قورئانا پیرۆز › سورەتا الرعد › ئایەتا ٣١
سورەتا الرعد · ئایەتا ٣١ ب تەفسیرا کوردی
Ar-Ra'd
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
ٱلَّذِينَ ءَامَنُواْ وَعَمِلُواْ ٱلصَّـٰلِحَٰتِ طُوبَىٰ لَهُمۡ وَحُسۡنُ مَـَٔابٖ ﴿٢٩﴾
ئه‌وێن باوه‌رى ب خودێ وپێغه‌مبه‌رێ وى ئيناى، وكريارێن چاك كرين خۆشى وچاڤڕوهنى، وحاله‌كێ باش، ودويماهى ولێزڤڕينه‌كا تازه ل به‌حه‌شتێ د ڕازيبوونا خودێ دا بۆ وان هه‌يه.
كَذَٰلِكَ أَرۡسَلۡنَٰكَ فِيٓ أُمَّةٖ قَدۡ خَلَتۡ مِن قَبۡلِهَآ أُمَمٞ لِّتَتۡلُوَاْ عَلَيۡهِمُ ٱلَّذِيٓ أَوۡحَيۡنَآ إِلَيۡكَ وَهُمۡ يَكۡفُرُونَ بِٱلرَّحۡمَٰنِۚ قُلۡ هُوَ رَبِّي لَآ إِلَٰهَ إِلَّا هُوَ عَلَيۡهِ تَوَكَّلۡتُ وَإِلَيۡهِ مَتَابِ ﴿٣٠﴾
وه‌كى به‌رى ته -ئه‌ى پێغه‌مبه‌ر- مه پێغه‌مبه‌ر هنارتين، وه‌سا مه تو ژى د ناڤ ملله‌ته‌كى دا هنارتى به‌رى وان گه‌له‌ك ملله‌تێن پێغه‌مبه‌ران بۆرينه؛ دا تو بۆ ڤى ملله‌تى وێ قورئانێ يا بۆ ته هاتییه خوارێ بخوينى، وحالێ ملله‌تى ئه‌وه ئه‌و كافرییێ ب ئێكينییا خودايێ ره‌حمان دكه‌ن، تو -ئه‌ى پێغه‌مبه‌ر- بێژه وان: خودايێ ره‌حمان ئه‌وێ هوين باوه‌رییێ ب ئێكينییا وى نائينن خودايێ منه، ژ وى پێڤه‌تر چو خودايێن ب حه‌ق نينن په‌رستن بۆ بێته‌كرن، من خۆ هێلايه ب هيڤییا وى ڤه وباوه‌رى پێ ئینایه، وزڤڕينا من بۆ نك ویيه.
وَلَوۡ أَنَّ قُرۡءَانٗا سُيِّرَتۡ بِهِ ٱلۡجِبَالُ أَوۡ قُطِّعَتۡ بِهِ ٱلۡأَرۡضُ أَوۡ كُلِّمَ بِهِ ٱلۡمَوۡتَىٰۗ بَل لِّلَّهِ ٱلۡأَمۡرُ جَمِيعًاۗ أَفَلَمۡ يَاْيۡـَٔسِ ٱلَّذِينَ ءَامَنُوٓاْ أَن لَّوۡ يَشَآءُ ٱللَّهُ لَهَدَى ٱلنَّاسَ جَمِيعٗاۗ وَلَا يَزَالُ ٱلَّذِينَ كَفَرُواْ تُصِيبُهُم بِمَا صَنَعُواْ قَارِعَةٌ أَوۡ تَحُلُّ قَرِيبٗا مِّن دَارِهِمۡ حَتَّىٰ يَأۡتِيَ وَعۡدُ ٱللَّهِۚ إِنَّ ٱللَّهَ لَا يُخۡلِفُ ٱلۡمِيعَادَ ﴿٣١﴾
خودايێ مه‌زن به‌رسڤا وان كافران دده‌ت ئه‌وێن داخوازا هاتنا هنده‌ك موعجزه‌يێن به‌رچاڤ ژ پێغه‌مبه‌رى -سلاڤ لێ بن- كرى ودبێژته وان: وئه‌گه‌ر قورئانه‌ك هه‌با هاتبا خواندن، ڤێجا چيا پێ ژ جهێن خۆ هاتبانه ڕاكرن، يان عه‌رد پێ هاتبا شه‌قكرن وڕويبار ژێ ده‌ركه‌فتبان، يان مرى پێ هاتبانه زێنديكرن وئاخافتن، ئه‌و قورئانا وه‌سا دا ئه‌ڤ قورئانه بت، ووان باوه‌رى پێ نه‌دئينا. به‌لكى كار وفه‌رمان د هاتنا موعجزه‌يان دا و د هه‌ر تشته‌كێ دى دا بۆ خودێ ب تنێیه. ئه‌رێ ڤێجا ما خودان باوه‌ران نه‌زانییه كو ئه‌گه‌ر خودێ ڤيابا دا خه‌لكێ عه‌ردى هه‌مى بێى موعجزه ژى باوه‌رییێ ئينن؟ وكافر هه‌ر دێ مينن -ژ به‌ر كوفرا وان- نه‌خۆشى وگرفتارییێن وه‌كى كوشتنێ وئێخسيركرنێ دێ ب سه‌ر وان دا ئێن، يان ئه‌و نه‌خۆشى وگرفتارى دێ كه‌ڤنه نێزيكى خانییێن وان، حه‌تا سۆزا خودێ ب سه‌ركه‌فتنا ل سه‌ر وان دئێت، هندى خودێیه ژ سۆزێ لێڤه نابت.
