ ٱلسَّمَآءِ مَآءٗ فَسَالَتۡ أَوۡدِيَةُۢ بِقَدَرِهَا فَٱحۡتَمَلَ ٱلسَّيۡلُ زَبَدٗا رَّابِيٗاۖ وَمِمَّا يُوقِدُونَ عَلَيۡهِ فِي ٱلنَّارِ ٱبۡتِغَآءَ حِلۡيَةٍ أَوۡ مَتَٰعٖ زَبَدٞ مِّثۡلُهُۥۚ كَذَٰلِكَ يَضۡرِبُ ٱللَّهُ ٱلۡحَقَّ وَٱلۡبَٰطِلَۚ فَأَمَّا ٱلزَّبَدُ فَيَذۡهَبُ جُفَآءٗۖ وَأَمَّا مَا يَنفَعُ ٱلنَّاسَ فَيَمۡكُثُ فِي ٱلۡأَرۡضِۚ كَذَٰلِكَ يَضۡرِبُ ٱللَّهُ ٱلۡأَمۡثَالَ ﴿١٧﴾
پاشى خودێ مه‌ته‌له‌ك ل سه‌ر حه‌قییێ ونه‌حه‌قییێ ئينا ب وێ ئاڤا وى ژ عه‌سمانى باراندى، ڤێجا نهالێن عه‌ردى پێ ڕابووين ل دويڤ بچويكى ومه‌زنییا وان، وله‌هییێ كه‌فه‌كا بلند وبێ مفا د گه‌ل خۆ هلگرت. ومه‌ته‌له‌كا دى ئينا: ب وان كه‌ره‌ستێن ئاگرى ل سه‌ر هل دكه‌نێ دا بحه‌لينن وبكه‌نه چه‌ك وه‌كى زێڕى وزيڤى، يان ژى دا مفایه‌كێ دى بۆ خۆ ژێ وه‌ربگرن وه‌كى سفرى، ڤێجا ئه‌و ده‌غه‌لێ بێ مفا وه‌كى وێ كه‌فا ب سه‌ر له‌هییێ كه‌فتى ژێ ده‌ردكه‌ڤت، ب ڤى ڕه‌نگى خودێ مه‌ته‌لا حه‌قه‌يێ ونه‌حه‌قییێ دئينت: ڤێجا نه‌حه‌قى وه‌كى كه‌فا ئاڤێيه پويچ دبت ودچت؛ چونكى چو مفا تێدا نينه، وحه‌قى وه‌كى ئاڤا صافییه، ووه‌كى وى كه‌ره‌ستێ پاقژه ئه‌وێ بۆ مفا ژێ وه‌رگرتنێ ل عه‌ردى دمينت، ووه‌كى وى ئه‌ڤ مه‌ته‌له بۆ هه‌وه ئيناين، وه‌سا ئه‌و مه‌ته‌لان بۆ مرۆڤان دئينت؛ دا حه‌قى ونه‌حه‌قى پێ ژێك بێته ڤاڤارتن.
لِلَّذِينَ ٱسۡتَجَابُواْ لِرَبِّهِمُ ٱلۡحُسۡنَىٰۚ وَٱلَّذِينَ لَمۡ يَسۡتَجِيبُواْ لَهُۥ لَوۡ أَنَّ لَهُم مَّا فِي ٱلۡأَرۡضِ جَمِيعٗا وَمِثۡلَهُۥ مَعَهُۥ لَٱفۡتَدَوۡاْ بِهِۦٓۚ أُوْلَـٰٓئِكَ لَهُمۡ سُوٓءُ ٱلۡحِسَابِ وَمَأۡوَىٰهُمۡ جَهَنَّمُۖ وَبِئۡسَ ٱلۡمِهَادُ ﴿١٨﴾
بۆ وان خودان باوه‌رێن گوهدارییا خودێ وپێغه‌مبه‌رێ وى كرى به‌حه‌شت هه‌يه، وبۆ ئه‌وێن گوهدارییا وى نه‌كرى وكافربووين ئاگر هه‌يه، وئه‌گه‌ر هه‌ر تشته‌كێ ل عه‌ردى هه‌ى وهندى وى ژى د گه‌ل دا يێ وان با ئه‌و دا وى هه‌مییێ ده‌ن به‌س دا بشێن خۆ پێ ژ عه‌زابا خودێ ل ڕۆژا قيامه‌تێ بكڕن، وئه‌و ژ وان نائێته قه‌بويلكرن، حسيبا هه‌ر كاره‌كێ خراب يێ وان كرى دێ د گه‌ل وان ئێته‌كرن، ووارێ وان دێ جه‌هنه‌م بت ئه‌و دێ بۆ وان بته جهـ، وئه‌و پيسه جهه وان بۆ خۆ ڕائێخستى.
۞أَفَمَن يَعۡلَمُ أَنَّمَآ أُنزِلَ إِلَيۡكَ مِن رَّبِّكَ ٱلۡحَقُّ كَمَنۡ هُوَ أَعۡمَىٰٓۚ إِنَّمَا يَتَذَكَّرُ أُوْلُواْ ٱلۡأَلۡبَٰبِ ﴿١٩﴾
ئه‌رێ ما ئه‌وێ دزانت كو ئه‌وا بۆ ته -ئه‌ى پێغه‌مبه‌ر- ژ نك خودێ هاتییه خوارێ ڕاستییه وباوه‌رییێ پێ دئينت، وه‌كى وى كۆره‌يه يێ حه‌قییێ نه‌بينت وباوه‌رییێ پێ نه‌ئينت؟ هه‌ما خودان عه‌قلێن دورست مفایى بۆ خۆ ژێ دبينن.
ٱلَّذِينَ يُوفُونَ بِعَهۡدِ ٱللَّهِ وَلَا يَنقُضُونَ ٱلۡمِيثَٰقَ ﴿٢٠﴾
ئه‌وێن وێ په‌يمانا خودێ پێك دئينن يا وى فه‌رمان پێ ل وان كرى، وئه‌و وێ په‌يمانا موكم يا وان دايه خودێ ناشكێنن.
وَٱلَّذِينَ يَصِلُونَ مَآ أَمَرَ ٱللَّهُ بِهِۦٓ أَن يُوصَلَ وَيَخۡشَوۡنَ رَبَّهُمۡ وَيَخَافُونَ سُوٓءَ ٱلۡحِسَابِ ﴿٢١﴾
وئه‌و ئه‌ون يێن وى تشتێ خودێ فه‌رمان ب گه‌هاندنا وى كرى وه‌كى مرۆڤاينییێ وهاريكارییا پێتڤییان دگه‌هينن، وبه‌رێ وان يێ ل خودێ، و ژ هندێ دترسن كو خودێ حسێبێ سه‌را گونه‌هان د گه‌ل وان بكه‌ت، وتشته‌كى ژ وان گونه‌هان بۆ وان ژێ نه‌به‌ت.