قورئانا پیرۆز › سورەتا الرعد › ئایەتا ٤٣
سورەتا الرعد · ئایەتا ٤٣ ب تەفسیرا کوردی
Ar-Ra'd
بِسۡمِ ٱللَّهِ ٱلرَّحۡمَٰنِ ٱلرَّحِيمِ
تەفسیرا ساناهی — ماموستا تەحسین ئیبراهیم دۆسکی · ژێدەر
أَوَلَمۡ يَرَوۡاْ أَنَّا نَأۡتِي ٱلۡأَرۡضَ نَنقُصُهَا مِنۡ أَطۡرَافِهَاۚ وَٱللَّهُ يَحۡكُمُ لَا مُعَقِّبَ لِحُكۡمِهِۦۚ وَهُوَ سَرِيعُ ٱلۡحِسَابِ ﴿٤١﴾
ئه‌رێ ما ئه‌ڤ كافره نابينن كو ئه‌م يێن دئێين عه‌ردى ژ ره‌خێن وى ڤه كێم دكه‌ين، كو موسلمان وه‌لاتێ شركێ ڤه‌دكه‌ن و ب سه‌ر وه‌لاتێ ئيسلامێ ڤه به‌ردده‌ن؟ وخودێیه حوكمى دكه‌ت وكه‌س نينه حوكمه‌كێ دى د سه‌ر حوكمێ وى ڕا بكه‌ت، وئه‌و يێ حسێب سڤكه، ڤێجا بلا ئه‌و له‌زێ ل عه‌زابێ نه‌كه‌ن، چونكى هه‌ر تشته‌كێ بێت یێ نێزیكه.
وَقَدۡ مَكَرَ ٱلَّذِينَ مِن قَبۡلِهِمۡ فَلِلَّهِ ٱلۡمَكۡرُ جَمِيعٗاۖ يَعۡلَمُ مَا تَكۡسِبُ كُلُّ نَفۡسٖۗ وَسَيَعۡلَمُ ٱلۡكُفَّـٰرُ لِمَنۡ عُقۡبَى ٱلدَّارِ ﴿٤٢﴾
و ب ڕاستى ئه‌وێن به‌رى وان پيلان بۆ پێغه‌مبه‌رێن خۆ گێڕابوون، وگێڕانا هه‌مى پيلانان بۆ خودێ ب تنێیه، ئه‌وه پيلانێن وان پويچ دكه‌ت، خودێ دزانت كانێ هه‌ر نه‌فسه‌ك چ باشییێ يان خرابییێ دكه‌ت وئه‌و دێ وێ سه‌را جزاده‌ت. وكافر پاشى دێ زانن -ده‌مێ ئه‌و دئێنه نك خودايێ خۆ- كانێ دويماهییا باش پشتى ڤێ دنيايێ بۆ كییه؟ ئه‌و بۆ دویكه‌فتییێن پێغه‌مبه‌رانه. وئه‌ڤه گه‌فه‌كه بۆ كافران.
وَيَقُولُ ٱلَّذِينَ كَفَرُواْ لَسۡتَ مُرۡسَلٗاۚ قُلۡ كَفَىٰ بِٱللَّهِ شَهِيدَۢا بَيۡنِي وَبَيۡنَكُمۡ وَمَنۡ عِندَهُۥ عِلۡمُ ٱلۡكِتَٰبِ ﴿٤٣﴾
وئه‌وێن كافر بووين دبێژنه پێغه‌مبه‌رێ خودێ: ئه‌ى موحه‌ممه‌د، خودێ تو نه‌كرییه پێغه‌مبه‌ر، تو بێژه وان: خودێ به‌سه شاهد بت ل سه‌ر ڕاستگۆيیا من ودره‌وينییا هه‌وه، وشاهدییا وان به‌سه يێن زانينا كيتابێ ل نك هه‌ى ژ وان جوهى وفه‌لان يێن باوه‌رى ب پێغه‌مبه‌رينییا من ئيناى، و باوه‌رى ب وێ ئيناى يا ژ نك خودێ هاتى، ودويكه‌فتنا حه‌قییێ كرى وشاهدییا خۆ ئاشكه‌را كرى ونه‌ڤه‌شارتى.