وَلَقَدِ ٱسۡتُهۡزِئَ بِرُسُلٖ مِّن قَبۡلِكَ فَأَمۡلَيۡتُ لِلَّذِينَ كَفَرُواْ ثُمَّ أَخَذۡتُهُمۡۖ فَكَيۡفَ كَانَ عِقَابِ ﴿٣٢﴾
وئه‌گه‌ر وان يارى بۆ خۆ ب گازییا ته كربن -ئه‌ى پێغه‌مبه‌ر- ب ڕاستى ملله‌تێن به‌رى ته ژى يارى بۆ خۆ ب پێغه‌مبه‌رێن خۆ كربوون، ڤێجا تو ب خه‌م نه‌كه‌ڤه چونكى من ل دويڤ كافران به‌ردابوو پاشى من ئه‌و ب عه‌زابا خۆ گرتن، وئه‌و عه‌زابه‌كا دژوار بوو.
أَفَمَنۡ هُوَ قَآئِمٌ عَلَىٰ كُلِّ نَفۡسِۭ بِمَا كَسَبَتۡۗ وَجَعَلُواْ لِلَّهِ شُرَكَآءَ قُلۡ سَمُّوهُمۡۚ أَمۡ تُنَبِّـُٔونَهُۥ بِمَا لَا يَعۡلَمُ فِي ٱلۡأَرۡضِ أَم بِظَٰهِرٖ مِّنَ ٱلۡقَوۡلِۗ بَلۡ زُيِّنَ لِلَّذِينَ كَفَرُواْ مَكۡرُهُمۡ وَصُدُّواْ عَنِ ٱلسَّبِيلِۗ وَمَن يُضۡلِلِ ٱللَّهُ فَمَا لَهُۥ مِنۡ هَادٖ ﴿٣٣﴾
ئه‌رێ ڤێجا ما ئه‌وێ ل سه‌ر هه‌ر نه‌فسه‌كێ پێڕابوویى بت وكريارێن وێ بهژمێرت، ئه‌و هێژاتره بێته په‌رستن، يان ئه‌ڤ چێكرییێن بێزار؟ ووان -ژ نه‌زانينا خۆ- هنده‌ك هه‌ڤپشك بۆ خودێ ژ چێكرییێن وى دانان په‌رستن بۆ كر، تو -ئه‌ى پێغه‌مبه‌ر- بێژه وان: هوين ناڤ وسالۆخه‌تێن وان بێژن، وئه‌و تشته‌كى ژ سالۆخه‌تێن وان نابێژن كو ئه‌و پێ هێژاى په‌رستنێ ببن، يان هوين به‌حسێ هنده‌ك هه‌ڤپشكان بۆ خودێ د عه‌ردێ وى دا دكه‌ن ئه‌و پێ ناحه‌ست، يان هوين ب په‌يڤێن سه‌رڤه سه‌رڤه بێى كو ڕاستییه‌ك بۆ هه‌بت وان دكه‌نه هه‌ڤپشك. به‌لكى شه‌يتانى ل به‌ر كافران گۆتنا وان يا نه‌حه‌ق وپاشڤه‌برنا وان ژ ڕێكا خودێ خه‌ملاند. وهه‌چییێ خودێ به‌رێ وى نه‌ده‌ته هيدايه‌تا خۆ وى كه‌س نابت به‌رێ وى بده‌ته حه‌قییێ وسه‌رڕاستییێ.