قورئانا پیرۆز › سورەتا الرعد › ئایەتا ٢٥
سورەتا الرعد · ئایەتا ٢٥ ب تەفسیرا کوردی
Ar-Ra'd
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
جَنَّـٰتُ عَدۡنٖ يَدۡخُلُونَهَا وَمَن صَلَحَ مِنۡ ءَابَآئِهِمۡ وَأَزۡوَٰجِهِمۡ وَذُرِّيَّـٰتِهِمۡۖ وَٱلۡمَلَـٰٓئِكَةُ يَدۡخُلُونَ عَلَيۡهِم مِّن كُلِّ بَابٖ ﴿٢٣﴾
ئه‌و دويماهییا هه به‌حه‌شتێن عه‌دنێنه ئه‌و هه‌ر دێ لێ مينن وژێ ده‌رناكه‌ڤن، ئه‌و و د گه‌ل وان دا هه‌چییێ چاك ژ باب وژن ودوونده‌هێن وان ژ نێر ومێیان، وملیاكه‌ت د هه‌مى ده‌رگه‌هان ڕا ب سه‌ر وان ڤه دئێنه ژۆر؛ دا پيرۆزباهییێ ل وان بكه‌ن كو ئه‌و هاتينه به‌حه‌شتێ.
سَلَٰمٌ عَلَيۡكُم بِمَا صَبَرۡتُمۡۚ فَنِعۡمَ عُقۡبَى ٱلدَّارِ ﴿٢٤﴾
ملیاكه‌ت دبێژنه وان: ژ به‌ر صه‌برا هه‌وه كێشاى ل سه‌ر گوهدارییا خودێ هوين ژ هه‌ر نه‌خۆشییه‌كێ ب سلامه‌تى بن، ڤێجا به‌حه‌شت چ خۆش خانییێ دويماهییێيه.
وَٱلَّذِينَ يَنقُضُونَ عَهۡدَ ٱللَّهِ مِنۢ بَعۡدِ مِيثَٰقِهِۦ وَيَقۡطَعُونَ مَآ أَمَرَ ٱللَّهُ بِهِۦٓ أَن يُوصَلَ وَيُفۡسِدُونَ فِي ٱلۡأَرۡضِ أُوْلَـٰٓئِكَ لَهُمُ ٱللَّعۡنَةُ وَلَهُمۡ سُوٓءُ ٱلدَّارِ ﴿٢٥﴾
به‌لێ ئه‌و به‌ختڕه‌شێن سالۆخه‌تێن وان دژى سالۆخه‌تێن خودان باوه‌ران، ئه‌و ئه‌ون يێن په‌يمانا خودێ ب جهـ نائينن كو په‌رستنا وى ب تنێ بكه‌ن پشتى وان ئه‌و په‌يمان ل سه‌ر خۆ به‌ستى ژى، وئه‌و ئه‌ون يێن وى تشتى دبڕن يێ خودێ فه‌رمان ب گه‌هاندنا وى داى، و ب كرنا گونه‌هان خرابكارییێ د عه‌ردى دا دكه‌ن، ئه‌ڤه ئه‌وێن ئه‌ڤ سالۆخه‌تێن كرێت ل نك هه‌ين دويركه‌فتنا ژ ڕه‌حما خودێ بۆ وان هه‌يه، و ل ئاخره‌تێ ئه‌و عه‌زابا وان پێ نه‌خۆش بت بۆ وان هه‌يه.
ٱللَّهُ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ وَفَرِحُواْ بِٱلۡحَيَوٰةِ ٱلدُّنۡيَا وَمَا ٱلۡحَيَوٰةُ ٱلدُّنۡيَا فِي ٱلۡأٓخِرَةِ إِلَّا مَتَٰعٞ ﴿٢٦﴾
خودێ ب تنێیه ڕزقى بۆ وى يێ وى بڤێت ژ به‌نییێن خۆ به‌رفره‌هـ دكه‌ت، و ل سه‌ر وى به‌رته‌نگ دكه‌ت يێ وى بڤێت، وكافران كه‌يف ب به‌رفره‌هییا د ژينا دنيايێ دا دئێت، وئه‌ڤ ژينا دنيايێ به‌رانبه‌ر ئاخره‌تێ خۆشییه‌كا كێم وبه‌روه‌خته، دێ چت ونامينت.
وَيَقُولُ ٱلَّذِينَ كَفَرُواْ لَوۡلَآ أُنزِلَ عَلَيۡهِ ءَايَةٞ مِّن رَّبِّهِۦۚ قُلۡ إِنَّ ٱللَّهَ يُضِلُّ مَن يَشَآءُ وَيَهۡدِيٓ إِلَيۡهِ مَنۡ أَنَابَ ﴿٢٧﴾
وكافر ژ ڕكدارى دبێژن: پا دێ بلا موعجزه‌یه‌كا به‌رچاڤ يا وه‌كى موعجزه‌يا مووساى وعيساى بۆ موحه‌ممه‌دى هاتبا خوارێ. تو بێژه وان: هندى خودێیه يێ وى بڤێت ژ ڕكداران ئه‌و وى ژ ڕێكا هيدايه‌تێ به‌رزه دكه‌ت، ڤێجا موعجزه چو مفاى ناگه‌هيننه وى، وبه‌رێ وى دده‌ته دينێ خۆ يێ حه‌ق يێ ل وى بزڤڕت وداخوازا ڕازيبوونا وى بكه‌ت.